娛樂八掛大放送★

娛樂圈近年勁出巨 B，李樂詩（ Joyce）的兒子 Maxton 8個月大已有 22磅， Joyce話平均兩星期就要幫他買新衫，現時已經要着 2歲尺碼，出街成日被人話係 XL BB。不過 Joyce話會同囝囝 Keep住做運動，保證巨 B唔會變肥 B。記者：林佩婷　相片由被訪者提供鳴謝： Casa Lisboa（ 2905 1168）

5個月大吃 8安奶 放大圖片

Maxton出世時只有六磅多，但到了 3、 4個月開始，一下子增磅超過一倍， 5個月到現在達到 22磅，要知道一般是 18磅左右。 Maxton一出世的胃口非常好，普通 BB可能每三小時才飲一次奶，但他約兩小時就肚餓。不但如此，每次份量也很厲害，難怪短短時間就增磅迅速。「工人一聽到佢係咁喊，就知要餵奶。咪以為餵得少先快肚餓，佢胃口不知幾大，好似普通可能食 4、 5安奶左右，佢 5個月大就差唔多食 8安。縮短飲奶時間份量又多咗，可能因為咁變得咁大隻。」 Joyce都曾經諗過好不好給少一點奶，但若飲唔夠，阿仔絕對喊到收唔到口，一定要食飽飽才收聲。

碌跑跳玩住 Keep Fit 放大圖片

■懷孕時 Joyce經常游水做瑜伽，故整體只肥了約 35磅。

短短 3個月左右， Maxton由 6磅幾一躍跳升至 14、 5磅， Joyce有時都有想會否太肥，老人家甚至警告小朋友將來會變癡肥，最初她都有點擔心，但醫生就着她不用擔心，因為到小朋友識行識走自然瘦。雖然如此，但 Joyce亦定時和 Maxton運動一番。「細個我會抱住佢喺床度不停咁跳、碌嚟碌去，幫助消耗卡路里。到家大啲就俾佢坐學行車，等佢跑住嚟同我玩捉迷藏。每到外地我都會同佢去游泳，呢排都有朋友同我講囝囝個人拉長咗，無咁節瓜人。」現時除了飲奶， Joyce亦經常自製紅蘿蔔、肉類等糊仔讓囝囝擦餐飽。

放大圖片

■ Joyce湊仔絕不假手於人。

放大圖片

■每天早上會對住囝囝唱歌，做完運動後就同佢傾偈講故事。

放大圖片

■現時則利用學行車來增加 Maxton的運動量。

放大圖片

■由於 Joyce也有親人在夏威夷，每隔一段時間全家都會去度假。

巨 B有風險 放大圖片

■ Joyce話做媽咪唔使太緊張，有機會甚麼都可以俾 BB試。

雖然 BB肥嘟嘟好可愛，但原來無論在懷孕時又或成長時成巨 B，對孕婦或 BB本身都有一定的風險。婦科醫生靳嘉仁指若在懷孕時 BB估計到有重磅情況，很可能由於遺傳或患有妊娠糖尿病等原因。在生產過程難產機會會較高。因為生產時很容易因擠壓而缺氧導致剖腹生產，若不幸因擠壓過度以致腦部嚴重缺氧，就有智能受損或死亡的風險。而媽媽因懷巨 B發生手術或產道擠壓創傷，又或生後因子宮肌肉收縮無力導致大量出血等情況。至於出世後如何界定為巨 B，兒科醫生張傑就指體重超過 4公斤便算巨 B。由於有部份是因為媽咪懷孕時有糖尿病以致 BB吸收太多糖份，故出生後可能導致血糖過低、增加血液濃度。要慢慢幫 BB減磅的話，可以減少奶量或開稀奶，若未能減食的話也可以順其自然，於 1歲後身體也會根據個人遺傳因素而改變身形和體重。

放大圖片

■半歲大的時候，曾和年紀磅數相若巨 B朋友仔一齊開 Party慶祝。

放大圖片

■ Joyce懷孕已經去看學校，甚至諗定去奧巴馬當年在夏威夷讀的中學。

■ Maxton超喜歡水， 5個月大已在夏威夷玩水，上個月則到布吉暢泳。