人妻偷歡 陳煒私會中坑 睇三級片
去年簽約做無綫人的陳煒，多次傳出同從事光管生意的老公顏志行，因長期聚少離多，令婚姻出現問題，但煒哥每次都極力否認。
暫時未有新工作在身的煒哥，早前獨自到尖沙咀圓方行超市、買減價披肩，睇落好寂寞，實質好戲在後頭，原來煒哥約了一位年約五十出頭的中佬睇三級片《性人君子》，當發現記者，原本對住中佬甜笑的煒哥，即時嬲到彈開兼黑面。
掃減價貨
剛拍完新劇《廉政行動 2014》的煒哥，最快要到十一月先有新劇開，難得有假期，加上老公經常要出埠傾生意，煒哥居然唔做跟得夫人，獨自留港休息。
早前記者發現煒哥薄施脂粉到尖沙咀圓方行街，首站去超市兜圈再兜圈，最後買包糖便埋單走人。之後煒哥轉戰 Zara，尾站於 H&M減價貨有收穫，買入平價披肩。
慳家陳煒鍾情減價披肩，望兩眼便埋單俾錢，買下一條披肩。 
發現有人影相，陳煒收起笑容，與中佬一起背向鏡頭。 
○八年下嫁做光管生意的台灣商人顏志行，兩人經常聚少離多，對上一次孖住出席公開活動，已是去年五月的仁濟醫院周年慈善晚會。
淡定解畫
買到心頭好，煒哥往商場上層戲院方向進發，其間她突然三百六十度自轉四圍望，然後才步入戲院，站在隱蔽位置打電話。
十五分鐘後，一名身穿恤衫、西褲，年約五十歲的中佬急步走入戲院，之後走埋煒哥身邊。記者上前拍照，原本對住中佬甜笑的煒哥，極速彈開兼黑面，中佬表情亦大為尷尬，但兩人仍照原定計劃，入場睇下午五時十分播映的三級片《性人君子》。
對於同新歡睇三級片，煒哥事後淡定回應：「梗係唔係啦，係普通朋友！（點解咁緊張彈開？）見到你哋，仲唔彈開咩！」
煒哥對新歡一事見招拆招，但當提到同老公顏志行的關係，煒哥語氣頓時變得好冷淡，「（你同老公感情係咪出現問題？）冇冇冇，冇咁嘅問題。（成日都見唔到面？）冇問題吖，都係咁，我哋自然有自己嘅溝通方式……有自己維繫方法啦！」陳煒晦氣回應說。
同人唔同命
擔正無期，陳煒在無綫不時被委派拋胸露肉，去年歡樂滿東華跳印度舞，肉光四射。 
萬綺雯在無綫套套劇擔正，同郭晉安合演的《老表，你好嘢！》，收視理想。 
做極都係三線頭的陳煒，在《法網狙擊》中，更要著泳衣同郭政鴻肉搏。 
下月四十歲的陳煒 keep住一副好身材，早前揮低肥苟（苟芸慧），取代做纖體公司代言人。 
撰文、攝影：娛樂組
留言列表
{{ article.title }}
