曾志偉的父親曾啟榮日前因病逝世，遺體前日喺台灣火化。志偉噚日收起傷痛去商台宣傳電影《我愛 HK：開心萬歲》，志偉話父親安詳離去，眾親友都有出席喪禮，仲話：「星雲大師借咗個地方畀我哋做惜別會，爸爸遺體已經火化，骨灰放喺松山寺。」
放大圖片 
曾啟榮日前因器官衰竭喺台灣逝世。
放大圖片 
喺星雲大師安排下，志偉亡父嘅骨灰會安放喺松山寺。資料圖片
二月搞告別會
志偉話曾經考慮將父親葬喺香港：「有諗過，但星雲大師好慈悲，叫我哋睇吓個地方，我哋睇完都鍾意，而且大部份屋企人都喺台灣。」志偉話安排二月廿六日喺香港為爸爸搞個告別會，亦會為父親製作紀念冊。至於爸爸有冇遺願，例如會唔會希望返香港，志偉話：「冇，都咁多年喇。」講到爸爸嘅健康問題，志偉話爸爸年事已高，所以家人一早做好心理準備，嚟緊志偉會投入工作，年廿九就同家人食團年飯，佢話因父親離世，反而造就多年冇見嘅屋企人見面，仲相約一年見面一次。
對殼王有信心
另外，對於好友殼王陳國強買無綫，志偉話公佈消息前 15分鐘，殼王曾打電話畀佢通知佢：「佢之前都係收費台股東之一，同方小姐係老拍檔，會有默契，相信佢入嚟唔會有乜影響，佢唔會只係利益投資者咁簡單。」 
志偉話爸爸年事已高，身體慢慢弱，所以家人已做好心理準備。
全站熱搜
留言列表
{{ article.title }}
