醉駕前開屏　蔡一傑搶林一峰條仔
2011年05月04日
以妖爆響朵嘅「草蜢」成員蔡一傑，週日凌晨去咗好姊妹伍詠薇貝沙灣香閨摸住酒杯底通宵談心後，駕駛當年買入價 229萬嘅賓利跑車回薄扶林家途中，喺沙宣道失控撞毀，好彩傑仔執番條命仔，但就當眾吹波波斷正涉嫌酒後駕駛被補，扣查 5小時後獲淮以 5千蚊保釋候查， 5月尾隨時返警署報到。
蔡一傑同伍姑娘把酒談心傾通宵仲搞到醉駕，第二日即刻有報道話係傑仔因密友張耀揚走佬而沉淪自毀，但 FBI收到另一版本， 44歲嘅蔡一傑最近孔雀開屏，中咗林一峰男朋友，而傑仔亦擺明同林一峰拗手瓜，頻頻約一峰男友到灣仔一帶蒲吧，而好勝傑仔更經常同班 friend講：「係呀，我知佢係林一峰條仔，點呀！」攞明硬搶。就爭仔傳聞 FBI致電林一峰同伍姑娘，至截稿仍未回覆。
至於傳過同蔡一傑屬密友關係嘅張耀揚就同 FBI話要同傑仔劃清界線：「佢撞車全世界都知，唔會特登探佢，但始終都係朋友會打個電話問候佢，你哋唔好再傳我同佢啦，我直佬嚟 o架，我有女朋友 o架，唔係一定要俾人影到先算係有 o架，佢同林一峰爭仔我點會知喎，同佢冇聯絡好耐啦！」講完即收線。


名車內傷
蔡一傑嘅賓利 Continental GT跑車鏟上行人路撞毀郵筒後再撞爛埋鐵欄。睇佢架名車傷得咁重就知當時形勢真係好危，據講架車嘅醫藥費至少要 50萬。《蘋果日報》圖片
 
踢拖返歸
保釋後，大批傳媒由柴灣警署追到蔡一傑返屋企，佢仲撒嬌話：「你哋再追我，我跑 o架！」只見傑仔踢住拖，雖然着拖鞋揸車並非違法，但會比較危險，下次都係着番對鞋好啲！《蘋果日報》圖片
 
一峰出櫃
勇敢承認自己係 gay民嘅林一峰， 07年與老外密友共賦同居於大坑時，經常被影到出雙入對行街嘅甜蜜情景。
 
伴仔蒲吧
4年前，蔡一傑經常出現銅鑼灣登龍街一間名為 Chaos酒吧打躉，仲曾向酒吧老闆 William埋身表好感，傑仔更經常踩到中環基吧 Propaganda搵男伴搭訕。
 
情敵同場
林一峰與蔡一傑除隔空爭仔，甚少機會碰頭， 05年叱咤樂壇頒獎禮，分別企到幾丈遠。《忽然 1周》圖片
 
「前度」呼冤
我直佬嚟 o架！（真實對白）
肌肉男張耀揚經常同蔡一傑孖住唱 K又做 gym，有傳張苦追蔡一傑多年不果，近日搵到新伴，離蔡一傑而去，不過張耀揚向 FBI申冤話：「我直佬嚟 o架！」《蘋果日報》圖片

林狗寸爆：世紀一吻！
蔡一傑於意外前喺屋企自家微博上放上跟伍姑娘又攬又錫照片，而伍姑娘亦於微博留言指 2人在家傾通宵，週一早上林海峰喺商台節目《在晴朗的一天出發》寸爆話：「會唔會傾皇室問題呀？見人哋世紀吻，佢哋又嚟個世紀一吻呀？」

蔡一傑醉駕前孔雀開屏 硬搶林一峰外籍男友

蔡一傑在醉駕前曾硬搶林一峰外籍男友
以妖著稱的“草蜢”成員蔡一傑，周日淩晨去好姐妹伍詠薇貝沙灣香閨喝酒通宵談心後，駕駛當年買入價229萬的賓利跑車回薄扶林家途中，在沙宣道失控撞毀，好在沒受傷，但就涉嫌酒後駕駛被捕。

據稱蔡一傑最近孔雀開屏，看中林一峰的男朋友，還擺明硬搶，頻約林一峰男友到灣仔一代炮酒吧。至于曾與蔡一傑傳绯聞的張耀揚就與蔡劃清界線，稱好久沒聯系，不會特意探望。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄