娛樂八掛大放送★

已經分手四年的方力申、鍾欣桐，近日因為宣傳倉底貨《出水芙蓉》，奉旨日對夜對，早前硬撬Race牆腳，搞向佐失敗的阿嬌，眼見機不可失，即主動出擊，狂發SMS翻溝舊愛，甚至將二人擁抱的宣傳相放上微博，公開表態：「反正我很喜歡就是！」
阿嬌肆無忌憚，令正印Stephy睇到眼火爆，向友人狂呻：「我知佢想搞小方！」兩幫fans更因此展開罵戰！

Fans開火
方力申、Stephy秘密拍拖三年，早被認定為一對，早前Stephy被踢爆由貝沙灣搬到小方以十萬元租住的碧荔道洋房新竇，與小方家人同住。不過，Stephy即使落晒訂，但曾經跟小方有過一段情的阿嬌，卻一於話之你，出面明搶。
近月因為電影《出水芙蓉》巡迴各地宣傳，小方阿嬌幾乎日日見面，前陣子二人一同到長洲拍宣傳相，阿嬌竟故意將二人挨埋及攬到實的兩張相，放上微博，並留言：「反正我很喜歡就是！」行為充滿挑釁性！
相片一出，不少嬌迷留言：「你哋好襯！」「張相好有feel！」，更有fans撐二人復合：「小方是娛樂圈不可多得好男人！把握好哦！」阿嬌有人撐，Stephy的fans亦不甘示弱，立即還擊：「小方係屬於欣欣（鄧麗欣）嘅！」
兩幫fans網上開拖，正印Stephy其實亦睇到眼火爆。「話晒佢哋以前一齊過，阿嬌咁主動，Stephy梗係擔心！」Stephy身邊人說她最近不時向友人吐苦水，狂呻阿嬌姣溝小方。「我知佢（阿嬌）想搞小方！做完宣傳，仲成日call住佢（小方）！」

對足半個月
對於小方，阿嬌的確毫不掩飾，每次宣傳見面，阿嬌都刻意黐到實，有時即使做完嘢，阿嬌又要小方陪食飯。「佢望住小方個樣好鬼冧o架，呢啲無得呃人，係人都知佢想點！」一名工作人員說。
當年小方與阿嬌玩地下情，各被傳媒踢爆出埠度假，令二人備受公司壓力。
「以前小方真係好鍾意阿嬌。依家見番面，阿嬌亦都覺得小方對佢仲係好好！呢排小方成日收到阿嬌SMS，連點襯衫？佢都問小方，有時做訪問答得唔好，小方又會番轉頭安慰佢，總之係欲斷難斷嗰隻。」知情者說。
阿嬌做晒主動，本週一，二人更一同出發到國內巡迴宣傳電影半個月，朝夕相對易得米，Stephy有排震。

愛做第三者
「淫照事件」爆發後，阿嬌形象插水，其後又多次被爆出她投懷送抱，明搶人男友，果然死性不改。

向佐
2010年，阿嬌與向佐合作電影《前度》，不理向佐已有正印女友Race，照發功狂冧，日日短訊、電郵，將自己的相片傳給對方欣賞。

陳偉霆（William）
與Angelababy鬧分手，有傳阿嬌吼準時機，火速搭上細她四年的師弟William，更點名要對方擔任《前度》男主角，攞正牌親熱。

陳冠希（Edison）
阿嬌與Edison關係拖拉多年，但Edison當時身邊其實有正印女友陳文媛，至「淫照事件」爆發後，才揭開當時的三角關係。

早前阿嬌以一襲低胸裙扮到成隻雀咁，與小方一齊出席上海國際電影節，不過對住大班記者，二人一個木獨一個表情尷尬。

阿嬌專登將相片造成剪影效果放上微博，刻意製造浪漫感覺。

Stephy亦不甘示弱，在微博放上與小方出席活動的相片。

嬌迷力撐
阿嬌公開示愛，引來不少嬌迷力撐，擺明搵人撐復合！

秘密拍拖三年，近日小方與Stephy的感情逐漸蒲面，經常形影不離。

三年前接拍《出水芙蓉》，阿嬌小方在長洲拍了大半個月戲，當時亦傳出二人翻撻。

經常與阿嬌扯上關係的Juno，近日公開與女模Janie拍拖，同阿嬌畫清界線。

本週一，阿嬌同小方開始內地巡迴宣傳，無Stephy監場，阿嬌名正言順獨霸小方。

阿嬌力追方力申惹怒鄧麗欣 粉絲互掀罵戰

阿嬌與小方
已經分手的方力申、鍾欣桐(阿嬌)近日因爲宣傳《出水芙蓉》，奉旨日夜相對，早前硬撬Race牆腳、狂追向佐失敗的阿嬌眼見機不可失，即主動出擊，狂發短信討好舊愛，甚至將兩人擁抱的宣傳照放上微博，公開表態：“反正我很喜歡就是！”

阿嬌肆無忌憚，令方力申正牌女友鄧麗欣(Stephy)十分惱火，向友人抱怨：“我知道她想搞方力申！”兩幫fans因此展開罵戰。