娛樂八掛大放送★

有「荷李活攝石人」之稱嘅華裔女星白靈為人豪放，近日佢去咗台北宣傳電影《拍賣春天》，前日喺台北晶華酒店房接受訪問，自爆性經。現年 49歲嘅白靈話自己先後識過 88個男朋友，佢自爆曾劈腿、玩一夜情，至於男友之中有白人、黑人同東方人。白靈仲話自己曾試過喺浪花同埋太陽下享受性愛，佢話：「做愛到高潮彷彿到天堂，給了我營養！」白靈曾被撞破劈腿，佢話：「曾經有兩個男友在聚會上碰到，我趕緊帶着一位迴避。」白靈又自揭鍾意喺酒店房全裸，佢話：「很輕鬆自由。其實我是個害羞小女孩，男友還說我『嘩，你怎麼這麼含蓄，要關燈』。」

妖后裝台灣仔 放大圖片

行為騎呢嘅白靈舊年離奇搭上米奇洛基。

就算身在台灣，白靈都把握機會仔，佢接受訪問當日凌晨，就被發現與同片演員、台灣資深藝人蔣黎麗嘅 21歲兒子林威利蒲夜店，佢一身妖后裝出巡，對於被揭姊弟戀，白靈話：「我們是一般朋友，我不希望他出現在我生命中。」白靈舊年更搭上金球獎影帝米奇洛基（ Mickey Rourke），被指喺派對上親熱狂歡。


現年 49歲嘅白靈，前日凌晨喺台灣同台灣資深藝人蔣黎麗嘅 21歲兒子林威利結伴蒲夜店。