Beauty Hunt

巨聲星夢 陳慧敏

《超級巨聲》捧紅咗林欣彤同許廷鏗,同為《巨聲》 2幫嘅陳慧敏( Vivian),雖無緣三甲,但星夢未完,等足 3年終等到 Paco發掘。
其實《巨聲》完後, Vivian回澳門完成大學最後一年課程,其間創作一首《始終》獲得《第十屆澳廣視至愛新聽力》至愛金曲獎,更贏了黃柏高太陽娛樂唱片公司一份合約。守得雲開, Vivian說:「希望喺 2015年可以寫到 100首歌!」

 

參加《巨聲 2》前, Vivian參加澳門廣播電視有限公司舉辦的《 Sing擂台》奪得亞軍,《巨聲》無緣三甲, Vivian曾經都有迷失,她說:「當時發覺《巨聲 2》個平台原來咁大,冇諗過唱吓歌都會俾人評論,嗰時真係接受唔到,因為好多評論都有攻擊性,當時自己好唔開心、好迷失,咁啱睇咗卓韻芝本《你的心不是公廁》,清楚明白自己唔應該咁易受到影響,應該將唔好嘅評論變成推動力,所以決定將來一定要做歌手。」


Vivian於 10年參加《超級巨聲 2》,成功晉升最後 10強,一曲〈歲月的童話〉更奪得《我最喜愛巨聲金曲》第 3名。 


Vivian成為今年樂壇新人推出個人 EP《陳慧敏》,在 MV拍攝期間,先發覺原來自己對做戲都有興趣,最近仲報讀演藝課程增值自己。

想寫 100首歌

完成比賽之後, Vivian返回澳門完成大學最後一年課程,之後被太陽娛樂唱片公司簽為歌手,成為今年樂壇新人,她說:「最後一年大學,我做咗一個關於澳門原創音樂文化嘅研究,接觸咗好多音樂人,大家一拍即合,佢哋好鼓勵我多啲創作,最後成功作咗首歌〈始終〉,仲有唔錯嘅成績,攞咗《第十屆澳廣視至愛新聽力》至愛歌曲金獎。全靠呢首歌,先得到太陽娛樂賞識,再次返香港成為歌手。」苦等三年, Vivian終於推出個人唱片,「好多謝 Paco畀個機會令我實現夢想,所以未來我都會以唱歌、寫歌、創作為主,希望喺 2015年可以寫到 100首歌!」




Vivian參加《超級巨聲 2》期間,與林欣彤感情最好,當隻身來香港參賽時, Mag更不惜分享媽媽的愛心湯水。 

本月 Vivian拍住小肥等一眾澳門幫歌手,擔任「第 56屆亞太影展」的表演嘉賓。 

Profile

Name:陳慧敏 Vivian
年齡: 24歲
身高: 156cm
facebook專頁: Vivian Chan陳慧敏(粉絲人數 3440人)
Weibo: vivian_陳慧敏(粉絲人數 86242人)
Instagram: CHAN_WAI_MAN(粉絲人數 17,000人)


撰文、採訪:張志威
攝影:范仲良
化妝: Cyrus Lee
髮型: VINCE Pang@IL Colpo Platinum TST
形象: Bryan@the Flaming
服裝: snidel

arrow
arrow
    全站熱搜

    tvb4life 發表在 痞客邦 留言(0) 人氣()