香港競爭大，乜都要爭，爭生意爭仔爭女，連飲茶都要爭位！新年以為可以放鬆啲唔使爭，點知一樣要爭，究竟爭乜？咪就係爭上頭炷香囉！爭取運氣當然要積極啲，不過一本通書唔可以睇到老，今年黃大仙祠完成擴建工程，大殿前及參神平台擴闊不少，相信今年上香速度加快咗，唔使再等到腳仔軟啦！記者：趙慧敏攝影：楊錦文Model： Suki、 La Ying@GME Models
其他副刊影片 估計今年人數破十萬 放大圖片 
■嗇色園副主席鍾明光
黃大仙祠由 07年開始為期近 4年嘅翻新工程終於竣工，黃大仙寶像一度移師至鳳鳴樓。舊年雖然遷回大殿，不過平台工程仍繼續進行，可活動嘅空間收窄咗唔少，亦令好多人卻步。呢個憂慮終於可以解除，事關翻新工程已經完工，地方真係寬敞咗唔少，大殿前及參神平台可容納多一千人，等候時間估計比往年快，上頭炷香都唔使排得咁辛苦！雖然祠內範圍大咗，不過鍾明光提醒善信，去年上頭炷香人數是八萬幾，今年剛完成擴建，應該會吸引更多人，隨時突破十萬人。加上為慶祝黃大仙祠 90周年，頭 688位上香善信都會送風車一個，爭崩頭情況將更勁，各位要留意細節安排，唔好行寃枉路。
認清路線圖更順利 放大圖片 
想搶先上香，認清位置最緊要，廟外的警察會實施人群管理措施，至於祠內上香路線就由黃大仙祠自行安排，以正門出入口處勸善廊為起點，經金華分蹟牌坊第二參神平台，便可沿樓梯直上大殿，想成功搶運，記得認清路線。
放大圖片 
■大殿前及金華蹟分牌坊前的參神平台，擴建後可多容納一千人，上香速度應該快得多。
放大圖片 
免費提供香支 放大圖片 
■大門入口梯級設點香區，點香唔使煩。
大門入口處沿樓梯可直上參神平台，不過上頭炷香當日，會在樓梯右邊的空地及參神平台位置加設點香區，提供二十多個點香位置，善信點香後直接上大殿前等候。如果善信在等候期間香支已燒盡，在大殿附近亦有工作人員會提供已點燃香支，善信毋須折返點香。
每人帶九支線香
因環保及方便管理，每名善信只可攜帶九支線香入祠，謝絕巨型香支，九支香分別是到黃大仙師寶殿、三聖堂及盂香亭上香，上齊三個位置才算完成。至於以前慣用嘅頭炷香寶牒，一律不准帶入祠內。
放大圖片 
放大圖片 
放大圖片 
放大圖片 
■大殿前的香爐會由四個增加至六個，上香都唔怕無位。
上頭炷香禁忌勿穿黑白衣服 放大圖片 
新年去廟宇，切勿扮演白馬王子又或白衣天使，全白全黑色的衣服都是大忌，最好有些鮮色配搭，神靈見到都開心啲。除黑白外，穿得性感都唔好。
香支放頭口心 放大圖片 
上香時以三支香為一炷，參神時要在頭、口、心三位置揖一揖，誠心祈福，此動作包含善信心服口服之意。
點香用手撥熄火 放大圖片 
拜神點香最忌用口吹熄火，因為此舉有對神靈不敬之意，用手撥一撥咪搞掂囉！
香燭不用太多 放大圖片 
上頭炷香誠心就可，千祈咪帶巨香及太多香燭。
嗌交無運行 放大圖片 
相嗌唔好口，更何況身處廟宇，去到人哋屋企想嗌交？禮貌上都要忍一忍口啦，否則有運行至奇！
貴人時上香最吉利
唔好以為上頭炷香一定要踏正凌晨十二時正，其實大年初一被稱為開正，天門大開，上頭炷香嘅人被視為最能令神明留下印象，所以賜福亦相應較多。玄學家周漢明表示，一般上頭炷香在子時（ 11:00pm至 1:00am）已經算係吉利，不過如有所求，最好在年初一 00:01am上香，這時間稱為貴人時，有天全地合之意，對一些生意洽談、貴人幫助及和解等嘅祈求特別靈驗。周漢明又謂，今年財位位於西北位，正正是大殿所在位置，上香向大殿方向走，甚有大吉大利之意。另外今年祠內擴建工程剛好完成，人搬咗新屋都覺得開心啲，大仙間屋裝修過，當然都會住得舒服啲開心啲，對善信嘅祈求都自然更樂於達成。
注意！網上祈福 放大圖片 
喺拜神現代化下，黃大仙祠快人一步，如果唔可以親身到現場上香祈福，上網一樣搞得掂，嗇色園年三十晚會在祠內設置巨型屏幕直播眾道侶在大殿進行誦經禮懺的儀式（年三十 11:30pm至大年初一 00:00mn），善信亦可在網上進行祈福，唔使同人逼。網址：http://www.siksikyuen.org.hk/public/main
太歲殿會關閉
今年黃大仙另一重要景點太歲殿於年三十及年初一均會關閉，直至年初二 8:00am才開放。雖然進入太歲殿要付$100入場費，但黃大仙祠與太歲殿均有獨立門口，進入黃大仙祠依然係毋須收費。
財神殿謝絕上香
擴建後在黃大仙祠大殿旁設有財神殿、福德殿及藥王殿，善信大可在殿前祈個福，不過這處謝絕上香，在殿前揖一揖，已經包含敬意。
黃大仙祠開放時間
年三十： 7:00am至 5:30pm、 9:00pm重開至 00:00mn大年初一： 00:00mn至 6:30pm
其他上頭炷香廟宇
上頭炷香並非獨沽一味是黃大仙祠，但凡香火鼎盛或歷史悠久的廟宇，上頭炷香許願，都特別靈驗，車公廟及上環文武廟就是不錯選擇。
車公廟開放時間 放大圖片 
年三十： 7:00am至 6:00pm、 11:00pm至 00:00mn。年初一： 00:00mn至 5:30pm
上環文武廟開放時間 放大圖片 
年三十： 7:30am至 00:00mn年初一： 00:00mn至 7:00pm
犯太歲者戴飾物增運
上頭炷香少不免為自己祈福，不過今年犯太歲及冲太歲的人，上頭炷香可有助提升運勢，今年兔仔兔女犯正本命太歲；屬雞的人則是冲太歲；屬馬及屬鼠則同是刑太歲，就算上過頭炷香，今年最好辦一些喜事旺一旺，例如結婚、擺壽酒、搬屋、旅行等都有助帶旺運勢，另外佩戴合適飾物亦可。
兔：老虎或狗飾物
放大圖片 
雞：龍或蛇飾物
馬：老虎或狗飾物鼠：猴或龍飾物 
留言列表
{{ article.title }}
