娛樂八掛大放送★

老人家成日叫大肚婆唔好四圍走動，但現代醫學就話大肚婆都一樣要運動，但估唔到預產期今個禮拜蔡少芬，竟然都係坐唔定，日前重同老公周街走 ，個肚籮咁大佢，真係隨時生得，而張晉亦都甚為小心，陪住老婆出入外，重執定生BB時入院用品，放定車尾，萬一蔡少芬突然作動，佢都可以即時入院。
日前蔡少芬同老公齊齊出街開餐，佢先去青衣一個油站入油，又打開車窗任好姨影相，雖然BB就出世，但佢就笑住話重未幫BB改名，而蔡少芬又好甜蜜咁指住老公話由老公負責，而出名錫老婆張晉，重腳眼位紋上「信、望、愛」三個字，寓意為愛老婆、愛家庭、愛主，見到蔡少芬搵到佢真愛，好姨都戥佢高興。
 

城中超級富豪劉鑾雄（大劉）一向對媽媽劉老太十分孝順，平日就算幾忙都會陪媽媽一起吃飯，陪媽媽的日子一定不會少於兩位紅顏知己呂麗君和甘比 。
星期日母親節，大劉當然一如以往帶媽媽到「飯堂」福臨門慶祝，而早前成功為大劉誕下兒子的呂麗君，今年再次獲「御准」帶同女兒劉秀盈一起慶祝母親節，一家人齊齊到福臨門吃飯。
至於大劉另一個女兒的母親甘比則明顯避席，同一時間出席朋友的品牌活動宣傳，爭寵新戰況，由添得男丁的呂麗君繼續領先。
母親節當日，大劉於中午12時許，帶呂麗君及女兒劉秀盈，跟已先到灣仔褔臨門的劉老太會合，不過當日未見呂麗君帶同幼子出現，似乎不想兒子在傳媒前過度曝光。大劉見一大班記者圍在身邊，即急步行入酒樓，依舊一言不發。呂麗君則牽女兒的手進場，全情笑容滿面，心情勁靚！那又難怪，既有女兒為她慶祝母親節，又可以一盡孝心陪劉老大，完全得寵，自然是雙重喜悅。
大方合照
午飯過後，大劉就拖實劉老大離開，雖然對傳媒提問仍未有回答，但他對母親的關懷的確是無微不至。不過另一邊廂，大劉另一紅顏知己兼女兒秀樺的母親甘比，卻要在母親節獨自度過，當日她細意打扮，出席老友徐濠縈店舖的兩周年派對，不愛上鏡的她，更鮮有地大方與徐濠縈、何超儀、何嘉莉等讓傳媒影大合照，俾足面徐濠縈之餘，亦讓大劉不用為難，母親節她也會找到自己的「節目」。

5月 5日替身代打
拍攝當日烈日當空，氣溫高達三十幾度，霆鋒拍完大頭，樣貌似何家勁的霆鋒替身與周杰倫試戲，打了唔夠五分鐘，已經成身濕晒。
娛一叮
搵替身招呼周杰倫　出爐影帝霆鋒錫身
2011年05月13日
一向有「拼命三郎」之稱的謝霆鋒，昔日拍戲搵命搏，不少危險的鏡頭都親身上陣。不過，剛摘下影帝，又貴為生意額近億的製作公司 Post Production CEO的霆鋒，身價暴升，難怪開始變得錫身。
近日霆鋒在吉隆坡拍新戲《逆戰》時，不但排場儼如巨星，出入有四、五名保鑣及保安護駕兼擔遮，無論是飆車戲、反車戲，甚至與周杰倫的打鬥場面，霆鋒都要替身代勞，出爐影帝認真大支嘢。

 
 

 
 

 
 

 
 
o靚模熱潮盛行未衰，香港娛圈隔一陣子，便有o靚模類的女藝人靠行性感彈出，好像「林峯女友」潘霜霜及「高登女神」樂瞳，近來就火速冒起成為新一代性感代表。反觀出道四年的趙碩之，不斷受新人破底線挑戰，此消彼長，聲勢就不免逐漸減弱。
不過，闊別寫真戰場三年的趙碩之，今年決定再戰江湖，並冧掂老闆林建名豪擲逾百萬，遠赴上海拍攝超激寫真集，務求以極度誘惑身段，擊潰所有今年書展參戰的o靚模及宅男女神，登上真寫女王的寶座，重奪聲勢，本刊獨家到上海貼身追擊其秘密製作過程。