上週五，從雲南返港小休兩天的 Sammi即晚就連同安仔與家人見面食飯。
Sammi億六嫁妝 許安搬港島氹外父
2011年05月05日
今年 3月， Sammi、安仔被撞破在太平館撐枱腳，復合曝光。事隔兩個月，二人關係愈來愈火熱，上週五（四月二十九日）， Sammi從雲南香格里拉返港當晚，安仔即主動提出，請齊女友全家總動員，齊齊到灣仔食家長飯局。
據知， Sammi不在港期間，安仔並無鬆懈，厲行外父政策，陪對方定期做物理治療，又答應婚後搬到港島區住近外家。未來女婿大獻殷勤， Sammi父親相當受落，全家催促下，手持過億嫁妝的 Sammi，落實出年嫁許安。
車出車入
Sammi父親○一年中風後，一直行動不便，為令女友安心離港去拍戲，安仔拍心口應承代為照顧老人家，陪他去做物理治療，又經常相約鄭家兩老飲茶，見安仔咁有心，未來外父當然嗒晒糖。
「 Sammi出晒名錫佢爸爸，就算上年自己搬咗出去住，都幾日就返屋企探佢一次，今次離開香港成個幾月，安仔知佢唔放心，咪應承幫佢照顧爸爸， Sammi爸爸要定期去做物理治療，安仔一定揸車接送，陪出陪入，有時間就約兩老飲茶，好勤力！佢兩個喺番一齊， Sammi爸爸好戥個女開心，都認定咗安仔係女婿 o架啦！」 Sammi身邊人透露。
有未來外父撐腰，安仔更加目標清晰，積極儲老婆本，雖然今個月尾便要舉行三場演唱會，但仍四出返內地接騷銀。
離開飯店時， Sammi與安仔同坐一架保母車，但中間卻刻意隔住細佬，玩三人行。
Sammi兩個家姐亦齊齊出席飯局。
晚飯後， Sammi的父母先行離開，鄭父被問到：「安仔是否好女婿？」即時點頭讚好。
早於去年十月， Sammi與安仔到上海演出《東亞飛揚演唱會》時，在後台已被拍得興奮互攬，有傳當時安仔積極翻啅 Sammi。
買定愛巢
明知女友住慣港島區，安仔二話不說，早前扑槌以二千四百多萬購入西半山殷豪閣單位，完成演唱會後，便會正式進行裝修愛巢大工程。
「 Sammi要近住屋企人，佢同安仔都有傾過吓結婚後住邊嘅問題， Sammi好堅持，一定要住番港島半山區，安仔都好配合，其實當年佢租住加多利山，都係想完成佢爸爸住獨立屋嘅心願，而家佢爸爸都唔喺度，安仔住邊都冇所謂，只要 Sammi鍾意就得。」知情者說。
父母離開後， Sammi安仔原本打算鬼祟走後門，一見到記者，即急步返回餐廳。
為迎合女友住近娘家，安仔早前以公司名義扑槌購入西半山殷豪閣豪宅，作為結婚後的愛巢。
聽老豆話
Sammi、安仔○四年分手後，兜兜轉轉才翻撻成功，安仔當然想打鐵趁熱，盡快娶老婆，加上表明有顆恨嫁的心嘅 Sammi，亦在屋企人催促下，打算四十歲前出嫁，完成老父心願。
「安仔等咗咁多年，終於可以同 Sammi一齊，梗係想快啲結婚。 Sammi都明白爸爸年紀大，成日都話希望有一日可以睇住佢嫁，陪佢行入教堂，所以佢哋都有默契，頂多拍多年拖，總之四十歲前一定結婚。」
上週五， Sammi從雲南香格里拉返港，雖然過兩日要出發去昆明補戲，她仍馬不停蹄，即會男友。當晚七點，安仔先駕車到大寶閣接 Sammi，再一齊到灣仔的鴛鴦飯店。半個鐘後，鄭家總動員包括 Sammi的父母、家姐、細佬等陸續到場。
今年三月， Sammi與安仔在佐敦太平館歎下午茶斷正後，二人即大方對外宣布復合消息。
年初， Sammi做運動時撼穿頭入院，安仔大為緊張，多次傳短訊問候，令 Sammi大為感動。
外父讚好
見家長飯局歷時三粒鐘， Sammi的家姐先扶住老父離開，當記者問到：「安仔係咪好女婿？」 Sammi父親即時露出笑容，點頭說：「好！」另一邊廂， Sammi與安仔原本打算從後門離開，但當發現後門已被記者包圍， Sammi一度縮回飯店。再過半個鐘，帶住口罩的 Sammi與安仔、細佬先從正門離開，一齊跳上保母車，返回娘家大寶閣。
99年， Sammi與古仔拍攝《寵物情緣》時撻着，之後合作《百年好合》又再續前緣，至最近遠到雲南香格里拉合演新片《高海拔之戀 II》，由於 Sammi已正式公告同安仔復合，二人就算挨實影相，都冇有怕。
同 Sammi復合後，安仔事業起死回生，三場演唱會極速爆滿，早前為宣傳個唱，更搵嚟圈中一班好友拍攝音樂特輯。
Sammi離開香港一個月，安仔除了定時招呼鄭家兩老，亦經常與明星足球隊到九龍灣踢波。
在《高海拔之戀 II》煞科宴上， Sammi徇眾要求上台獻唱，台下的古天樂更大叫：「安仔！」 Sammi即露出甜笑。
富婆天后
投資有道的 Sammi， 18歲時已做業主，以 323萬平買南灣花園單位，現今已升值 6倍。近兩年， Sammi更一口氣在港島區掃入 3個豪宅，全部一筆過，唔使做按揭，加上 Sammi的物業全部有買無賣，保守估計，單是物業，嫁妝近 1.6億。
物業/買入/市值
蔚皇居：$1,080萬（ 09年）/$1,400萬
嘉雲臺：$1,680萬（ 09年）/$1,800萬
大坑道大寶閣：$2,280萬（ 99年）/$4,434萬
淺水灣道 The Beachside：$1,240萬（ 97年）/$1,181萬
淺水灣海峰園：$1,420萬（ 96年）/$3,326萬
西半山精緻園：$2,100萬（ 11年）/$2,100萬
南灣花園：$323萬（ 90年）/$1,940萬
合共：約$1.6億
大寶閣
蔚皇居
得米政策
拍拖、結婚又豈止是兩個人的事，另一半的家人，絕對有影響力。圈中藝人行外父、外母政策修成正果，大有人在。
丁子高
因為過去溝女戰績彪炳，同千嬅拍拖初期，楊父楊母對丁子高頗有微言， 07年千嬅在紅館開五場演唱會，丁子高陪未來外父、外母睇足五場，甚至戒夜蒲，經過逾一年時間考驗，終於打動千嬅父母。
Mark Ryan
欣宜同男友 Mark 07年開始拍拖，當年癌病纏身的肥姐對女兒這段異族戀極為不看好，為討肥姐， Mark放棄同欣宜過二人世界，長期孖住女友陪伴肥姐，共渡難關。
曹永廉
做極都係二三線， 08年認識學歷、人工都比自己高一大截的姜大偉女兒姜依蘭，難得女方家長冇嫌棄，由拍拖到結婚，曹永廉都十分尊重姜家兩老，甚至隨傳隨到。
鄭秀文手持1.6億嫁妝 全家催促明年嫁許志安
鄭秀文帶許志安見家人，並討論結婚事宜
今年3月，鄭秀文、許志安被撞破在太平館吃飯，複合曝光。事隔兩個月，二人關系越來越火熱，4月29日鄭秀文從雲南香格裏拉返港當晚，許志安即主動提出，請齊女友全家總動員，一起到灣仔吃飯。
據知，鄭秀文不在港期間，許志安並無松懈，一直陪鄭秀文父親定期做物理治療，又答應婚後搬到港島區住近女方父母家。未來女婿大獻殷情，鄭秀文父親也十分滿意，全家催促下，手持過億嫁妝的鄭秀文落實明年嫁許志安。
stinglife 發表在 痞客邦 留言(0) 人氣()
留言列表
{{ article.title }}
