Angelababy(楊穎)與黃曉明戀情逐漸浮面,日前兩人合作拍攝 MV後,又被撞破在北京拍拖睇戲,更有指 Baby進駐「黃宮」。斷正的 Baby昨日在公開活動上依然死撐與黃曉明是朋友關係,從未與「海綿蛋糕」單獨約會,她說:「大家都單身,以後嘅事答唔到。」她更預告有戀情也不公開。


其他娛樂名人影片

女模 Angelababy與「海綿蛋糕」黃曉明的戀情,早前刻意扮低調,近日逐漸浮面,繼日前情侶檔合作拍攝 MV,上周更於北京拍拖看《鐵甲奇俠 2》( Iron Man 2),更有指 Baby入住黃曉明的北京寓所,進駐「黃宮」等。

稱朋友住附近 放大圖片
Baby與陳肇麒(右二)等人齊齊玩遊戲。

Baby與陳肇麒(右二)等人齊齊玩遊戲。

Baby昨日在銅鑼灣時代廣場出席 adidas活動,與香港足球代表隊球星陳肇麒和李威廉等玩遊戲宣傳世界盃。對於與黃曉明在北京拍拖睇戲斷正, Baby有備而來說:「自己都有睇報道,睇場戲冇乜大不了,我哋有幾個朋友一齊,從來冇同佢單獨約會過,亦都冇上過佢屋企,我有工作人員住喺佢附近,求其影個門口就話過夜。」

工作無阻拍拖 放大圖片
Baby與黃曉明戀情浮面,日前更情侶檔拍 MV。資料圖片

Baby與黃曉明戀情浮面,日前更情侶檔拍 MV。資料圖片

對於早前拍攝黃曉明新歌《受不了》 MV,會否效法師姐熊黛林與城城般拍 MV撻着, Baby說:「佢哋有撻着咩?個 MV好 fashion,公司有期咪去拍,入面唔係太親熱。」她與黃曉明同是上海人,會否同聲同氣,她說:「好多人都係上海人,我同爹哋都好同聲同氣,總之係朋友關係。」問到大家單身有否發展機會時, Baby說:「唔知,大家都係單身,不過唔知以後事,答唔到你。」 Baby又否認工作忙會阻礙發展,她說:「冇呀,唔知點睇,如果拍拖,有冇時間都唔關事,呢一刻大家都會以工作為主。」問到她會否怕輿論壓力,她說:「唔會將輿論放喺心度,會做番自己,男朋友條件會保密,就算拍拖都唔會公開,保持低調。」採訪: Jessica Ngan 攝影: Dicky Chan


Baby昨日穿起阿根廷球衣宣傳世界盃,揚言會陪爹哋睇波做乖女。

Baby認拉低衫會曉明

Angelababy(楊穎)被拍得與緋聞男友黃曉明在北京睇戲度春宵,昨日她出席活動時例牌否認拍拖,但被再三追問兩人的關係時又多次口窒,欲蓋彌彰!

昨日Angelababy出席adidas世界盃活動,穿上大會特別設計的球衣連身裙,被指谷胸冧黃曉明的她,身材更見玲瓏浮凸。對於被拍得在北京夜會黃曉明?Baby有備而來:「睇戲好普通,冇乜大不了。(你上去佢屋企?)嗰度唔係屋企,好多工作人員都住嗰度。(谷胸約會?)誤會囉!我唔小心拉低咗件衫!」她表示從未與黃曉明單獨約會,強調為對方拍MV才混熟。記者笑問可會像郭富城與熊黛林般拍MV撻着?她即說:「佢哋有撻着咩?多個朋友啫!係佢(黃曉明)公司搵我公司,有時間咪拍囉!」



問到如何形容二人關係?Baby突然變臉,害羞口窒窒說:「幾Friend囉!(有冇發展可能?)唔知點答。(你哋兩個都單身?)都係,但將來嘅嘢冇人知。」問到黃曉明是否她喜歡的類型?她說:「我鍾意爹哋嘅類型,因為佢有時間陪我睇世界盃。(曉明都可以?)佢太忙。(因為佢冇時間阻礙發展?)如果真係拍拖,有冇時間係唔關事。」



嘆被追訪似坐監

Baby表示不怕輿論壓力,講到明有心理準備因緋聞被追訪,但人前人後講「被追訪」的感受卻截然不同,同日她在微博留言,直指很多傳媒追訪,令她不再有私人生活,慨嘆生活像坐牢一樣。



現場所見,Baby戴着一枚心形戒指,她即此地無銀地說:「自己買o架!」而其經理人Kim認為看戲只屬普通事。黃曉明的經理人則說:「當時自己不在場,不能代曉明回應,但過幾天他會去香港,讓他自己回應!」

名人組
Angelababy遭撞破與黃曉明拍拖,但對緋聞堅持「講啲唔講啲」。
Angelababy遭撞破與黃曉明拍拖,但對緋聞堅持「講啲唔講啲」。

arrow
arrow
    全站熱搜

    stacylife 發表在 痞客邦 留言(0) 人氣()