踢拖來港週一中午,始源飛抵香港。現場所見,始源竟然踢住拖出機場,原來上週六 Super Junior喺泰國曼谷舉行「 SUPERSHOW 5」演唱會,所以始源亦以呢身泰國 look上飛機。而據知,佢身穿嘅 Polo Ralph Lauran外套係 3年前香港粉絲送贈,始源好長情啫! 

真面目

秘密武器 搶城城戲  SJ始源空降《寒戰 2》

去年勁收 4千 2百萬的《寒戰》,票房掂亦在《金像獎》攞足 9個獎,電影公司隨即宣布開拍第二集。
《寒戰》跑出梁家輝、彭于晏等人,新導演梁樂民、陸劍青早前更表示要狂加食白果的郭富城戲分,谷佢攞影帝咁話。除了早前傳出周潤發將加盟《寒戰 2》外,本刊收到可靠消息,韓國男天團 Super Junior最靚仔成員崔始源將空降《寒》片,同郭富城爭戲,分分鐘搶晒城城鏡。

 


咪阻我做影帝喎!設計對白 

週一( 5日)中午,剛於泰國開完騷的 Super Junior成員始源以殘樣抵港。據知咁匆忙,正是來港跟電影《寒戰 2》的監製及導演見面。

2百萬拍港產片

曬到一身古銅膚色,再加埋踢拖超隨意打扮的始源獲大批 fans接機,隨即乘坐保母車到位於觀塘工業區的星煥藍海製作公司,一直逗留至傍晚。據知始源此行主要跟《寒戰 2》導演梁樂民及陸劍青等見面,及為《寒戰 2》拍幾個鏡頭,年尾再來港才正式埋位。知情人士說:「《寒戰》做過韓國釜山電影節開幕電影,當時反應好好,加上攞咗咁多獎,導演好有信心,決定開第二集,今次仲搵埋喺韓國以至全亞洲都有唔少粉絲的始源加入,順勢打埋入韓國市場!」
據了解, 26歲始源一向喜歡香港,加上電影公司只用約 2百萬港幣邀他拍攝,比起香港天王級片酬,簡直抵用,而能跟多位影帝級人馬合作,始源亦一口答應。由於始源於台灣發展過,略懂國語及廣東話,英文更非常流利,所以電影公司絕對放心找始源演港產片,而始源的戲分更不比大佢 21年的郭富城少,城城想憑《寒戰 2》封帝,恐怕唔係咁易。


親民揮手去到位於觀塘的電影公司,始源已除低太陽眼鏡,仲同等候佢嘅粉絲及記者揮手,同佢以往來港開騷或出席品牌活動一樣咁親民。 

上週六 Super Junior喺泰國曼谷開騷,始源(中)亦染咗一頭金髮,以新形象出現,冧爆東南亞粉絲。 

狂擸大獎《寒戰》喺去年香港電影金像獎一共攞到 9個獎項,不過惟獨阿城冇獎,難怪佢當晚面燶燶。 

拍過影帝始源早喺 2006年,由張之亮導演的《墨攻》同劉德華合作過。當年華仔更大讚始源工作態度良好,任勞任怨咁話。今次喺《寒戰 2》,始源大有機會再同劉華做對手戲。 

發哥入戰?

將於今年尾正式開拍的《寒戰 2》,除加入 26歲型男始源之外,原來導演梁樂民和陸劍青正邀請周潤發加入,發嫂亦曾漏口風說:「睇咗劇本再講啦!其實只要係好劇本,港片又好、合拍戲或者美國片都冇所謂,今年發哥都有幾部戲傾緊。」
本刊亦曾向寰亞電影求證《寒戰 2》是否落實邀請始源及周潤發助陣,但至截稿前仍未回覆。


上年《寒戰》中,影帝梁家輝搶晒鏡,今集若真的加入發哥,仲有已扑鎚的始源,城城又要面對大威脅。 

周潤發現為王晶新戲《賭城風雲》開工,拍住霆鋒和杜汶澤,唔知發哥又有冇佢哋咁好笑呢? 

採訪、撰文:娛樂組
攝影:賴穎雋 

arrow
arrow
    全站熱搜

    tvb4life 發表在 痞客邦 留言(0) 人氣()