娛樂八掛大放送★

珍妹雨夜傾情「華麗」邂逅

正式出山拍劇的女星李麗珍，前晚與吳啟華首日開工，可惜天氣甚差下着大雨，眾人只可趁雨勢稍細時加緊拍攝，只見珍妹冒雨翹着啟華邊行邊撒嬌，表情多多狀甚嬌嗲，47歲珍妹依然少女味十足！

珍妹翹實啟華雨中漫步，大發嬌嗲。

由曾志偉監製的無綫劇《Aerobic Girls舞室保衛戰》請來多位經典女星參演，包括李麗珍、陳慧珊、李若彤及張慧儀等，前晚劇集正式開始拍外景，身穿花花裙的李麗珍與吳啟華在上環中半山舊樓林立的地方開工，當時雨勢時大時細，眾人要趁細雨時把握時間拍攝，因天氣非常焗熱，等埋位時啟華不停撥扇，珍妹則以手提風扇解暑，至於有份拍此劇的袁潔瑩雖然當晚沒有戲份，但仍前來探班。

熱到濕晒

劇情講述珍妹翹實啟華雨中漫步，只見珍妹非常嬌嗲，嘟嘴又挨實啟華，似向對方撒嬌，47歲珍妹仍少女味十足，果然得天獨厚！已多年沒有拍劇的她表示感覺不陌生，反而最難頂是「熱到濕晒」：「呢日開工好順利，第一日拍，都算係舒服戲，又未使跳舞。（練好舞未？）未呀！不過有舞跳吓輕鬆啲。（拍夜班辛苦？）唔會，都有足夠時間休息，依家開始要調校番，未開始辛苦，都係兩、三個月啫！」

袁潔瑩專程前來探班，為珍妹打氣。

珍妹與啟華雨中作樂，有講有笑。

吳啟華表示與珍妹並非演情侶，因角色很怕女人，即使珍妹獻殷勤亦大感抗拒，他表示「N年前」曾與珍妹合作電台劇，大讚她保養得宜，事隔多年仍keep到童顏：「好似冇變過，一模一樣咁！（今次辛唔辛苦？）應該幾歎，我戲份唔係咁多，主要係女人戲，唔辛苦。」

同是「開心少女組」出身的珍妹與袁潔瑩，同樣駐顏有術。

啟華充當攝影師，為珍妹及袁潔瑩拍照。