無綫同五大唱片嘅版稅糾紛仲未解決，最近嘅《勁歌》頒獎禮就造就咗英皇成為大贏家，據知東亞就唔多高興。有傳何麗全會離開 TVB，無綫想搵英皇娛樂集團有限公司執行董事兼行政總裁吳雨（大哥）回巢，代替何麗全嘅製作部非戲劇製作總監個位。
未必肯屈就 放大圖片 
何麗全同好多藝人都好熟，有傳佢會加盟 now。
不過，以前大哥喺無綫係做製作總監，但佢係管晒戲劇同綜藝部，權力大過家只係管綜藝科嘅何麗全，所以大哥肯唔肯屈就，無綫都仲要睇吓佢意向。聽講如果傾唔掂數，無綫內部仲有兩個人選可以考慮，陳志雲就想推薦綜藝及音樂科高級經理陳家揚，而方逸華另一愛將麥當傑都係適當人選。何麗全呢個位要同唱片界有番咁上下交情先得，呢輪無綫同英皇以外嘅唱片公司都唔係咁好關係，大哥吳雨同英皇又有千絲萬縷嘅關係，搵佢坐呢個位，其他唱片公司唔知會唔會唔舒服。
大哥賣關子
就過檔一事，馮仁昭搵過大哥，佢話：「冇人聯絡喎，不過喺呢個圈咁耐，都唔知世事點轉變啦。」至於點樣先可以打動佢？佢就講得好玄：「冇乜話打動嘅，唱片、電影、電視同行政我乜都得嘅。」不過佢補充話目前做得好開心。記者喺另一個場合撞見何麗全，問佢係咪離開無綫過檔 now？佢就唔肯講。至於有傳東亞歌手唔續約無綫，佢就話：「我都唔知，都係睇報紙先知，要了解吓，應該唔會，年年頒獎禮梗有人有不滿。」 
吳雨（左）同無綫高層樂易玲有機會做同事。 資料圖片
全站熱搜
留言列表
{{ article.title }}
