撞正團年
上月 19日，崔建邦帶埋阿媽和唐詩詠在韓國餐廳食團年飯，雖然被記者撞破，但二人仍大方任影，眼神一致。
打女、醉駕、無牌駕駛乜衰嘢都做盡的崔建邦，終於知錯悔改，去年更由低做起，轉撈 PA助導，執頭執尾一腳踢。捱騾仔大半年，終見曙光，多得恩師陳志雲臨辭職前力薦，崔於上月成功翻身，拍住曾志偉做《勁歌總選》司儀。


 

事業再露曙光，崔建邦對於一直不離不棄的前女友唐詩詠亦「肉緊」起來，皆因 TB DJ嗱嗱淋向唐詩詠連環攻勢下，兩人愈行愈埋。崔建邦為免再「走寶」，上月 19日，阿媽出面箍煲，相約唐詩詠食團年飯，實行同 TB鍊過。


 

上月 19日，即農曆年廿六，關係一直藕斷絲連的唐詩詠和崔建邦及崔母，在佐敦一間韓國餐廳食團年飯。當日崔母心情靚爆，除一身紅色裝扮外，更不時和唐詩詠有講有笑，十足奶奶和新抱咁款。
 
TB陪行街
TB打扮的前港台 DJ嗱嗱淋近日就發動攻勢，經常約唐詩詠出街。上月 21日，記者就拍得二人夜遊銅鑼灣，當晚唐詩詠刻意戴帽，怕被途人認出。


 

 
孖住執藥
其間二人到附近一間藥房幫襯，嗱嗱淋亦非常熱心，為唐詩詠睇藥樽上的安全指引，做埋人哋男友嗰份。


 


終於出手
二人步行到跑馬地攞車，嗱嗱淋此時終於出手，想拖實唐詩詠。


TB乘虛而入


崔建邦為即將出街的《 On Call 36小時》做 PA時任勞任怨，從而令他再次在《勁歌總選》做司儀，不過歷經風雨的崔，表現唔夠伍姑娘搶鏡。《蘋果日報》圖片


 

之後記者索性上前拍照，起初崔建邦和唐詩詠表現得相當尷尬，更一致封口唔答記者問題，不過崔母就表現風騷，更特登戴副有框眼鏡影相，她說：「我咁影好睇啲呀！」
其實崔建邦和唐詩詠於 09年分手後，關係一直糾纏不清，及後到模中巴出現，唐詩詠才捨得放手。不過自從崔建邦撇甩唐詩詠後，一直行衰運，打女、醉駕等官司接踵而來，但唐詩詠其間依舊和崔建邦保持聯絡。知情人士說：「其實唐詩詠一直等 Amigo（崔建邦）回頭，話晒大家都有五年感情。不過唔知係咪 Amigo俾人踩到冇晒信心，反而唔敢主動追番人。」
不過早前傳出一直是唐詩詠密友的前港台 DJ嗱嗱淋（李慧娜），突然乘虛而入拗攣唐詩詠，令崔建邦不得不加快腳步，更搵埋阿媽幫口，希望用奶奶政策箍掂唐詩詠。
 

唐詩詠：當佢男朋友

 

記者事後致電崔建邦，對於目前與唐詩詠的關係，他說：「我哋一直係好朋友。佢（唐詩詠）係好女仔，但之前我搞成咁，乜都冇，收入又少咗咁多，即使一齊去街，都係佢開車接我，我想等自己環境好啲先至重新追求佢。」他更向記者透露，指這兩年間令他見盡人情冷暖，學懂珍惜眼前人，他續說：「阿媽喺我出事嗰陣擔心到頭髮都白咗唔少，當每個人同我劃清界線時，係陳總（陳志雲）仲肯俾機會我，係詩詠仲不停鼓勵同支持我。我唔係冇感覺㗎，邊個對我好，我點會唔知吖！」
至於唐詩詠，記者問她是否和崔建邦復合，她則暗派定心丸：「我一直當佢係我男朋友㗎，男性朋友嘛！」雖然唐詩詠肯俾機會，和崔建邦食完團年飯後兩日（年廿八），本刊就拍得她和 TB密友嗱嗱淋結伴夜遊銅鑼灣和跑馬地，其間嗱嗱淋更嘗試捉唐詩詠隻手，非常狼死，看來崔建邦要再加把勁先得。


崔建邦去年由西貢村屋搬到旺角砵蘭街的酒店暫住，當時唐詩詠亦有鬼祟去探望兼過夜。

愛到底

唐詩詠好忍得，事關每次崔建邦出事，唐詩詠都一樣撐到底。二人拖拉多年，最近卻多了個程咬金嗱嗱淋，以為食硬唐詩詠的崔建邦才懂得發力箍煲。

寸爆中巴

有傳因為中巴的介入，導致崔建邦和唐詩詠四年情玩完，而崔建邦更因涉打中巴於 09年底惹官非。當時被飛的唐詩詠依舊有和崔建邦聯絡，更明寸中巴：「我唔食巴西菜，太熱氣。」

醉駕照撐

身負賤男之名的崔建邦，再因醉駕停牌，而停牌期間又違法駕車，形象跌到谷底，要由大屋搬入細村屋，不過唐詩詠仍撐他：「窮途未必末路，絕處可以逢生。」

索模過夜

崔建邦於 2010年被發現私帶索模郭思琳到西貢村屋過夜（圖），再次激怒唐詩詠，她終於說：「唔會舂個頭埋去！」不過半年後，記者又再拍得唐詩詠出入崔建邦西貢村屋，唐更重申：「我哋係一家人。」

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄