福祿壽扮大肚婆造型已經夠攞命，王祖藍仲要擘大對腳坐台邊綁鞋帶，動作出晒位。

福祿壽三子阮兆祥、王祖藍同李思捷，上個禮拜六晚（二月四日）响紅館舉行《那些年，爆笑不離 3兄弟演唱會 2012》，並同時宣布拆伙，未來一年會各自發展。


最後扮嘢騷，福祿壽除咗輪流扮劉德華、鄭伊健、陳慧嫻、鄭少秋搞笑，就連近期hit爆嘅「雙非」大肚婆都唔放過，著住三點式上台，參加「香港孕婦小姐總決賽」，遠睇假肚幾可亂真，王祖藍更擘大對腳坐台邊綁鞋帶，話自己雙腿同新政府總部一樣，門常開！動作踩晒界，王祖藍之後扮林峯唱《Chok》，安排肥妹dancer同佢跳辣身舞，又用水槍射濕身，扮梅姐梅艷芳仲刻意舉手露胳肋底毛，不過講到嘔心，點都唔及嘉賓之一嘅薛家燕，紮孖辮著水手裝扮美少女戰士，仲要唱《自作多情》以及《現代愛情故事》，搞笑其實唔係問題，刻意嘟嘴放生電當正自己真係十八廿二，咁咪over咗囉！


####

 

 
三子中最出位都係王祖藍，扮林峯唱《Chok》玩洗頭，扮梅艷芳又露出稀疏胳肋底毛，點解唔剃咗佢呢！




李思捷繼續扮四大天王，但係扮城城濕身就冇激凸效果，反而阮兆祥扮陳慧嫻，雖然唔似，但一身造型足夠引嚟全場笑聲。




福祿壽散band騷去到盡，只係嚟做嘉賓嘅薛家燕同樣high爆，搔首弄姿仲姣過班剝衫模，齋睇張相都想打冷震！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄