雷神奇俠 Thor- God of Thunder 鎚風扑心口　打怪靠雷氣－娛樂八掛大放送★

紅足半世紀 MARVEL系列，繼鐵甲奇俠，又另一奇俠登場！佢係位列仙班嘅《雷神奇俠》。今次 SEGA同 MARVEL合作，同電影同步推出遊戲──《 Thor- God of Thunder》，內容主要圍繞冰巨人世界，連套戲都無講嘅古仔都有！睇完套戲嫌打得少？返屋企繼績煲 Game就啱晒！記者、攝影：王震遠

落入凡間的天神放大圖片
■ Surtur係火屬性大佬，手中劍跟戰鎚同級。

■ Surtur係火屬性大佬，手中劍跟戰鎚同級。

遊戲同電影同步上架，內容改編自美國 MARVEL著名漫畫《 Thor》；故事以北歐神話做背景，話說北歐最強之神奧丁，有雷神托爾同洛基兩個仔，有次冰巨人入侵聖域界，高傲嘅托爾帶埋親衞隊到巨人界搵流菲算賬；但奧丁主張和平，所以對托爾嘅自負性格睇唔過眼，於是收起佢嘅神力，貶落凡間，要佢學識點做明君同英雄，結果佢及時覺悟，再次拎起雷霆戰鎚，對抗邪惡弟弟樂基，同巨人界嘅黑暗勢力。

放大圖片
■雷霆戰鎚除咗打人，仲可變盾使。

■雷霆戰鎚除咗打人，仲可變盾使。

放大圖片
■嘍囉都神高神大， Boss級更有主角三倍高。

■嘍囉都神高神大， Boss級更有主角三倍高。

天神版 GOW 放大圖片
■雷神絕招係雷劈，而冰巨人弱點喺心口。

■雷神絕招係雷劈，而冰巨人弱點喺心口。

遊戲場景主要穿梭於聖域同巨人界兩地！遊戲一開始，托爾已經置身巨人界，以第三身鏡頭去殺敵；敵人就算係嘍囉，都係神高神大，不過唔好以為佢哋動作遲鈍，拳拳有力仲扣勁多血！好彩托爾識得飛高，再用鎚仔打雷。去到第一版 Boss，托爾須要跳到巨人心口，兜鎚窩落去，呢下感覺勁有《 God of War》 Feel，同樣打大隻怪，只係轉咗用戰鎚。

放大圖片
■兩大主機都支援 3D顯示，跟足電影步伐。

■兩大主機都支援 3D顯示，跟足電影步伐。

放大圖片
■呢一幕 KO Boss畫面，勁有 GOW感覺。

■呢一幕 KO Boss畫面，勁有 GOW感覺。

儲點數升呢放大圖片
■雷霆戰鎚唔只識得呼喚雷電，仲可以用嚟收集能量。

■雷霆戰鎚唔只識得呼喚雷電，仲可以用嚟收集能量。

遊戲中除咗過關殺敵，仲可以喺途中不斷吸收雷氣點數（ Valor），呢啲點數可以用嚟換取唔同屬性嘅招式，主要有風、雷等屬性俾你學習同轉換。除咗普通攻擊同撻招外，想玩多啲招式真係要花啲心思，因為淨係背出招表都有排背，唔少雷電招數，仲係連續組合，要你邊 Chok桿、邊㩒掣，加上唔同屬性都有自己嘅超必，好似雷屬性可以突然爆 Seed，風系可以鎚打出旋風，遊戲進程仲會慢慢學識唔同新招，真係要所有招式全開都有排煲！

放大圖片
■主要有六種屬性，各有招式 Path等你用點數升呢。