二十三歲的o靚模許穎（Phoebe），入行以來緋聞多多，不乏富家公子圍住氹氹轉，去年七月先有億萬石油太子爺潘德鴻（Michael），日日以百萬名車管接送，出入九龍塘獨立屋。雖然未幾Michael就轉投另一o靚模懷抱，但有計的Phoebe，亦火速搭上另一石油公司太子爺方公子。可惜好景不常，拍拖消息一出後，方父棒打鴛鴦，迫令二人分手。

日前約下午二時，本刊發現在黃埔做完電台訪問後，Phoebe便急急腳乘的士到尖沙咀一停車場，鬼祟與一名貌似周杰倫的男子會合，兩人在大埔買了一堆壽司，便火速返回馬鞍山一居屋單位，看來連遭有錢仔狠撇的Phoebe，已對富家公子徹底失望，寧願轉嗒居屋仔。

Phoebe表示今年寫真集將會突破地以素顏及裸體示人，挑戰一眾o靚模的尺度。

戴着口罩的Phoebe與男友，一同到大埔的一家日本餐廳揀選壽司，然後外賣拎走。

威盡書展

書展將至，近月各位o靚模都紛紛為影寫真集做好準備，去年何佩瑜（Jeana）與許穎（Phoebe）的舌戰成為寫真焦點，最後Phoebe出動億萬石油太子爺男友潘德鴻（Michael），拖齊兄弟以六架林寶堅尼在會展門口列陣造勢，令她風頭一時無兩。可惜未幾Michael被本刊拍得與一名索女，在又一城十指緊扣拍拖行街，Phoebe睇完報道後隨即斬纜。事後，她更酸溜溜向傳媒表示自己鍾意專一嘅男仔，還說Michael對個個女仔都好好，如此性格並不是她想要的男友喎！

為炫耀與Phoebe的親密關係，Jason在facebook大晒與Phoebe食麥記的相片。

今年二月，Phoebe又被發現與另一石油公司太子爺方公子撻着，兩人除了被發現孖住夜蒲蘭桂坊外，方公子更不避嫌去睇女友行婚紗騷，但據Phoebe閨中好友透露，報道一出街後，方父立即棒打鴛鴦，「方公子份人好細心、又幽默，Phoebe好鍾意佢o架，但係佢兩個拍咗一個禮拜拖就畀傳媒發現。方公子個老竇好唔鍾意娛樂圈，所以知道咗個仔同o靚模拍拖，就唔畀個仔同Phoebe來往。失敗咗兩次之後，Phoebe依家對啲富二代都死晒心。」