問乜都唔答！（真實對白）

為求洗底，平日最愛牀上運動的陳冠希（Edison），早前走去跑馬拉松，點知賽後被踢爆掉包，成績被取消。他要挽救垂死人氣，似乎難過跑全馬，於是再一次爆敗走美國。放低跑鞋，精力無處發洩的陳冠希，未有吸取「淫照事件」及去年偷嗒16歲慾模Cammi（謝芷蕙）的教訓，繼續沉迷網上溝女。近日他毫不避嫌於 Instagram狂溝台灣辣模Nita Chang（張亞蘭），以一貫口甜舌滑式口吻撩人，又主動攞對方contact，但辣模似乎唔多受落，Edison惟有厚住面皮私底下send訊息大讚Nita「You’re so hot」。死性不改的陳冠希，溝女態度繼續有殺錯冇放過。

黑面拒回應
本周三（22日），陳冠希出席公開活動時，拒絕回應再出手喪溝台模一事，見到記者手持Nita性感照，他更全程黑面。


自08年爆出淫照事件，陳冠希躍升國際新聞男主角。摺埋4年後，近年密謀捲土重來的他，積極為昔日的孽債洗底，同時為親手創立的品牌「Clot」時裝業務四出找潮牌合作，重建潮人形象。不過去年與模Cammi啜嘴慾照一曝光，其稍露曙光的事業，再次跌入萬劫不復之地。本月初，陳冠希化身慈善之星為贊助商Nike跑全馬，成事不足的他，結果因出貓而衰多幾錢重，惹來全城圍插。

Nita Profile
身高：166cm 三圍：32C、24、33 血統：西班牙（母）、台灣（父）職業：平面模特兒，主力為台灣多本流行雜誌拍照。

形象差影響生意
據知，早前飛返美國L.A.避鋒頭的陳冠希，唔止復出幕前的大計受阻，連帶其自家品牌「Clot」在香港的生意額亦危危乎。為了節流，近日Clot的辦公室基地已由位於銅鑼灣月租約六萬幾的航空大廈，搬往黃竹坑工廠舊區的南匯廣場，月租只需約二萬元。一手創立的品牌面臨困境，不過亦無損他的溝女雅興。據知情者透露：「Edison喺香港嘅生意差唔多每月都蝕錢，地舖啲租又貴，簽死兩年約又唔郁得，惟有蝕住都做。不過佢早前就將銅鑼灣嘅 office搬入黃竹坑，慳番一筆。依家佢只係靠上海同台灣間舖撐住，阿爺（林建岳）又閂水喉，Edison知自己喺香港好難搵食，所以咪飛去美國搵機會囉。不過佢仲成日同我哋講no big deal喎！最緊要係有飯開，有女溝。」暫時仲有飯開的Edison，果然坐言起行，平日他喜歡上載食物、自拍照及風景相於微博及Instagram，擺明醉翁之意不在酒，實際上是利用Instagram去溝女，再次投入網上世界搵獵物。最近陳冠希便在Instagram漁翁撒網，狂溝中、港、台索女，當中溝得最出面就是現年22歲，擁32C上圍、兼有張性感厚唇的台灣混西班牙的混血辣模Nita Chang。

網上調情
陳冠希用Instagram四出找尋獵物，見到Nita放上大量性感肉照，即時嗒糖，連環採取溝女攻勢。其後，就連Cammi都一齊關注Nita。

淫語挑逗
據知，Edison近日經常於微博私信挑逗Nita，又於對方的Instagram狂like相片，更在Nita發布的性感啜嘴照片留言話對方似八爪魚，而Nita又以「You Wan(t)? Haha」等挑逗留言回應。見女方有少少反應，Edison更忘記自己曾連番溝女搞到周身蟻，單刀直入問Nita攞Line、Twitter等聯絡方法，表現極度猴擒。本刊聯絡到身在台灣的Nita，她表示一直是陳冠希在做主動，又經常傳一些火辣留言給她。Nita說：「他（Edison）是在Instagram留言給我，不過經常也只是他在搞曖昧啦！他曾私信我說：『You're so hot!、Let's catch up!』等，他的為人真的很直接喔！我見他愈來愈過火，再沒有回覆他，但他仍不時在微博send私人訊息給我。」

舊愛玩埋一份
眼見舊愛網上狼溝台灣妹，曾跟陳冠希啜嘴搞到聲名狼藉的Cammi（謝芷蕙），為了起清情敵底細，更高調踩地盤，在Instagram「關注」Nita，又經常狂like對方照片，Cammi擺明挑機。難得Nita沒有把Cammi放入黑名單，更每日定時上載其大頭靚相、牀照及性感內衣照，似有意向未完全發育兼假大眼的Cammi妹妹示威。本周三（22日），陳冠希回港出席活動，他於圍訪中死撐自己馬拉松被取消資格，全因被某傳媒向大會投訴所致，他解釋說：「個7字唔利我，當日我件號碼布有7字，所以先換咗第二件。」鬼仔陳冠希竟然轉信風水命理，認真強詞奪理。至於再次被斷正色心起周圍溝女，以及狂留言撩Nita，Edison瞄到手持Nita照片的本刊記者，只拋下一句：「NO！唔答啦，你問乜都唔答！」淫根未除的他，依然敢做唔敢認。

啜出禍
一張牀上啜嘴照，令Cammi開始為人熟悉，她曾表示是陳冠希於網上主動撩她而開始交往。陳利用網上溝女早有前科。

跑全馬洗底失敗
原本想用馬拉松行善洗底的陳冠希，最終搞出軒然大波，被取消資格，如意算盤暫時打唔響。

搬辦公室慳錢

溝女招數層出不窮
陳冠希00年出道，01年即有緋聞傳出。除咗天生靚仔又有錢之外，其溝女招數都好犀利。

銀彈攻陷BoBo
01年陳冠希與Bo Bo陳文媛在太陽計劃音樂會首次邂逅，Edison為奪芳心，以銀彈攻勢狂送名牌禮物如LV手袋、Cartier手鈪等投其所好，仲自費狂掃BoBo五百隻處女碟托市，成功冧掂對方心甘命抵做足四年隱形女友。

拍MV黐阿嬌
01年Edison拍攝〈緋聞〉MV，指定要搵當時當紅嘅阿嬌（鍾欣桐）做女主角，喺MV入面攬攬錫錫扮情侶後再狂以SMS出招，與情敵余文樂玩耐力戰，最終成功追到手，後來仲有牀照為證㖭！

與Stephy外遊拍拖
02年陳拍電影《九個女仔一隻鬼》中清純Stephy（鄧麗欣），邊拍邊以SMS傳情，同時Stephy亦不顧對方有正印女友BoBo，二人一拍即合，後來更被揭發同遊台灣慶祝男方生日，據知旅費由男方包晒。

送公仔嫩女Cammi
未成年Cammi去年被踢爆搭上陳冠希後自爆：「佢多數喺微博私信我，或者用Instagram同我say hi，再約我去街。佢要我帶校服同泳衣上佢屋企，又會買情趣內衣俾我，之後會影低留念。」Edison更用五千蚊買埋德國限量版Hello Kitty公仔嚟16歲嘅Cammi，認真落力! ####


Nita是台灣平面模特兒，唔介意性感演出，半裸露背拍廣告都試過。網上更有不少Nita自拍的低胸照（右圖），難怪會吸引陳冠希喪溝。


22歲Nita 佢讚我好火辣！（真實對白）


擁巨胸蛇腰的Nita，將自己穿上桃紅比堅尼照放上Instagram，意態性感撩人，難怪陳生嗒糖。


擺明車馬網上溝女，見女方有反應，Edison即進一步要求攞Line info同對方繼續交流。


當時身在L.A.的陳冠希，對Nita網上一系列性感相極度關注，最終按捺不住問對方係咪model。


擁有西班牙及中國人血統的Nita，樣貌鬼妹仔，加上32C上圍，惹來大批男網友關注。


刻意裝出八爪魚嘴的Nita，相片一放上Instagram，陳冠希即秒速留言「Octo」（意指八爪魚）。之後女方竟留言反撩對方「u wan(t)?」。不過事後Nita表示覺得Edison太急進，便沒再覆他，Edison遂將所有對Nita的留言刪除。


《蘋果日報》圖片


Edison位於航空大廈的前辦公室基地，據知捱唔住貴租，搞到要搬竇。周一（20日）本刊發現該樓層已人去樓空。


陳冠希的新辦公室位於黃竹坑舊工廠區，月租只需$7呎，就算3千呎亦只需約兩萬租金。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄