翻版安志杰上月 21日, Rain揸車到連鎖汽車美容店,身為高層的 Thomas即出來招呼她,兩人言談甚歡。男方身高 5呎 9,身形健碩,甚有安志杰影子。 

 

忽然1周 (961期)棄闊少 趕住嫁 盛女李彩華轉冧打工仔 

娛樂喧

棄闊少趕住嫁 盛女李彩華轉冧打工仔

轉戰大陸狂搵半億人仔的李彩華( Rain),近年事業得意,身邊亦不乏富二代追求,可惜都是冇米粥。多次出擊未有成果,剛屆三十的李彩華亦開始心急。據知經過多番遴選,最後獲得小富婆芳心的,反而是一名出身小康之家的打工仔。

Rain的新歡叫 Thomas,是日本連鎖汽車美容公司高層,年薪過百萬,人工雖然比半億身家的 Rain少,但據知他為人踏實之餘,亦風趣幽默。早前,本刊便拍得男方做埋「柴可夫」,駕着 Rain的 Mini Cooper送她出席朋友聚會,看來兩人情非泛泛。

 


Rain早前在微博大晒婚照,雖然只是劇集造型,但恨嫁心情,溢於言表。 

Rain北上發展多年,密密搵人仔,剛滿三十歲的 Rain已坐擁半億身家,在內地愈來愈紅,近期劇集價更漲到三十萬人仔一集,比 TVB當家花旦胡杏兒內地劇酬每集廿萬更高。有錢有樣,近年 Rain身邊富二代車輪轉,稱得上是黃金盛女。
不過,年紀小小已出來跑江湖的 Rain,曾經歷代父還債、解約風波,思想其實成熟得很,與一般溫室長大的富二代思想模式甚有距離,難怪與富二代男友萬思維最終分手收場。

拍拖三個月

據知,恨嫁的 Rain早前在朋友宴會中認識現在新歡 Thomas,對他刮目相看。「佢三個月前喺 party識咗 Thomas。個男仔大約 35歲,係日本連鎖汽車美容公司 Kee Pre嘅高層,年薪過百萬。 Thomas第一次見 Rain已好嗒糖,把口好得,𠱁到 Rain好開心,之後咪開始拍拖。 Rain雖然都希望追求者有番咁上下家底,但最重要都係專一。佢都讚 Thomas成熟,同一般富二代好唔同。」知情者說。
上月 21日黃昏,本刊發現 Rain駕駛 Mini Cooper到灣仔 Kee Pre的分店。當日她手拎 CÉ LINE手袋,更戴上價值 80萬的鑽勞,十分 sharp醒。落車後, Rain已經與 Thomas雞啄唔斷,其他人亦非常「識做」行開,俾兩人獨處。
等候修車期間, Rain與 Thomas到附近的食店醫肚,兩人並肩而坐。看見 Rain飲汽水, Thomas更提示 Rain要注意卡路里,十分細心。之後 Thomas充當「柴可夫」,駕駛 Rain的車送她去銅鑼灣利園中心,出席朋友的飯局,然後再返公司繼續上班。


嘆茶撐枱腳隨後兩人到了附近食肆嘆下午茶, Rain飲汽水, Thomas即出聲提醒她要注意卡路里。 Rain當日手戴 80萬勞力士,仲揸住個價值 2萬元的 CÉ LINE手袋,嘆茶撐枱腳。 

男友開路食飽攞車時, Thomas一馬當先, Rain跟在 Thomas身後,甚有情侶 feel。 

柴可夫接送Rain約了朋友飯局, Thomas為 Rain做司機,揸住 Rain的 Mini Cooper送她去銅鑼灣。 

唔捨得走Thomas為 Rain做司機, Rain就送 Thomas走。兩人臨尾都在街頭傾多五分鐘至肯分手,依依不捨。 

讚新歡人品


在內地劇集《五台山抗日傳奇之女兵排》, Rain與張衞健、惠英紅合作,齊齊掘金。 

本刊致電 Rain,她直認恨嫁,但對新戀情卻低調。「係想結婚,但都要慢慢搵。(同 Thomas發展中?)佢係好熱情,其實係趙小姐(前寰宇老闆娘趙雪英)介紹識,趙小姐知道我好緊張架車,介紹我去 Thomas間公司試吓。(係咪拍拖?)佢份人好好,好有風度。第一次見咋,發展都要時間啦。」不過 Rain好友趙雪英就漏口風,踢爆兩人一早認識:「佢哋前幾個月喺 party識,仲鬼咁好傾,大家俾啲空間佢哋啦!」兩個口供不一致,不過有趙雪英做紅娘,呢段姻緣走唔甩啦。

打工新歡百萬年薪

阿 Rain的身邊追求者,多是富家子弟,雖然新歡 Thomas係打工仔,但年約 35歲的 Thomas在 Kee Pre汽車美容任高層,年薪過百萬。
Kee Pre是日本著名連鎖店,早幾年進駐香港市場,業務以 Coating為主,現時在灣仔、葵涌及大角嘴都有分店。據知 Thomas由日本總公司派來香港,因總公司有意北上發展, Thomas更要負責開拓內地市場,反映他甚被器重。兩人同樣主打內地市場,難怪要密密傾。

娛圈多盛女

事業與愛情從來都難以兼得,圈中小富婆不少至今仍是單身。這班盛女有美貌又富貴,難怪要左揀右揀。

 

34歲胡杏兒樓盤小天后
去年與黃宗澤分手後,一年內接拍三部內地電視劇,更行「拍一劇買一層樓」的理財觀念。現時她手持四個單位,全部用作收租用途,故有「樓盤小天后」之稱。

 

38歲佘詩曼七千萬物業
11年離開 TVB北上發展,翌年拍了兩套內地劇、廣告及登台,現時手持三個物業已值七千萬。今年阿佘以休息為主,明年一月返無綫拍《使徒行傳》。

 

44歲張可頤年賺千萬
近年轉攻內地劇,曾拍《陸貞傳奇》、《大漠謠》及《妙音娘子》,年賺千萬。去年張可頤離開無綫加入港視。


撰文:娛樂組 
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()