「警鐘胸」Jessica C.昨日與林峯行騷，大晒逼爆身材的Jessica令林峯全程目不斜視。今年加入寫真集戰團的Jessica自認open冇底線，坦言現時拍寫真集個個騷胸，似一場賭注，為了增加爭勝本錢，她大爆已拍了全裸照片，務求稱霸寫真集市場！
Jessica的「警鐘胸」必成為焦點。
Jessica昨日首次夥拍林峯為千色Citistore行時裝騷，同場的HotCha、o靚模DaDa Lo、蔡穎恩及「陽光妹」何思諺（Leanne）等亦示範新裝。Jessica以一襲碎花Deep V裙示人，大晒警鐘胸的她除了成為全場焦點，更令拍檔林峯目不斜視。
唔畀男友過目
忙拍寫真集的Jessica透露，早前已拍了全裸照片：「以前我會好怕醜，依家我覺得做乜都會有原因有需要先做，呢本係第一本寫真，希望唔係最後一本。」但她為保神秘感，不肯透露寫真集的詳細內容，只說：「總之好hot（火辣），從未試過咁sexy！我好open冇底線，希望多啲人買。依家個個都騷胸，好似一個賭注咁。（係咪視周秀娜或Angelababy做對手？）我冇諗，大家角度唔同，周秀娜好hot，Baby好靚，我祝大家好運，我會努力。」
Jessica低胸上陣好「峰」景，林峯為免惹人誤會，惟有全程目不斜視。
Leanne自嘲冇胸，故寫真集「留前鬥後」，僅露背迎戰。
Jessica又稱為給男友驚喜，未給對方看過照片。下月她有兩星期假期，會到芝加哥與家人相聚。Jessica的經理人透過電話回應，只肯透露Jessica拍全裸照時，會用飾物放在身上。
DaDa雖然密實行騷，但青春搭夠。
蔡穎恩為免與Jessica「相形見絀」，僅晒長腿行騷。
林峯邀拍MV
另外，首次和Jessica合作的林峯，被問覺不覺對方好身材時，他說：「我冇細心觀察。（佢出寫真會捧場？）睇佢係咪送畀我。（揀女友要有身材？）每個男仔都希望以此為目標，但我要兩個人夾，因為我唔鍾意解釋。」他續說現籌備新碟，笑言或會邀請Jessica拍MV。
同場的「陽光妹」Leanne則自嘲冇胸故密實行騷：「有人話我上圍係31或32AAA，其實我得一個A，係32A！我本寫真會露背，前面冇（胸），後面係一塊板，用嚟撼Jessica。」
留言列表
{{ article.title }}
