前女友 Monica 拖新仔　岳少林建岳新寵曝光 Michelle 林寶賢忽然1周 771期 @ 娛樂八掛大放送★

29歲鈴木仁前助手 Michelle
2010年 25/2︰東亞春茗前後腳現身
今年 2月 25日，東亞娛樂喺尖沙嘴洲際酒店筵開 29席搞春茗，老闆岳少到場後不久，新女友 Michelle亦秘密進場。"
封面故事
前女友 Monica拖新仔　岳少新寵曝光
2010年05月07日
坐擁過百億身家的麗新發展主席、寰亞集團老闆林建岳多年來緋聞不絕，直至 01年同台灣模特兒 Monica（陳浥萍）生了愛女林利兒（ Lyann）後，才鮮有緋聞。可惜兩人感情由濃轉淡， Monica上周被影到與台灣設計師李永麟在基隆公然拖手，本周三（ 5日）岳少和 Monica隨即回應，承認雙方早在兩年前已分手。
據知岳少兩年前與 Monica分手後，便與鈴木仁前女助手林寶賢（ Michelle）交往，現年 29歲的 Michelle做過兼職模特兒， 07年因在徐淑敏老公黃浩（ Kenny）開設的 Club Qube任經理而認識岳少，岳少隨即展開追求。 08年 5月，本刊更獨家影到兩人到泰國拜白龍王，關係親密。不過兩人拍拖相當低調，今年 2月岳少旗下的東亞娛樂舉行春茗， Michelle亦有現身撐場，但一見本刊記者鏡頭即閃，相當避忌。
岳少自 01年跟台灣模特兒 Monica（陳浥萍）誕下愛女利兒（ Lyann）後，感情相當穩定。 05年 2月岳少父親林百欣過身時， Monica更名正言順出席喪禮，正印女友身份得到肯定，之後不少公開場合，岳少都帶 Monica出席。

見鏡頭即閃
Michelle這晚盛裝出席，但一見本刊記者舉機拍照，她顯得驚惶失措，立即閃避鏡頭走入 VIP房，並通知保鑣向記者查問。

岳少為愛女隱瞞分手
可是兩人的感情隨住時間而轉淡，岳少日理萬機， Monica近年亦積極在港台兩邊開創自己事業，維繫兩人感情全靠今年 10歲的女兒 Lyann。上周六（ 1日） Monica被影到在台灣基隆與中年設計師李永麟當街拖手，報道更指兩人已拍拖半年。報道出街後，岳少與 Monica即於本周三（ 5日）透過岳少旗下公司公開回應兩人已分手：「其實我們在兩年前已達成正式協議結束我們之間的關係（但保持我們互相作父母的責任），我們不公開我們關係之結束也是為了保護小朋友，希望小朋友得到健康快樂的成長。」
回應中更指 Monica在兩年前已搬回台灣居住，女兒 Lyann則留港繼續學業， Monica不時會盡母親責任回港探望女兒。據知情人士透露：「岳少同 Monica雖然分咗手，但大時大節佢哋都盡量同個女一齊過。岳少好錫 Lyann，平時點忙都會成日探個女，而佢對 Monica都好有情有義，到依家仲好支持佢開舖創業。」而岳少與 Monica分手不久便有新目標。

前女友 Monica︰我同岳少都有新歡， Yeah！（設計對白）

5月 4日
Monica拖仔報道出街

5月 5日
岳少 Monica回應已分手

曾做鈴木仁助手
未識岳少前， Michelle在徐淑敏老公 Kenny開的娛樂公司任職助手，經常陪鈴木仁出席活動，更曾被誤會是鈴木仁新女。

新女曾做模特兒
本刊早於 08年已收到消息，指岳少交了新女友，新女友是現年 29歲的 Michelle（林寶賢）。據知，林寶賢在全女校培道中學畢業，曾到日本留學，返港後憑住 5呎 8吋高䠷身形和不俗外貌加入模特兒行列。由於 Michelle說得一口流利日語， 07年在朋友介紹下認識徐淑敏老公黃浩（ Kenny），之後便在他開設的經理人公司當鈴木仁助手，因而認識不少圈中人。
據知情人士透露：「 Michelle除咗負責帶鈴木仁，仲去咗 Kenny 07年開嗰間 Club Qube酒吧做經理。有次岳少去 Qube幫襯，識咗 Michelle後就開始狂追，高薪力邀佢過檔自己旗下公司任職。最初 Michelle好驚，唔係咁接受！仲不停避林生㖭！」林建岳見 Michelle處處迴避，決定打埋身戰。知情人士說：「有次（ 08年 5月）林生知 Michelle想同媽咪去泰國清邁，於是特登去機場等 Michelle，話自己都要去泰國拜白龍王，邀請佢同媽咪上佢私人飛機一齊去泰國。岳少咁有誠意， Michelle又唔知點推，於是就跟咗岳少去拜白龍王。」

08年 25/5
齊齊見白龍王

08年 5月 25日，本刊獨家拍得岳少與 Michelle同拜白龍王。由於白龍王廟耳目眾多，岳少跟 Michelle刻意分別乘坐兩部 7人車到場。

拜神當日晚上 7時許，一行人到意大利餐廳「 COFFEE BEANS BY DAO」晚餐。這間餐廳甚少港人幫襯，岳少和 Michelle終放下防線，除面對面對住坐外，還有講有笑，其間 Michelle不時對住岳少冧笑。

廟內扮唔識
兩人在廟內刻意各據一方，岳少掛住煲雪茄， Michelle（白圈）就跟女友人傾偈，一於扮唔識。

08年 24/5
飯後保持距離︰拜白龍王前一日（ 5月 24日）中午，岳少與 Michelle剛抵泰國，兩人與其他友人由下榻酒店到達「 Ta-Ling Pling Thai Cuisine」泰國餐廳午餐，離開時岳少刻意跟 Michelle保持距離，一個箭步行先。

奔跑上車
Michelle步出餐廳後，為免要已上車的岳少久等，她即時跑住上車。

當晚 7時許，岳少和 Michelle等人到中國餐館「建興酒樓」晚飯，在包房內 Michelle終於能與岳少同坐，不過離開時 Michelle刻意行先一步。

豪住 spa cottage

岳少與 Michelle在泰國入住的 SPA COTTAGE，附屬於 Grand Hyatt Erawan Bangkok，矜貴在只得 6間獨立 cottage（小屋），每間有自己的小陽台、 spa房和蒸氣房，走出門外就是私人泳池，最啱情侶過二人世界。房租每晚約 28,000泰銖（折約港幣 7,000）。
低調拍拖
08年 5月 24日及 25日，本刊就全程獨家影到 Michelle同岳少到泰國拜白龍王，當時兩人為避記者耳目，刻意入住 Grand Hyatt酒店內隱蔽的 Spa Cottage小屋。 24日中午約 12時半，岳少同 Michelle一行人，由下榻酒店到達市中心的「 Ta-Ling Pling Thai Cuisine」泰國餐廳午餐，離開時岳少刻意跟 Michelle保持距離，兩人一先一後上車。
之後岳少單拖去 Siam Paragon商場 shopping。晚上岳少和 Michelle一行人再到唐人街附近的著名中國餐館「建興酒樓」晚飯，由於安排了貴賓房，兩人才放下戒備一齊坐。
翌日晨早 7時許，岳少與 Michelle分別乘坐兩部七人車到達白龍王廟，由於廟內信眾甚多，兩人在廟內顯得相當避忌，完全零交流。不過二人晚上到意大利餐廳「 Coffee Beans by DAO」食飯時就有講有笑，非常愉快。
知情人士說：「自從嗰次泰國之旅後， Michelle態度軟化咗，但佢一時間都唔知開唔開始好，所以索性辭咗食肆經理份工，避開岳少冷靜吓。不過岳少冇放棄，最後終於打動到 Michelle。」
為了保護女兒成長而隱瞞與前女友分手事實，岳少每次與 Michelle拍拖都相當低調，今年 2月就有目擊者見岳少和 Michelle前後腳到機場戲院 MCL睇《阿凡達》，完場後 Michelle才在岳少保鑣護送下跳上岳少座駕一同離去。今年東亞娛樂春茗， Michelle又與岳少前後腳到場，但一見本刊記者拍照即時彈開，又搵保鑣擋駕，相當小心。

再見亦是朋友
雖然岳少與 Monica已分手兩年，但大時大節兩人都會見面。去年除夕夜， Monica便到中環中國會與岳少一齊倒數迎接 2010年。

Monica經常港台兩邊走，女兒 Lyann則留港讀書，岳少甚為痛錫 Lyann，一有時間就帶佢出去玩。

升呢開潮店

謝玲玲與林建岳結婚不久即誕下大仔林孝賢，兩人共育有兩子三女。雖然 95年因王祖賢的介入離婚收場，但謝玲玲在林家的好新抱地位始終不變。

雖然二人不願公開戀情，但 Michelle榮升岳少女友後，除了經常陪岳少周圍飛，做跟得女友外，更升呢做老闆娘。 08年 12月她便在銅鑼灣駱克道開設日本涉谷 109少女潮服「 Maison Gilfy」專門店，更不時搵東亞旗下的衛蘭和 Janice Man做生招牌。不過本刊連日來在其銅鑼灣店守候，身為老闆娘的 Michelle卻未有在舖頭出現。有岳少撐腰的她，看來開舖只是玩票性質。
新歡舊愛有嘢揸手

對女友出名闊綽的林建岳，一直鍾情高妹，她的舊愛 Monica及新歡 Michelle均屬模特兒出身，不過追隨岳少 11年的 Monica，所得明顯比 Michelle多。
facebook晒富貴生活
Michelle成為岳少新女後，生活模式唔同晒。本刊在其 facebook內發現 Michelle經常去旅行，又上載多張歐洲及日本旅行的照片，生活富泰。

歐遊行 LV
去歐洲當然唔少得去 LV朝聖， Michelle同其他香港女仔冇分別，經過 LV門口都要影相。

坐遊艇觀光
據知岳少在世界各地都擁有私人遊艇， Michelle歐遊亦有坐船觀光，而在其 facebook內亦有唔少朋友留言話佢生活咁歎好羨慕！

秘密場地整蛋糕
唔使做得閒走去焗蛋糕， Michelle在 facebook內以日文與朋友溝通，朋友問佢喺邊度整蛋糕，佢就話場地係秘密唔講得，唔知係咪整俾岳少食呢？

銅鑼灣開日本潮店
Michelle於銅鑼灣駱克道開的 Maison Gilfy，是涉谷 109中堅品牌，由日本潮模土屋安娜任代言人，是日本少女熱着品牌。 08年 12月 Maison Gilfy空降香港，引來香港潮流雜誌蜂湧訪問，深受本地崇日潮女歡迎。

岳少為支持女友潮服生意，經常鼓勵藝人如衛蘭、衛詩及 Janice Man着 Maison Gilfy潮服出鏡。早前 Maison Gilfy慶祝香港店成立一周年，亦由衛蘭孖住 Janice Man影廣告相。

根據商業登記資料顯示， Maison Gilfy香港店的老闆正是岳少新女林寶賢（ Michelle）。

林建岳新寵曝光爲愛女隱瞞與前女友分手

林建岳與台灣模特兒生女分手後，便與鈴木仁前女助手Michelle交往
坐擁百億身家的香港娛樂大亨、麗新發展主席及寰亞集團老板林建岳多年來绯聞不絕，直至01年同台灣模特兒陳浥萍(Monica)生了愛女林利兒後才鮮有绯聞。可惜兩人感情由濃轉淡，陳浥萍上周被拍到與台灣設計師李永麟公然拖手，4月5日林建嶽和陳浥萍隨即回應，承認雙方早在兩年前分手。

據知林建岳兩年前與陳浥萍分手後，便與鈴木仁前女助手林寶賢(Michelle)交往，現年29歲的林寶賢做過兼職模特兒，07年因在徐淑敏老公黃浩開設的Club Qube任經理而認識林建嶽，林建岳隨即展開苦苦追求。08年5月記者曾拍到兩人到泰國拜白龍王，關系親密。不過兩人拍拖相當低調，今年2月林建岳旗下的東亞娛樂舉行春茗，林寶賢也有現身撐場，但一見到記者鏡頭即閃，相當避忌。