06年成為「優才」的周迅，已可以自由出入香港，更可在港定居。
依家我至係正印！（設計對白）
當我死㗎！（設計對白）
打頭陣
周迅出招搶霆鋒 栢芝搵仔做籌碼反擊
本周二， 32歲的謝霆鋒被爆與 38歲的大陸天后周迅秘戀，更齊齊租住金鐘栢舍，近水樓台。雖然事後雙方的經理人均出面否認，但因為唔夾口供，令戀情露餡。本刊收到消息，兩人原來已暗交兩年。今年初，霆鋒更試過偕周迅及其兄弟班，在銅鑼灣 studio的 band房玩天光。
其實 11年，霆鋒與周迅在北京睇 band騷重遇，旋即撻着。霆鋒與栢芝分居後，便搬到周迅樓下，方便私會。而周迅為免霆鋒與栢芝翻撻，近年更長駐香港睇實男友。而一心諗住破鏡重圓的栢芝，得悉霆鋒與周迅暗交後，立即發功反擊，舉家遠赴加拿大，以兩子作籌碼，與謝家斷絕關係，打壓「迅鋒戀」。
「迅鋒戀」爆出後，霆鋒夜搬寶雲道，企圖淡化緋聞。而雙方的經理人亦齊齊擋駕。霆鋒經理人霍汶希說︰「霆鋒仲係單身，佢哋（同周迅）只係住同一棟樓。」而周迅工作室楊小姐則謂︰「報道中寫的是霆鋒公司地址，當日霆鋒聽說周迅來拍雜誌，就打個招呼而已。」明顯口供唔夾。
其實為免牽動栢芝的神經，霆鋒與周迅的交往一直甚為低調，除了齊租私隱度勁高的栢舍，樓上樓下一家親外，他們亦只會在私竇約會，以免戀情曝光。「霆鋒同周迅好夾，佢哋都係性情中人。霆鋒不時約埋成班 rock友，喺佢 studio嘅 band房開 P，周迅都有嚟，霆鋒彈結他，周迅就唱歌，佢哋玩到好癲，有時 jam歌吹水到天光㖭。有次仲見到周迅做司機車埋霆鋒一齊嚟，大家都知咩事啦。」知情者說。
記者會搶風頭
本周二（ 30日），謝霆鋒以師兄身份出現張敬軒加盟英皇記者會，但事先說明不接受訪問，但一樣成為傳媒焦點，搶盡軒仔風頭。
霆鋒於記者會後，隨即返回寶雲道寓所，企圖淡化他和周迅的緋聞。
私竇玩天光
近半年，霆鋒多次偕周迅在銅鑼灣的朝霆 studio幽會，該 studio是他的命根， 11年由禮頓道喬遷至開平道現址時曾搞記招慶祝。
戴口罩出入
上月 23日，與霆鋒住樓上樓下的周迅，被拍得出入金鐘栢舍。當時她刻意戴口罩，企圖掩人耳目。《蘋果日報》圖片
攜兩子赴加的栢芝，多次被影到帶仔游水。據知栢芝更放風，指有意在溫哥華為今年 6歲的 Lucas搵學校，落地生根。
凌晨撐枱腳
5月，霆鋒曾暗中搵人致電於尖沙嘴的 Wonderland Too訂位，打算於凌晨時分與周迅撐枱腳。
今年 5月，霆鋒暗中搵人幫他訂枱，與周迅撐枱腳。「 5月中，霆鋒搵咗個圈外朋友，打去尖沙嘴間 Wonderland Too， book凌晨 1點消夜兩位，更指定要坐偏僻座位，咁掩人耳目，證明佢哋真係好小心，唔想戀情曝光。」記者致電餐廳店員查詢，但他說「唔清楚」後便匆匆收線。
一向對愛情義無反顧的周迅，為保護與霆鋒的戀情，去年刻意將工作量減少，更以「醫皮膚病」為名，長期留港𥄫實男友。最近她更接了《竊聽風雲 3》，由影后降為做串星，亦是貪其在香港拍攝，可以與霆鋒增加見面時間。
據知，霆鋒婚前買給栢芝的舂坎角過億愛巢，兩人離婚前，栢芝曾提議對方將此物業留給兩個兒子，當時霆鋒亦冇反對。不過，有傳周迅不想霆鋒與栢芝仍有金錢上轇轕，曾力勸霆鋒出售該豪宅。早前，有關出售舊愛巢的消息傳到栢芝耳中，她嬲到即時打給霆鋒大興問罪。霆鋒見栢芝如此激動，亦暫時將賣樓一事擱置。
擱置賣舊愛巢
據地產公司消息，霆鋒的舂坎角今年初曾放售，但近日卻突然煞停。有地產經紀透露︰「今年初開始，霆鋒舂坎角個單位俾咗兩、三間相熟嘅地產放售。條鎖匙仲喺四哥（謝賢）度，四哥仲幫個仔開價億六，聽講曾有買家上去睇過。不過，之前有地產打俾四哥，佢突然躁爆話暫時唔放，叫啲地產經紀唔好煩佢喎！」
而栢芝帶兩子返加拿大後，更暗中命司機不時返舂坎角舊愛巢視察。本刊發現，栢芝雖然已搬離舊愛巢兩年，但她的愛車 Land Rover仍停泊在停車場內。有住客報料︰「呢幾日，都見栢芝架車出出入入。」
昔日的舂坎角億元愛巢，栢芝一心想留給兩個愛兒，所以堅持唔俾霆鋒賣樓， Quintus曾被拍下在露台與傭人追逐。
栢芝人在加國，不過仍不忘吩咐司機得閒就返舂坎角睇屋，順便宣示主權。本月記者發現栢芝的四驅車仍泊在舂坎角停車場內。
鋒芝雖然離咗婚，但早前栢芝仍會以兩子作籌碼，叫霆鋒一齊出來家庭樂。去年 9月，他們更被拍下一家到會所游水，即傳兩人復合。《蘋果日報》圖片
05年，張栢芝在周迅手上奪得金像影后，意氣風發的她，大概想不到日後她要拱手讓出霆鋒俾周迅。
放風博復合
栢芝今次攞個仔做籌碼，乃是釜底抽薪。其實謝家上下一直好緊張兩個慈姑椗，栢芝雖然與霆鋒離了婚，但靠着兒子的關係，經常一家親。而栢芝亦不時向外放風兩人復合，以趕絕飛來蜢。近日栢芝得悉霆鋒與周迅戀情，惟有以退為進打壓「迅鋒戀」。
「栢芝都知霆鋒一家好緊張兩個仔，佢之前不時話個仔想老竇陪，留霆鋒過夜，藉此望同前夫翻撻。不過霆鋒就唔領情，栢芝知今次帶走兩個仔，係想對方緊張吓，試探吓佢會唔會追過嚟加拿大。拉姑因為冇得見孫，嬲到紮紮跳，但霆鋒就完全唔就範，仲同記者講佢一早知道栢芝呢個決定。」知情人士說。
認識十三載
霆鋒與周迅 00年因為合作內地廣告認識，但因為當時兩人都心有所屬，周迅與藝人朴樹拍拖，而霆鋒亦與王菲熱戀，未有發展戀情。直至兩年前二人於北京睇地下搖滾騷重遇，霆鋒正值與栢芝婚姻亮紅燈，周迅當時不但已與「京城四少」王爍分手，更因前演員男友賈宏聲墮樓身亡情緒極度低落，才開始過從甚密。與周迅撻着之初，霆鋒趁空檔，便會上北京會佳人，兩人更愛到 band友雲集的後海飲酒談心。不過為避耳目，每次都會有其他人同行。
冧住 chok
11年，霆鋒初次奪得香港金像獎影帝。 chok住攞獎的他，冧到周迅笑到見牙唔見眼。
由於周迅關係，陳坤（左）與霆鋒亦變得老死，不過「迅鋒戀」爆出後，陳坤亦避嫌拒接傳媒電話。
周迅努力打入霆鋒朋友圈子，早前她去咗睇 Eason演唱會，更同 Eason來張親密合照。
冧掂霆鋒老死
祖兒出席 Yahoo頒獎禮時，談到「迅鋒戀」更漏口風話：「佢（霆鋒）鍾意國語北京腔，我都識周迅，近日都見過佢。」
「迅鋒戀」雖然冚得密，但紙卻包不住火，不少霆鋒好友亦知道戀情，而個性豪邁的周迅亦埋到霆鋒好友堆，這方面周迅絕對優勝栢芝。當年，霆鋒與栢芝熱戀時，栢芝的奪命追魂 call令霆鋒得失不少圈中好友，更一度令他與陳奕迅、馮德倫和梁漢文等好友疏遠。
反觀個性獨立的周迅，則深得霆鋒好友歡心。早前周迅更識做地拉大隊為霆鋒老死陳奕迅撐場。兩人更在後台親密合照，可見她的交際手腕。
周迅為搶霆鋒，寧願減產駐港，栢芝儘管有兩子在手，看來仍難力挽狂瀾。不過，栢芝以兩子做籌碼，最慘嗰個睇怕都係冇得見孫嘅拉姑同四哥啫。
霆鋒愛姐姐
16歲出道的謝霆鋒，多年來女友均是年紀大過他而愛音樂的烈女，新歡周迅亦大他 6年。
多次離合張栢芝（大 3個月）
02年，張栢芝情陷謝霆鋒時，在腳踝紋上兩人英文名的縮寫「 C& N」。兩人離合多次， 06年在菲律賓結婚，但於 11年 8月離婚。
狂野 Rock女盧巧音（大 6年）
99年 5月，謝霆鋒與盧巧音因合作電影《順流逆流》撻着，盧巧音更多次陪霆鋒出席老友的聚會，兩人相戀不足一年分手。
速食嫩鋒趙學而（大 9年）
謝霆鋒 17歲時戀上趙學而。學而甘願做柴可夫送霆鋒返公司，霆鋒又多次被拍到在學而香閨留宿。
愛得轟烈
周迅與張栢芝都是娛樂圈少有敢愛敢恨的女星，為愛可以不求回報，可以為愛瘋狂。
周迅：非大齊不嫁
周迅情史多籮籮，曾戀上王菲前夫竇唯堂弟竇鵬及王菲丈夫李亞鵬，和王菲的口味接近。而周迅和奀星李大齊相戀 5年，曾說非大齊不嫁，但後來她搭上當時 27歲的富家子王爍，卻又火速分手。
有線電視圖片
栢芝： Edison貓哭老鼠
鋒芝相愛多年， 02年霆鋒中環撞車，栢芝陪伴霆鋒到泰國散心，但隨後霆鋒跟王菲復合，栢芝飽受情傷，迅速戀上老外男友。後來栢芝和霆鋒 04年拍攝《無極》愛火重燃。栢芝在艷照門事件後，公開承認曾犯錯，又怒斥 Edison「貓哭老鼠假慈悲」。
周迅近年半退休
周迅是國內「四大花旦」，與徐靜蕾、趙薇及章子怡齊名，現時周迅片酬約一千萬，廣告價三百萬起，而且有價有市。她在北京有棟過千萬的物業，是國內數一數二小富婆，身家逾億。不過在福布斯 2013中國名人榜中，周迅去年收入為 1,530萬人仔，僅排第 91位，遠遜排首位的范冰冰。周迅去年至今處於半休息狀態，只拍了《大魔術師》、《聽風者》、《畫皮 2》及《雲圖》，廣告亦不多。
留言列表
{{ article.title }}
