「嫁」，意思是給女人一個家。

為了這個字，有人等了又等，由期望到失望，最終被迫放棄這個童年便寫下的志願。

葉凱茵，○二年落選香港小姐，經歷了兩段歷時四年的感情，差點兒要將「志願」刪掉時，卻讓她邂逅了眼鏡商人郭家樑。兩人拍拖兩個月就開始籌備婚禮，婚後不足一年便造人成功，轉瞬間擁有一個家。

「以前好hea，公司（TVB）有嘢畀我做咪做囉，冇嘢做就喺屋企坐；但依家反而勤力咗，不斷搵job做，因為想個仔有好啲嘅生活嘛！依家同老公一齊湊到個仔健健康康，都幾有滿足感！」

過往不快的記憶，被幸福所覆蓋，葉凱茵志願達成，願你我亦然。

去年四月，葉凱茵為從事眼鏡生意的丈夫郭家樑，誕下八磅重的兒子Orson，雖然沒有聘請傭人，但有奶奶和媽媽幫手，因此她能繼續兼顧演藝事業。

葉凱茵於○二年參加香港小姐，落選後加入無綫，即使多在劇集中飾演閒角，但對她而言，擁有美滿的家庭才是最重要。

積極人生

葉凱茵愛情至上，因為失戀，才辭去秘書職位，希望參加港姐轉型。轉型後，很快又投入另一段愛情，從來沒有想過要當主角賺大錢大紅大紫，「我個人冇目標o架，真係好懶，淨係想結婚生仔o架咋，公司（TVB）有嘢畀我做咪做囉，冇嘅咪喺屋企hea囉。我以前家務都唔做o架，煮飯又唔識，連煮個麵都要屋企人或者男朋友煮畀我食。」

不過，現在統統改變了！

與前度結束了傷心的四年情後，葉凱茵於○九年初邂逅從事眼鏡生意的郭家樑，相戀兩個月，便應承對方的求婚，「我不嬲都好長情，係唔想有乜轉變嘅人，但識咗老公之後，覺得佢好可靠、好誠實，會對我好好，所以就喺台慶十一月十九日閃電結婚喇。」

葉凱茵懷孕時，奶奶已為孫兒改了個乳名「Boo Boo」，因此，兒子百日宴時也用上這個名字。

去年四月中，葉凱茵更為丈夫誕下兒子郭皓琛，英文名Orson，即「Ourson」的意思，婚後沒有聘請傭人，「因為想自己湊，多啲親子吖嘛！」於是，小至家務、大至照料兒子起居飲食，全是親力親為，她說：「奶奶教咗我之後，依家識煮粥畀囝囝食嘞。我返工嗰陣，就奶奶同媽咪幫手湊囉。」

為了給兒子最好的，葉凱茵反而比以前更勤力工作，「啲時間填滿晒，佗BB嗰陣都有唱歌搵錢，直至到七個月先冇做嘢；依家個仔八個幾月大，我拍劇之餘仲會成日出去登台唱歌，跟住其餘時間就係湊佢喇，因為我都想畀啲好啲嘅生活個仔，所以要更加畀心機搵錢。」葉凱茵說，慶幸丈夫做生意，放工時間較彈性，可提早回家幫忙湊仔，「我老公好廿四孝o架，換片、餵奶、家務都會同我分擔，我真係好多謝佢！」甜蜜與幸福隨着一字一句飄浮於空氣中。