原本影緊單人相嘅葉翠翠，一見到韋家雄行過，直頭笑容都硬晒，仲驚過見鬼！

星期一（二月六日）係元宵佳節，無綫先後舉行兩個中國情人節活動，分別係電視劇《4 in love》元宵甜蜜蜜，以及明珠台愛的季節記者會。


响《4 in love》入面飾演長短腳戀嘅葉翠翠、韋家雄，有傳男方入戲太深，竟敢高攀高自己半個頭嘅葉翠翠，雖然兩人否認傳聞，但呢日大會安排佢哋合作整蛋糕，葉翠翠俾人影到走光都唔知，反而feel到韋家雄愈行愈埋即刻縮，兩個無論互餵蛋糕抑或影合照，都刻意保持安全距離。
請人食檸檬，無非怕俾錯signal，但係响明珠台活動上，大會安排劉倩婷同2009年港男冠軍許家傑扮情侶，其實只係做宣傳，劉倩婷都驚李丞責呷醋，合照只係背對背，到咗玩「耍盲雞」遊戲，劉倩婷明知許家傑蒙住雙眼，隨時叉錯腳跌落台，都寧願左閃右避唔俾對方捉到自己，任何肌膚之親可免則免，之後就算換上黎諾懿餵佢食湯圓，劉倩婷照樣扭歪面，有冇咁矜貴呀！ ####

 
走光事小，同韋家雄保持距離先最重要，互餵期間葉翠翠驚到成個人側埋一面。

 


許家傑要蒙住雙眼四圍摸搵劉倩婷，佢居然專登閃去另外一邊，好在司儀喝住許家傑，否則行多兩步就會跌落台。




黎諾懿主動餵食湯圓，劉倩婷扭歪面再用背脊「得」住對方，好唔俾面。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄