旅行旅遊台灣苗栗健力士燈會預先睇　木兔賀年－娛樂八掛大放送★

仲有一日先過年，兔年則仲要等到立春才開始。是應節，也不應節，提早速報台灣苗栗的元宵燈會，真係未食早餐先諗晚餐。記者、攝影：曾冠輝鳴謝：台灣觀光協（ http://taiwan.net.tw）

民國百年燈會放大圖片
kerokerokero……

kerokerokero……

每年元宵，全台灣各地都會有大大小小不同燈會舉行。至於今年最大的元宵燈會，則將會在苗栗舉行。到埗立即聽見當地單位說：「苗栗從來沒有舉辦過這麼大型的活動，大家都好緊張！」會怕苗栗辦不好嗎？就是因為無試過，反而會加多兩錢肉緊，兼多點新意思，應該更有睇頭。而且，台北你就去得多，苗栗大概未曾踏足，仲唔大條道理玩苗栗？今年正值民國百年，燈會梗係玩盡「百」呢個主題，順理成章燈會亦以「建國百年兔祥和，歡欣鼓舞慶元宵」為題，處處是「百」、「兔」的痕迹。正如打入健力士世界紀錄大全的「百兔燈」，連主燈、副燈及主題燈在內，大晒共 100座各式兔燈都未夠，仲請來百歲人瑞到場點燈祈福，真係「百」到底。不過講係咁講，在場見路邊紅柱上的「 100」 logo設計和擺位都很是低調，原來是因為主辦單位方面有向南京、揚州取經，而燈會結束後部份花燈更會移師當地展出，即刻明晒啦！距離元宵尚有一段日子，燈會「主戰場」苗栗竹南早已進入備戰狀態，火車站外的副燈「桐花鳳凰」已經佇立兼亮燈，非常搶眼。對面馬路兩旁已設好攤位，驟眼就像未開的花市。其餘嗎？則尚在準備階段，無得睇住！副燈之「桐花」，其實是指苗栗的油桐花，每年 5月盛開。大概跟日本賞櫻一樣，台灣人都會趕來賞油桐，一樣墟冚。由於油桐花雪白，盛開之時樹梢就像鋪滿白雪，因而又有「五月雪」之稱。

放大圖片
■花燈用了不少三義的木雕作佈置。

■花燈用了不少三義的木雕作佈置。

放大圖片
■離開燈會，反而在某民宿見到準備參展的花燈。這是由一架貨車改裝的。

■離開燈會，反而在某民宿見到準備參展的花燈。這是由一架貨車改裝的。

放大圖片

A. 2011台灣燈會日期： 17/2-28/2地點：苗栗竹南運動公園、頭份運動公園網址：http://light2011.mmhot.tw/

吹脹！玻璃開花

台灣工藝實在多，而且樣樣都幾好玩，嗰頭玩完木兔仔，呢頭就玩吹玻璃。距離燈會不遠，就在竹南鎮，遠遠已經可以見到青 BB一碌大煙囪，就是自日治時期後遺，經歷了三代的國泰玻璃工場。跟丫箱寶一樣，工場轉營辦起觀光業，開放讓人參觀之餘，也有 DIY，由師承自父親與日本師傅的老先生親授傳統口吹玻璃的技藝。我第一個舉手試！稍為行近個熔爐，經已熱力逼埋身：「熔爐溫度達 1300℃，可以瞬間將玻璃融化」，動物危機本能發作，企定定唔敢再行近熔爐多一步，幸好一切埋爐燒玻璃的粗重工作完全由師傅代勞，我只用口不動手，吐出一氣吹脹玻璃。容易？你以為！吹得太急玻璃會爆，吹得太慢玻璃會冷卻硬化。吹得咁上下係時候造型，用木棒左篤右篤，再喺底部捽兩捽，就是一個高䠷平底玻璃樽。玻璃廠除了搞旅遊，仲依然繼續研發玻璃技術。最新發明有「竹炭琉璃」，在玻璃加入竹炭成份，借助其遠紅外線淨化杯中物，盛水可將水活性化，除氯味；盛酒則可除辛辣；盛咖啡則可減苦澀。講到好神，實在半信半疑，職員立即端出當地生產的紅酒試試。老實說，此酒以平庸稱之經已畀面，倒入竹炭杯當然唔會立即變成 82 Lafite，但確係易入口咗，確係神奇。據說有試過用 Red Label威士忌測試，五分鐘後口感竟然直逼 Green Label， 5分鐘換 3年，抵到爛啦！

放大圖片

放大圖片
■單靠吹是不能造型的，要以木棒左篤右篤先至得。

■單靠吹是不能造型的，要以木棒左篤右篤先至得。

放大圖片
■底部以木板壓平。

■底部以木板壓平。

放大圖片
■竹炭玻璃茶杯約$537。

■竹炭玻璃茶杯約$537。

放大圖片

放大圖片
■玻璃 DIY由吹開始。

■玻璃 DIY由吹開始。

B.國泰玻璃地址： 350苗栗縣竹南鎮新南里 24鄰崁頂 151號DIY價錢：材料費約$94

鴨店買木兔

有些年份要應節其實幾難，好似鼠年，唔通真係擺隻老鼠喺屋企？除非係米奇。又好似遲吓龍年，邊度搵隻龍出嚟？掛條「九紋龍」又怕江湖味重兼俗氣。兔年都算係最好啦，白兔仔一定人見人愛。說明在先：丫箱寶其實是鴨店，賣鴨的！打從七、八十年代起，苗栗三義已是個木雕鄉，街上幾乎人人都有一段「在木鴨廠代工」的日子。之所以木鴨，其實多得歐、美等地盛行打獵，獵人為了捕獵野鴨，利用栩栩如生的木鴨放在池塘上，作為誘鴨，再吹起鴨笛，引誘野鴨停留池塘上，獵人伺機射殺。當時的誘鴨，很多正是來自三義的。後來的故事你大概猜到：保育之風，打獵式微，木鴨製造業也跟着萎縮。當年的「雙峰木鴨工廠」是一分子，行業式微下為求生存，整理好貨倉後將木雕此一手藝發揚光大，木鴨變成精緻的工藝擺設，木頭所雕更不再局限於鴨，貓頭鷹、鶴、貓、狗、連黑臉琵鷺都有，當然，也有白兔，仲可以 DIY。不是叫你自己拎嚿木頭將兔雕，而是一隻隻早已雕好的現成原形任你揀，然後自己上色，繪上花紋，將白兔變成彩兔，最啱應節。唔鍾意兔仔，仲可以揀番木鴨、貓、貓頭鷹等造型，一定揀得啱。

放大圖片

放大圖片
■木白兔造得相當神似，約$537。

■木白兔造得相當神似，約$537。

放大圖片
■店主女兒相當有藝術天份，唔使學都能在木雕上畫上自創的花樣，仲好靚㖭。

■店主女兒相當有藝術天份，唔使學都能在木雕上畫上自創的花樣，仲好靚㖭。

放大圖片
■工場讓我想起以前學校上美術堂的情景。

■工場讓我想起以前學校上美術堂的情景。

放大圖片
■ DIY最啱小朋友玩。

■ DIY最啱小朋友玩。

放大圖片
■做成蛋形的小鳥最過癮。兩隻連腳下木頭底座約$430。

■做成蛋形的小鳥最過癮。兩隻連腳下木頭底座約$430。

放大圖片
■這雙 Q版大頭鴨極可愛，每隻約$215。

■這雙 Q版大頭鴨極可愛，每隻約$215。

放大圖片

C.丫箱寶地址：苗栗縣三義鄉重河路 176號DIY價錢：木兔約$120網址：http://www.dp-duckdiy.com.tw

民國百年　逢甲夜市消費券放大圖片
■認住呢個 logo，有佢先用得。

■認住呢個 logo，有佢先用得。

話過民國百年，台灣一定多搞作。其實早在去年十月底經已開始，觀光局推出一本「台灣夜市消費券」任你掃蕩士林夜市、寧夏夜市、基隆廟口夜市、高雄六合夜市等十大夜市。我就提提你： 2月最後召集啦。拎住消費券，當然選擇全台最大——台中逢甲夜市直擊。逢甲夜市之大，足以行到腳跛，或者食足一個禮拜都未必食得晒。心諗：得一百蚊消費券，要食飽唔係唔得，但咁多嘢食，點揀好？其實唔難，因為消費券並非適用於任何一個攤位，只有在掛着「逢甲觀光夜市」橫額內，張貼了 logo的店家先至用得。說來有局限，但要食飽亦無難度。行過突然見到一個檔口「鎷啦蝦」，一支支竹籤插着的蝦氹氹轉，公轉之餘同時自轉，一圈後即成燒得香脆，連殼食都得，最啱喺夜市行住食，而且仲有胡椒、檸檬胡椒、芥末幾隻味揀。一份 6隻只係 40新台幣，一張 50蚊券搞掂，一行兩人夾埋食，點會食唔飽呢?!

放大圖片
■雖然可以使用消費券的攤檔只有一段，但絕對可以吃得飽。