港姐大熱面目全非踢張莉莎離奇鼻高胸變大忽然1周 775期 @ 娛樂八掛大放送★

無綫為提高今屆港姐質素，放寬參賽條件，容許有合約在身嘅模特兒參選，吸引唔少o靚模面試，其中水着女子組合Jelly Girls成員張莉莎（Suyen）就成為大熱佳麗。據知張莉莎已成功入圍，本月10日將由無綫正式公布。
因為胳肋底有粒癦而被稱為「蛇腰綺夢」嘅Suyen，眼大高鼻瓜子面，加上32C激凸身材，確係宅男心目中嘅女神。不過有Suyen舊同學爆料，指她曾返大陸變臉變身，08年仲係大腮骨、扁鼻同平胸嘅佢，曾向友人揚言會執靚個樣選港姐。事隔兩年Suyen果然面目全非，有相為證！

今年港姐參選佳麗被喻為近年質素最高的一屆，大熱張莉莎（Suyen）第一日面試已經備受矚目，更因為胳肋底同張敏喺《賭神》經典角色「綺夢」一樣有粒銷魂癦，加上有條蛇腰，所以被封為「蛇腰綺夢」。本身是水着組合Jelly Girls成員的Suyen今年23歲，身高5呎7吋，6年前開始做兼職模特兒，有指係「龍友甜心」嘅佢，收$120一個鐘，就可以着背心熱褲任影。

近鏡睇真啲
據爆料人所講，Suyen04年入讀IVE時仍未變臉，之後她不時返大陸執靚個樣，五官逐漸進化。

返大陸大變身
Suyen早前曾公開表示，參選港姐只是玩票性質，又話如果影響到學業就唔選，態度相當唔志在。但本刊收到曾與Suyen同讀柴灣專業教育學院（IVE）的同學爆料，指Suyen向來表演慾甚強，一早已為參選港姐鋪路。與兩年前相比，其樣貌、身材可謂面目全非。爆料者說：「Suyen04至08年喺柴灣IVE讀旅遊業，當年佢個樣真係好普通，對眼分得好開，又有大腮骨，個鼻亦好扁，胸部勁平坦。佢成日同我哋講話會返大陸執靚個樣同身材，又話一定要參選港姐。冇幾耐佢個鼻就突然高咗，大腮骨冇咗，身材亦變得有料到，到畢業時佢個樣已經唔同晒。」
爆料者透露Suyen當年經常與友人返深圳東門消遣，未變臉變身前更會在網上購買豐胸膏自用。本刊記者看過爆料者提供Suyen變臉前的照片，發現其樣貌確與現時判若兩人。

曾持刀威脅男友
爆料者又指，內地出生的Suyen除了擅長變臉外，還愛屈男友買名牌，且每次分手都相當激。爆料者說：「Suyen拍過4次拖，佢成日同人講想釣金龜，同佢拍拖嘅男友都俾佢屈送名牌袋同手提電話，每次有新電話都會拎返學校炫耀。佢對感情好執着，試過有個男仔同佢分手，佢上人哋屋企搗亂，將啲垃圾倒到一牀都係，又畫花男友屋企幅牆，之後個男仔打去同佢講：『你係我識嘅女仔中最恐怖嘅一個。』而佢依家個男友Ray Lo係喺酒吧識，本來做髮型師，依家去咗澳洲遊學。呢個男仔曾經同Suyen講分手，點知Suyen癲到攞把刀上去人哋屋企講數，最後男仔心軟又一齊番。」
Suyen自稱現時在理工大學讀旅遊業管理學位，但爆料者指她掛住做o靚模發明星夢，成日走堂，唔夠出席率加上考試同重考都唔合格，結果要讀多半個學期。對於變臉選港姐以及被舊同學翻舊帳，Suyen透過Jelly Girls的經理人Sonic回應：「都係化妝嘅問題，我哋唔會相信呢啲傳聞。」而無綫外事部副總監曾醒明就話：「港姐冇明文規定唔俾整容，依家整容都好普遍，割雙眼皮嗰啲都唔算啦！如果入圍港姐中有人被傳整容，佢唔認都冇辦法，認咗咪睇吓乜嘢程度，唔係好誇張都接受到嘅。」
回想七、八十年代嘅港姐個個真材實料，但最近十幾屆除咗不斷有港姐被爆係人造美女外，仲激到有變性人㖭，依家嘅選美已經變咗質。

莊思敏妹被指同性戀
今屆唔少大熱港姐被踢爆家底厚學歷高，當中最為人熟識嘅係23歲嘅莊思明（Lisa）。佢家姐係模特兒莊思敏，父親莊寶係馬來西亞拿督兼地產商人，亦係香港上市公司中國光大控股有限公司嘅創辦人兼前主席，母親江玉珠曾經係麗的電視藝員。莊家家族身家逾8億，單係佢哋所住嘅山頂道獨立屋，已市值約1億元。
被指鐵定入圍的Lisa，近日被雜誌指與開設女同志吧《No.2》的TB密友李詩藍拍拖6年。本刊記者亦發現有網友喺TVB網站討論區爆她戀TB，不過亦有網友出言力撐Lisa非同志，睇嚟Lisa都幾有觀眾緣。記者就此事致電Lisa家姐莊思敏，她說：「阿妹嘅私生活我向來都唔理，佢嗰啲都係正常社交，參選後佢都知要小心言行舉止o架喇！」實行力撐愛妹。

2010年　高鼻銷魂眼
5月18日港姐進行覆試，Suyen一條紅色背心裙搶晒鏡，同兩年前相比，對眼大咗鼻又高咗，真係神奇。

Jelly Girls水着起家
09年組成的Jelly Girls，由11位o靚模以水着look做生招牌，個個唱得又跳得，專做酒吧騷及上船表演。張莉莎Suyen（紅圈）是其中一個核心成員，今年Jelly Girls仲話出寫真以及進軍樂壇。

08年扁鼻青蛙眼
Suyen 08年在IVE讀書期間，鼻扁兼雙眼分得好開，點睇都唔係索女！

變臉前
雙眼距離遠
冇鼻樑
大腮骨

變臉後
眼距收窄
高鼻樑
瓜子面

變身前
32AA平胸

變身後32C導彈
唔止個樣，Suyen連身材亦再度發育，讀IVE時身材似洗衫板嘅佢，依家不時着低胸衫狂晒長達5吋嘅事業線。

騷胸任影唔嬲
變身後嘅Suyen不時做模特兒俾龍友影相，要佢騷胸露腿，當然唔會say no啦！

平價影比堅尼
早前有傳龍友只要俾$120就可以請Suyen影相一個鐘，$660就可以包場影三個鐘，仲要係比堅尼任影，咁抵，唔怪得佢咁受龍友歡迎。

晒軒仔合照
Suyen向來想入娛樂圈，早前佢做過張敬軒《曝光》MV女主角，仲將佢同軒仔嘅合照放上網。

纏實男友
爆料人話Suyen對愛情好執着，其現任男友Ray Lo（右）早年提出分手，Suyen曾持刀上門講數，原來佢都係烈女。

IVE畢業
08年尾IVE行畢業禮時，Suyen（右）個靚樣已經成形，當時佢完全冇避忌，仲向同學仔透露要選港姐。