即使步入不惑之年，男人 40都叫一枝花， Chilam已經開始中年發福，臉形鬆弛圓潤似足發水麵包， 09年拍《富貴門》時被指打 Botox嘅靚靚，係時候教老公點變靚喇！
中佬危機
高齡扮幼齒　 39歲張智霖谷飛防腐雙失
2011年02月16日
39歲張智霖（ Chilam），天生童顏加上男人襟擺易保養，一直係娛圈防腐界代表。
為下月紅館首次個唱，離開 TVB 5年嘅佢回巢在新劇《魚躍在花見》「賣魚」造勢谷飛。《魚》劇有港人至冧嘅日本靚景同爭產等食糊題材，以為實食冇黐牙，點知高齡 Chilam被 TVB整蠱，首集要扮幪面超人經已趕客，加上日久失修，面容見皺變鬆，「天生童佬」防腐失效！
TVB「不給力」，自己又唔爭氣，難怪流失客源嘅 Chilam連個唱亦告急！
《魚》劇上週平均收 29點，比《仁心解碼》結局篇高 4點，因為有板長壽司贊助，向來縮皮嘅 TVB今次專程往日本北海道取景，激罕雪景和滿地紅葉，格局似足日劇咁養眼。 Chilam扮演嘅三奶仔「魚至嬴」，倒模自代表作《十月初五的月光》嘅「初哥哥」一角夠親切討好，加上對手只係過氣「 Laughing哥」謝天華，擺明等 Chilam做收視福將。


'01實晒
01年嘅 Chilam有不老童顏，配紮實身形，唔只迷倒 C9少女，連眼角超高嘅老婆靚靚都賣花讚花香。
 
雖然相距 5年，謝天華（ 43歲）離奇比以童顏著稱嘅 Chilam（ 39歲）更保養得宜，額頭緊致冇紋到曉發光，輸後台而失主題曲嘅 Laughing哥靠面口贏番次囉！
 
老態初現
一向眼袋勁大嘅 Chilam，驚現媲美藍鰭吞拿魚咁長嘅魚尾紋，加埋開始成形嘅雙下巴，同額頭成行火車軌，不老傳說正式幻滅。


Chilam在劇中同謝天華因爭產最後兄弟反目之外，仲同楊怡、胡杏兒有感情線，除咗呢啲無綫劇必備元素之外，網友都彈劇情似足講壽司師傅奮鬥史嘅日劇《將太的壽司》。
 
靚靚自 06年生下囝囝「魔童」，一直話要再追番個，但家陣老公復出唔多掂，睇嚟可以得閒炒飯追多個。

出手救市
曾話過：「兒子出生後首兩年，我減少工作，覺得嗰段時間太寶貴」嘅 Chilam，近年養尊處優，工作量唔多。自知人氣低迷嘅佢，獲太座袁詠儀暗中出手答應 TVB拍劇補數，將原先安排於去年暑假播出嘅《魚》劇押後至今年播出，全力配合谷老公個唱。
有劇拍，更有指靚靚冧掂《魚》劇監製莊偉健，使橫手搶走本來由 TVB親生仔謝天華唱嘅主題曲，連謝天華都忍唔住呻：「主題曲原本我唱，不過 Chilam喺劇中做我細佬，我讓畀佢唱。」
防腐過期
在 TVB鋪橋搭路下，《魚》劇首週雖有 29點收視，但相對 Chilam過往 hit劇《西關大少》（平均收 34點）明顯失色。以為執到好籌嘅 Chilam，偏偏被 TVB嘅腦殘橋段玩死，一出場就要在海邊騎呢扭 pat兼扮幪面超人嚇窒觀眾；而 39歲嘅佢亦開始童顏不再，在高清下眼紋現形，而皮膚亦見乾燥鬆弛，相比起大 5年嘅謝天華更加殘樣！
新劇收視前景未明，但 Chilam嘅個唱已經勢危，距離紅館騷只剩一個月時間，一連兩場個唱都未見爆滿，睇嚟靚靚又要諗計打救老公喇！


中坑超人
第一集講 Chilam出場時，安排佢在海邊聽住音樂扭 pat釣魚，後來因為擺出幪面超人 pose時竟然可以 chok到有魚飛出水面，騎呢又反智！
 
《魚》劇播出一星期，已經有網友覺得 Chilam老兼角色幼稚， Chilam今次「復出作」捉蟲囉！ 


紅館滿中坑
今年上半年，唔少中佬歌星陸續上紅館開騷，唔講以為係致敬節目《名曲滿天星》踏上紅館。

39歲 
（危） Chilam第一個紅館個唱，以「外星人」為主題，喺記招扮晒《星球大戰》造型宣傳，門票一樣去唔晒，兩場門票只得一場平價飛滿咗。

43歲 
（穩）話晒都係演唱會 part 2，鄭伊健賣飛成績幾理想，可以添食加開多一場，算係有交代。

49歲 
（凶）呂方為谷個唱，不惜出口唱衰前度鄭裕玲，發表「坐監論」，再加埋被指捲入騙財騙色嘅桃色事件，賤男形象搞到全吉銷情淒慘。

49歲
 
（爆）歌神即係歌神，萬眾期待唔使多講， 49歲一樣有心有力更有叫座力，能夠同佢鬥「硬」嘅相信只有 Eason。

39歲張智霖高齡扮幼齒 面容日久失修老態盡現

39歲張智霖(Chilam)，天生童顔加上男人易保養，一直是娛樂圈防腐界代表。

爲下月紅館首次個唱，離開TVB 5年的他回巢在新劇《魚躍在花見》“賣魚”爲演唱會造勢。《魚躍在花見》有港人最愛的日本美景同爭家産等討好題材，以爲反響一定好，誰知高齡的張智霖被TVB整蠱，首集要扮蒙面超人已經趕客，加上日就失修，面容已見松垮，“天生童佬”防腐失敗！

TVB“不給力”，自己又不爭氣，難怪流失客源的張智霖連演唱會門票銷售也告急！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄