恭喜恭喜！踏入兔年大年初一，就由周潤發先跟讀者拜個年！發哥虎年主演的電影《讓子彈飛》虎虎生威，賣個滿堂紅，內地票房直逼 7億大關，發哥承諾若姜文開拍續集，他也樂意接演。且看這口子彈能否在兔年繼續兔飛猛進，帶旺影市，金股齊發！
其他娛樂名人影片
為迎接辛卯兔年的來臨，日前周潤發應本報記者邀請，帶着發嫂陳薈蓮到元朗屏山鄧氏宗祠拜會鄧達智（ William）一家，齊吃傳統盆菜，難得來到有 720年歷史的全港最大祠堂，當然要參觀一下，在參觀期間不少村民聞風而至，紛紛要求與發哥合照留念，態度友善的發哥來者不拒，又與村民逐一握手問好。身為鄧氏子孫的鄧達智，以主人家身份在祠堂偕母親和弟弟招呼發哥夫婦吃鄧氏宗祠有名的盆菜，試了手打魚丸和扣肉，發哥讚不絕口說：「魚丸好彈牙、扣肉炆得好入味、豬皮同魷魚索晒啲汁後特別香，個燉鴨湯都唔錯，夠晒火候，個雞飯好有雞味，今日真係好多謝 William招呼我食到咁好嘅盆菜。」
放大圖片 
發哥和發嫂哄着得意可愛的兔子玩，開開心心迎接兔年。
放大圖片 
鄧達智宴請發哥品嚐傳統盆菜懷舊兼賀年，鄧氏村民還排隊與發哥合照。
新年願望食極唔肥
吃完盆菜 William又帶發哥到祠堂附近的華嫂茶室嘆奶茶，因華嫂奶茶在當地十分有名。在新界一日遊後，發哥把吃剩的盆菜打包回家吃，絕不浪費。發哥今年陪發嫂去新加坡過年，講到新年願望，發哥就說：「身體健康，世界和平，樓價唔好再高！」至於自己的願望，發哥說：「瘦多幾磅啦，上鏡靚啲。」話雖如此，發哥吃盆菜時，都無忍口，他說：「我冇乜嘢唔食，唔好食咁多囉，樣樣食少少啦，咁就冇咁肥，新年鍾意食蘿蔔糕、角仔，新年咪放肆少少，一年一次啦。」發哥是圍頭人，他回憶童年時，鄉村氣氛熱鬧，小朋友更加最期待，年三十晚已經四圍走，四出去拜伯公，一踏入新年，就會燒炮仗，全晚炮仗聲此起彼落，十分熱鬧。
七億巨星永不言休
發哥主演的《讓子彈飛》刷新內地華語片票房紀錄，收近 7億人民幣成功打破《唐山大地震》的 6.7億票房紀錄，當然可喜可賀，問發哥如何慶祝？他笑言：「冇乜慶祝喎！不過返香港前喺北京同姜文食過飯，如果佢開續集，又有角色啱我做，我都樂意接演嘅，有時接戲真係好講運嘅，接嗰陣點知部戲可以收成 7億呀！」問發哥拍了一部有 7億票房的電影是否無憾？他哈哈笑說：「都唔係，我仲有好多角色未做過，所以我對演戲仲好有熱誠，總之拍到有一日唔記得對白，我先至會諗退休！家幕前幕後都唔夠人，好需要新血，大家應該努力培養新人出嚟！」採訪：陳月媚、林妙萍攝影：葉君海鳴謝：紅蘿蔔寵物店 
發哥發嫂抱着兩隻小兔子恭祝讀者：周年旺相兔喜氣，家肥屋潤發大財！攝影：葉君海
發哥心繫香港小市民
雖然發哥早已殺入荷李活及內地市場，日日賺美金數人仔，但發哥十分關注香港民生，他說：「新年願望係政府可以多啲關注民生，家香港百物騰貴，樣樣都加得好厲害，我老婆去街市買菜，佢話買斤菜要成 30蚊，一隻新鮮雞要成 200蚊，柴米油鹽都貴晒，通脹高成咁，試問一般百姓點生活。」
勁彈九招十三式
香港樓價屢創新高，發哥忍不住批評政府說：「個樓市升成咁，叫啲打工仔點買得起樓呢？最慘係班中產，稅交得多，政府乜都幫唔到佢哋，公屋、居屋又冇資格申請，私人樓又買唔起，仲要整啲九招十三式出嚟，炒家唔係點殺到，殺死嘅係真係要買樓自住嘅用家，我家睇唔到九招十三式出台後可以壓制到樓市繼續升。」發哥續說：「樓價高成咁主要係政府唔肯復建公屋同居屋，我唔知曾特首仲等乜，佢仲有兩年任期都滿啦，點解唔喺離任前，真正幫市民做啲好事出嚟，政府唔係應該以民為本，冇理由只係照顧地產商利益，咁搞法只會令到社會仇富情緒越嚟越嚴重。」
正視年輕人問題
香港 80、 90後的年輕人何去何從，這是社會關注的問題，發哥認為政府應該有長遠打算，他說：「政府都要睇吓點幫佢哋，做長遠計劃，去解決年輕人讀完書出嚟後嘅就業問題，唔好等到佢哋畢業出嚟覺得好似前路茫茫咁，政府真係要正視吓，唔好只係一味只製造服務性行業嘅職位畀佢哋，因為佢哋都唔係全部都適合做服務性行業。」 
一向親民的發哥，當年親身到皇后碼頭，為瞓身救碼頭的年輕人打氣。資料圖片
食神到鄧達智盆菜宴親朋
發哥早前到本地設計師鄧達智老家元朗屏山鄧氏宗祠吃盆菜，順道探望 William 82歲的媽媽，吸引了大批村民向發哥索合照，發哥一路吃盆菜，一路不停影相，他說：「食盆菜最鍾意食最底個層，豬皮、蘿蔔、芋頭，索晒味！」 William每年年初三會搞盆菜宴，他也邀請發哥和親友鄉民一齊慶祝，不過發哥要陪發嫂返新加坡，不能一齊度歲。 William說：「我媽其實係年十二生日，揀年初三因為大家都仲放假， relax之餘，都仲有新年 mood。舊年媽咪 81歲，海外親友都返晒嚟，擺咗 50圍，今年少咗都要擺 43圍。」
放大圖片 
發哥大讚神仙鴨燉得非常入味，單看賣相已令人食指大動。
放大圖片 
鄧達智款待發哥的美食包括盆菜、神仙鴨、黃酒雞和梅子豬手等，十分豐富。
菜式：圍村傳統盆菜
神仙鴨、炸門鱔、黃酒雞梅子豬手、子薑菠蘿、炒雞飯 
鄧達智和鄧媽媽以主人家身份接待發哥發嫂，一起在祠堂嘆盆菜。
留言列表
{{ article.title }}
