14/2衰擺款
等埋位時，周麗淇與姊妹呂慧儀坐埋一邊，與其他女生好似楚河漢界咁。之後王君馨遞零食俾佢，佢都不願理睬。
無綫一線花旦走得就走，造就二線花旦胡杏兒、陳法拉及徐子珊上位，就連周麗淇亦成為力捧花旦之一，在新劇《女警愛作戰》中再度擔正。周麗淇雖然唔係無綫親生女，在《我的如意狼君》中又被狠批戲「屎」，但因為埋到無綫高層梁家樹堆，所以劇接劇冇停！
恃住高層撐腰，拍攝《女警愛作戰》時，周麗淇自行升呢，多次擺款教劇中女星做戲。之前她又因為懷疑服裝人員偷電話，要求對方當眾搜身，最後發現原來自己大懵搞錯咗。種種行為導致台前幕後都怕咗佢！

 
周麗淇（Niki）去年11月尾開始拍《女警愛作戰》，一眾台前幕後與她相處了三個多月之後，個個都話怕怕。「《女警》唔少場戲都靠現場飛紙仔，Niki一味意見多多。佢成日話劇中女星做得唔好，於是即時視后上身教對方做戲，搞到人人都怕咗佢。係阿蟹（呂慧儀）至頂得佢順，同佢有兩句咋。」知情人士說。
2月13日，眾演員在屯門海水化淡廠拍外景，其中一場講述姚子羚跳樓的場口。埋位前，周麗淇手舞足蹈教對手姚子羚做戲，模仿她的角色俾膠喉纏腰跳樓時的動作。姚子羚顯然冇乜反應，只係久不久點下頭；反而周麗淇行開之後，姚子羚就成個生晒，不時同工作人員有講有笑。放飯時，眾演員都在臨時的茶水間食飯，Niki就一個人返回攝製組專車用膳。Niki的助手亦冇同Niki一起，反而圍埋其他演員一齊食。

得梁家樹力撐
翌日晚，《女警愛作戰》在石硤尾取景，Niki拉埋呂慧儀坐埋一邊，之後王君韾、黃智雯、朱慧敏等女星到場。原本多幾個女仔應該更熱鬧，但現場所見，兩邊壁壘分明。後來王君韾發現有記者影相，她才上前問Niki吃不吃零食，但Niki不領情，其後兩人全晚零交流。之後黃智雯、朱慧敏、王君韾、朱璇和趙希洛收工後去食糖水，Niki與呂慧儀亦唔見影。其實Niki唔止與其他女藝員關係唔好，幕後工作人員對她都敢怒不敢言。有幕後人員爆料：「Niki之前試過唔見電話，仲發咗癲咁鬧服裝姐姐，話要搜佢身。服裝姐姐為表清白叫Niki報警，點知轉頭Niki助手搵番部電話，原來係Niki冇手尾，擺埋一邊！件事搞到好大，好多人都忿忿不平。不過Niki係Tommy（無綫製作部製作總監梁家樹）愛將，上年11月Tommy親自帶Niki去製作部搵其他監製打招呼，咁梗係冇人敢話佢。」

 
回應漏口風
對於各種指控，周麗淇於周六（18日）出席TSUMORI CHISATO活動時一一否認，但就暗示自己樹敵被整蠱。 周麗淇：唔知係咪得罪人 Niki解釋：「我同其他演員關係好融洽，私底下都有約食飯。（咁你係咪教其他女演員做戲呀？）畫面睇可能係講緊戲，但其實我哋係互相溝通。（上年11月，梁家樹係咪帶你上製作部逐一介紹俾監製識？）冇件咁嘅事，我連開《女警愛作戰》都冇見過Tommy，對上見佢都係Toby結婚。」不過問到「偷嘢」嗰件事，Niki就自爆係同偷電話有關：「你係咪講個電話，我所有財物都交晒俾助手。如果啲指控咁嚴重，我唔知係咪得罪人。」

 
眾女暗寸
黃智雯：同佢唔算熟「其實都冇黨冇派，只係私底下同Niki就唔熟。（佢有冇教你做戲？）演員同演員之間俾意見就一定有。（有冇聽過Niki唔見電話懷疑服裝姐姐偷？）咁又冇聽過！」



姚子羚：我哋會傾吓戲「我哋會傾吓戲，例如嗰日拍跳樓戲，大家會研究吓。（嗰日Niki自己一個人上車食飯？）佢話病吖嘛！咪上車食囉。」但當日Niki教做戲時十分生猛，完全唔似病！



王君馨：會聽前輩教「傾吓戲係有，我係新人，會聽前輩教。（14日晚，你哋拍完戲去食糖水，點解唔見Niki同呂慧儀？） Niki第二朝要拍戲，而阿蟹就要陪老公。」 ####

 


王君馨周不時都會帶備零食請同事食。當晚成班女仔企另一邊又食又玩自拍，當Niki透明。


13/2懶醒教做戲
Niki教姚子羚做戲時手舞足蹈咁，完全唔似姚子羚所講Niki有病在身喎。


拒同枱食飯
放飯時Niki跳上攝製組專車玩自閉，之後助手就攞飯盒俾佢食。


Niki助手


Niki助手攞完飯盒俾Niki後，就同其他演員開餐，仲同王君馨傾到手舞足蹈，姚子羚就笑唔停口。




12月9日，無綫製作總監梁家樹（上圖）愛女梁靖琪（Toby）結婚，識做嘅周麗淇亦有出席婚宴。


 


 


 



 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄