好耐無聽到玩 Wii飛爆電視慘劇！體感遊戲仍係老任招牌，繼經典作 Sport同 Fit後，下星期將新返超熱鬧 Wii Party；同場 4人惡鬥，最新穎莫過於打機唔使望實個芒，單靠 Wiimote就玩到遊戲，要招呼班 Friend，又多項選擇！記者：陳國輝攝影：譚盈傑Model： Rita@Pure Models
二人行 靠合作
有時幾個 Friend一齊打機，唔一定你死就我亡嘅！好似遊戲內嘅 Pair Party，就要求兩名玩家同時具備良好嘅協作能力，才可順利過關。好似有款 Wii版海盜船，狀似海洋公園嗰隻，不斷左搖右晃，玩家須控制船杆令船身平衡，在限定時間內救番指定人數，咁你就過關。另一款 Mini Game，屬於較傳統嘅划艇遊戲，兩名玩家只需做出協調動作，令橡皮艇到達終點就過關。
放大圖片 
■船身失平衡，船員會跌晒落海。
放大圖片 
■體感划艇遊戲以前都見過。
四人戰 鬥一番
講到底，最刺激、最具挑戰性，始終係四人互片！如果玩厭咗「 Living Party」，不妨玩番傳統小遊戲，加埋晒約有 80種咁多，可一至四人齊齊玩！想熱鬧，可以玩吓賽馬仔、直升機救人；而考腦筋嘅，亦可選擇 Wii版大富翁，或鬥快答問題，不過中文行版尚未計劃推出，如果你識日文，梗係要試！另外，日版《 Wii Party》將加推特別同綑版，盒內會有埋粉紅色或白色手掣，售價定為 6,800日圓，折合港幣約$600。
放大圖片 
■鬥快切菜，睇怕女生會叻啲。
放大圖片 
■直升機救人，支援一至四人。
放大圖片 
■ Wii版大富翁畫面勁立體。
放大圖片 
■賽馬仔、鬥快 㩒掣，無技術！
手掣捉迷藏事件 放大圖片 
可能你會問：「唔望芒點打機？」你甚至會懷疑，唔通老任出咗款有芒嘅手掣？錯晒！《 Wii Party》最大賣點，係新加入一啲純體感 Mini Games，佢叫做 Living Party。呢次講嘅體感，唔係叫你當手掣係隻球拍或者軚盤咁簡單，想成功 K.O.其餘 3名玩家，必須依賴你嘅官能與觸覺；講得太複雜？舉個例子，遊戲中有一款 Mini Game需兩個以上玩家參與，手掣會變成一個炸彈，然後你要喺限時內交畀另一個人，餘此類推，直至其中一人太過緊張，連手都震晒， Wiimote會計算震動波幅，如果超出範圍，佢就會馬上爆炸！另外，仲有一款捉迷藏 Mini Game，三名玩家會先將 Wiimote收喺隱蔽地方，然後你要在限時內搵佢出嚟，喺搜索途中，手掣可能會發出奇怪嘅聲音提示你，若然夠鐘仍未搵到，當然係你輸啦！與前作最大分別係呢一次遊戲畫面只作輔助性質，其實你唔望住佢，也一樣玩到。
放大圖片 
■傳炸彈要快又唔准手震！
放大圖片 
■秒錶邊倒數邊搵手掣。
Profile 放大圖片 
■日本會推出 Remote同綑版，售 6,800日圓（約$600)，本地 Game場仲話會返水貨。
平台： Wii類型： Mini Games玩家： 1-4人售價： 4,800日圓（約港幣 424元） 
留言列表
{{ article.title }}
