娛樂八掛大放送★

抹去陰霾，阿嬌今年正式「復出」，先孖住蔡卓妍開 Twins演唱會，之後她主演牀戲連場的電影《前度》亦接住上映。為回歸造勢，以往唔寫 blog及 facebook的阿嬌，早前亦開微博吸納國內 fans。
近日她與舊情人方力申合演的倉底貨《出水芙蓉》亦安排七月上映，咁啱撞正方力申與正印 Stephy盛傳十月結婚，兩女的 fans於是在微博展開罵戰。最近，阿嬌與方力申中港兩地密密宣傳電影時，阿嬌話戲中被小方的真誠打動了。當記者追問她現在的感情狀況，阿嬌嬌嗲地向旁邊小方說：「你試吓得唔得囉！」甚有挑逗意味。之後，她又在訪問中自爆其中一幕戲被小方攬住甚為回味：「佢太肉緊，攬得太實，好辛苦，郁唔到。」即時惹來 Stephy fans不滿，連番在阿嬌微博留言，指阿嬌和小方不合襯，又寸阿嬌不要死纏方力申，因他現在只有 Stephy云云。

fans微博互駡

不少 Stephy fans於阿嬌微博中留言辱罵，當中不乏粗言，而且人數眾多，尤其在半夜時分。以往平均得數百個留言，但因為阿嬌及 Stephy fans互駡下，留言一下子增至近數千個。知情者話︰「阿嬌已經聯絡咗微博所屬嘅新浪網，希望佢哋幫忙刪除這批惡意留言。但因為同一時間數目太多，舊嘅未刪除，新嘅已上載，一度累積到四千幾個。最後阿嬌惟有索性將自己的日誌刪除，更數天沒有上微博，希望事件平息。
「 Stephy班 fans不嬲唔鍾意阿嬌黐埋小方度，咪玩嘢囉，有啲激進分子，仲會重提陳冠希事件，所以阿嬌要晚晚實個微博，將啲搞事分子列入黑名單。佢嘅 fans亦幫阿嬌全天候監察住，阿嬌仲喺微博發過私人信件，多謝幫過手嘅 fans㖭。」
15日，阿嬌出席電影《前度》謝票活動，直認遭網民留下不雅說話：「微博喺我同 fans傾偈嘅地方，我唔想有人用說話污染咗佢，所以曾經請新浪網幫我刪除晒！（近來有啲自稱 Stephy嘅 fans留言唔想你同小方一對！）唓！咁之前我同陳偉霆一對都有人反對，大家眼光要大同啲，包容啲！（係 Stephy啲 fans做嘅？）唔會啩！係啲惡作劇啫！（你嘅 fans同對方 fans互鬧喎！）我啲 fans應該唔會咁做囉！」至於 Stephy則透過金牌大風表示對事件沒有回應。

Stephy fans鬧爆阿嬌

大批網友在阿嬌微博大肆抨繫，其中大部分都是「麗欣同盟」，又有網友更以「永遠愛欣欣」為名，有些更重提陳冠希事件，可見 Stephy fans為了替偶像出氣，無所不用其極。

阿嬌黑名單防惡搞

微博在內地極受歡迎，令它在香港演藝界中亦極度流行，藝人利用微博提升自己在內地知名度，國內 fans只要按下「關注」，不用經藝人批准，即可成為其「粉絲」，從此看到其發放的訊息及照片。
「新浪」為杜絕網民惡搞，留下色情、暴力或者違規的內容，設有一項「舉報不良訊息」，更以有機會獲精美禮品招徠，鼓勵大家舉報。就像阿嬌，除了召集 fans幫手刪走惡搞留言外，亦可將惡搞 fans放入「列他進黑名單」一欄，讓他從此不能在其微博上再留言。