食飽無憂米的富豪二代，近年紛紛積極發展個人事業，以便北上攞政治本錢；不過表面規行矩步，私生活卻十分荒唐。識玩識食專吼靚女的太子兵，出海開遊艇派對，已成風氣。
據知，為避開視線，開P時間專揀返工日子，由中間人搭路揀o靚模，船上隊酒猜枚，玩通頂，無拘無束。
有工唔返
上週三（六月二十三日），當日天氣時晴時雨，但無損一班富豪二代出海開party心情，其中包括諸葛梓岐男友、Neway二少薛嘉麟（Ernie），全國人大常委范徐麗泰兒子范駿華（Andrew）、遠東科技老闆邱德根幼子邱達根（Duncan）、跟傅明憲傳過緋聞的東華主席梁定宇（Billy）以及順道慶祝生日的廖創興銀行後人廖偉麟（Jeffrey）等人。
下午一時多，有工唔返的富豪二代在深水灣碼頭坐快艇，帶住一班o靚模分批登上好朋友Alfred的遊艇，遊艇駛到碼頭對出數百米便停低，未幾換上白色短褲的范駿華走到船尾，與幾個o靚模玩水上電單車，只見他輪流載住穿著比堅尼的o靚模在海上飛馳兜彎，好英雄！大半個鐘後，船身有R•W英文字的另一艘大型遊艇駛近，范駿華才返入船艙，加入薛嘉麟、邱達根等人劈酒猜枚。
香檳當水
船艙內，已婚的邱達根全程黐實身邊著黑衫的o靚模Icy，兩人似一早相識，Icy還突然入房瞓上床，又大聲嗌邱達根入房，即時被全船人笑：「閂埋門先喇！」至於慢熱的薛嘉麟，猜枚連輸「隊」咗幾杯香檳後開始升溫，先跟對面的濕髮o靚模玩骰盅，然後突然企起身，幫好友邱達根頂酒，再跟紮髻戴墨鏡，名叫Mandy的o靚模狂隊香檳，high爆的他還不斷望住天花板傻笑。
「其實Ernie好鍾意去遊艇P，事關佢自從同諸葛（梓岐）拍拖就成日俾女朋友mark實，試過有次食飯，諸葛嫌間餐廳得壽司食，發脾氣走咗去，要Ernie即刻氹番佢，成班friend都好睇唔過眼，雖然Ernie話遲過兩點返屋企要罰頂痰罐，但每次有局，佢都會玩到尾先走。」知情人透露。
箍到實
難得撇甩有公主病的女友，Neway二少亦盡情放肆，五點半離船上岸後，在碼頭跟豪放Mandy孖住行，任由女方箍到實，全程笑到見牙唔見眼，直至行到泳灘，見附近有泳客，Neway二少才即時彈開，扮唔識一支箭走向馬路截的士走。而跟隨身後的邱達根則跟女友Icy猶如連體嬰，拖住她與另外兩個o靚模坐車出中環。
據知，一班富豪二代為玩得放心，經常聯群結隊返大陸尋歡，還會定期舉行遊艇派對，各自輪流出艇，如果參與人數超標，有時甚至同日出動兩艘遊艇，在海中心船駁船孖住玩。
「今次天氣唔好，所以冇咁多人嚟，如果天氣好，佢哋會玩到凌晨兩、三點，個個飲到爆晒先走，仲要每次都有女仔上船，班女仔見個個都係有錢人，自動波黐到實，今次個中間人帶幾個o靚模嚟，但之前藍莓（味之天使林俐）、Mia（新8模），同埋啲五、六線女藝人都上過艇。如果二代睇中邊個，就會喺船度交換電話，上岸就各自搭的士去酒店會合。」曾經參與遊艇派對的o靚模透露。
轉場再劈
富豪二代落船後，晚飯都唔食，即帶住o靚模轉場到蘭桂坊最新名人蒲店Shake Shake Club繼續劈。「每次開P都有工人服侍，仲會準備好多食物，parma ham、鵝肝例有，香檳紅酒任飲，佢哋最鍾意用龍蝦煮公仔麵，大家喺船入面玩到癲晒，所以通常都唔使食飯。」o靚模繼續大爆。
接近凌晨兩點，成身海水味的Neway二少仲未肯返屋企，離開Shake Shake Club再去Beijing掃場。至於同行的范駿華，離開時已腳步浮浮，在門口攬實著花短裙o靚模，在對方耳邊講完一輪，見o靚模想轉身走人，即再捉住對方，擾攘十多分鐘，才到Beijing會合老友，玩到翌日早上才離開。
「范太（范徐麗泰）嗰日就掛住搞政改方案（廿三日在立法會表決），Andrew就連工都唔返，同班o靚模上船玩，班朋友都笑佢冇政治智慧，要返屋企惡補吓。」知情者透露。
有頭有面
有事業有地位，不論已婚定未婚，愛玩愛蒲，始終是男人的天性。
薛嘉麟
現職：中大印刷執行董事
年齡：31歲
學歷：中文大學市場推廣碩士
婚姻狀況：未婚
家族：父親薛濟傑，是上市公司中大印刷創辦人兼主席，公司業務主要為印刷標籤、膠片及廣告物料等，估計市值20億。去年中大印刷以6,500萬，收購薛氏旗下的Neway集團，改名Neway Group Holdings Ltd，發展唱片製作及藝人管理。
邱達根
現職：遠東科技董事總經理兼行政總裁
年齡：35歲
學歷：美國Pepperdine大學商業管理學士
婚姻狀況：已婚，妻是香港昌記魚蛋創辦人蘇金泰幼女
蘇健因家族：富商邱德根幼子，公司主要業務有證券投資及買賣、物業發展、成衣等，資產市值3億，並任香港上市公司商會之常務副主席、中華全國青年聯合會委員會成員等職務。
范駿華
現職：泛華會計師行執業會計師
年齡：31歲
學歷：香港大學工商管理（會計及財務）學士、倫敦大學法律學士
婚姻狀況：已婚
家族：全國人大常委范徐麗泰之子，曾任中國人民政治協商會議浙江省第十屆委員會委員、香港青年聯合會副秘書長、香港特別行政區政府大珠三角商務委員會委員，與內地關係密切，去年出任遠東科技獨立非執行董事及審核委員會委員。
不缺錢不缺女
含住金鎖匙出世的一班富豪二代，因為不缺錢，識玩識食，令不少索女主動黐埋身。
楊其龍
楊受成之子，身邊從不缺女的楊其龍，花花公子形象深入民心，更經常惹官非，涉及打人、藏毒等。近年致力發展飲食業，但仍不忘溝女，尢其鍾情不同國籍美女。
霍啟山
霍震霆之子，緋聞不絕的霍啟山，04年跟章子怡的姊弟戀哄動一時，兩人愛得黐纏，不理公眾場所照上真人騷。同章子怡玩完後，經常現身夜場的霍公子曾搭上Amanda S。
林孝賢
林建岳之子，經常跟女星名字扯上關係，先後跟薛凱琪、傅穎、Angelababy、鍾欣桐、應采兒等傳過緋聞。
返屋企頂痰罐！（設計對白）
下次唔敢啦！（設計對白）
一班人在船艙互劈，其中一個o靚模就在甲板曬太陽。
High爆
玩骰盅
猜枚
吹水
罰飲
有指新八模之一的Mia（左），及藍莓（右）都曾經上船玩，而在Mia的blog，亦擺放了她與家姐在遊艇的合照。
5:30pm
雨落個不停，Neway二少（綠間條衫）跟邱達根（藍衫）上船轉場，俾豪放Mandy箝實的Neway二少冧到震。邱達根則替女友Icy拎住wakeboard離開。
搭接駁快艇上岸，high爆的Neway二少跟豪放Mandy全程黐實。而邱達根則跟女友Icy做連頭嬰（左二、三），用細毛巾遮頭。
邱達根跟老婆蘇健因於○四年結婚，二人亦不時拖住手去ball晒恩愛。
○六年，范駿華（左一）跟范太的愛駒「另具一格」出賽，爆冷贏出，母子二人一起拉頭馬。
凌晨兩點，范駿華攬住o靚模在Shake Shake門口唔放，擾攘十多分鐘。
離開Shake Shake，Neway二少（右）跟好友Alfred轉場到Beijing繼續飲。
留言列表
{{ article.title }}
