向來低調唔講感情事的Janice Man，去年尾出席活動時一反常態，忽然向記者自爆同拍拖7年的男友分手，「我哋已分開咗一段時間，我哋唔係小朋友，經過冷靜期、諗過之後，都係覺得需要分開！」
微博爆性向
Nikki的微博簡介寫了《木蘭辭》其中幾句：「雄兔腳撲朔，雌兔眼迷離；兩兔傍地走，安能辨我是雄雌？」唔通想暗示自己雌雄同體？
狠撇女友，阿峰去年12月被影到拖新女遊旺角，又攬又繑。上週五（20日）阿峰一個人留在自家時裝店打點。極速修身兼留鬚扮man後的「肥仔峰」，望落同陳展鵬更有8成似！
狂煲冇米粥
去年尾被仔撇，JM之後分別同李治廷、劉浩龍及陳冠希傳過緋聞，不過個個齋講冇下文，好在JM得23歲大把青春，有排都未變剩女！
李治廷唔嗒糖
同屬Amusic旗下、又合作拍電影《為你鍾情》，有傳JM對筍盤李治廷嗒糖，兩人承認有默契，但李始終冇對JM作進一步行動，後來更冇晒聲氣，似宣傳多過拍拖。
劉浩龍當係兄弟
被傳媒影到孖住去中環食麻辣火鍋，事後更在微博自稱「麻辣戰友」，雖然有共同興趣，但JM堅持與師兄係好兄弟，冇可能發展。
陳冠希劃清界線
陳冠希被指在分享網站Viddy勁like女神的短片，曾經係Edison粉絲的JM極速否認，講到明「我唔識佢，亦唔打算識佢！」 ####
19/1 High到反眼
Janice Man食食吓都要同紅髮密友Nikki影相，兩人面貼面非常親密，Nikki瞇眼嘟嘴，JM更high到反眼！
愈哄愈埋
即使唔係影緊相，兩個人連傾偈都要哄到咁埋，似想咀嘴多啲喎！
忽然掃胸
趁人唔為意，JM突然伸手，手背仲掃到Nikki左胸，大膽到連Nikki都嚇一跳！
女神捽耳
摸完一輪，Nikki出手狂捽JM耳珠，不過女神冇黑面之餘，仲任玩唔嬲！
扯雞
去年尾在ifc開幕的泰國Greyhound cafe，出名食單骨雞翼，識食JM完一隻又一隻！
喪吞
可能睇完戲太肚餓，JM見嘢就食，成大粒肉丸塞入口，原來女神個口都幾大！
忘我擘口
對面男友人幫手揸機影相，JM即唔理旁人眼光擘晒口擺pose，有冇咁high先？
《世紀戰疫》其中一part喺香港取景，身為第二助導嘅Nikki（右）及徐天佑（中）有幸同荷里活大導史提芬蘇德堡（左）合作。
百足咁多爪嘅Nikki，啱啱拍完權相佑同成龍套《十二生肖》，權權仲friend到抱起Nikki，似足兩兄弟！
暱稱sweetie JM喺Nikki做副導嘅《大追捕》做女主角，成為密友後仲成日喺微博傳情。
舊愛有自家時裝店，家住過千呎荃灣朗逸峰，出入亦有近50萬的Benz B200代步，兩人09年同遊東京亦是阿峰包起JM所有使費。當時JM同男友仍然sweet爆，行街街都要攬到實。
曾經係好姊妹的JM同Baby，兩人近年開始疏遠冇偈傾，Baby有海綿蛋糕黄曉明照住，反而甩拖JM連女性朋友都唔多個！
留言列表
{{ article.title }}
