探熱針
陳慧琳借歪 苟芸慧倒奶鬥大
岑麗香異軍突起，搏命晒胸搶錢搶 job，為收復失地，一度玩密實的苟芸慧唔敢再收埋事業線，日前出席「金至尊」在深圳舉行的春茗，「鬥大」以 34C倒奶超低胸晚裝出擊，胸襲同場經常露的朱璇及導彈張嘉兒，更撼低天后陳慧琳，引到一班中聯辦高官，圍住唔捨得走。
風騷走全場
點夠你嘞！（設計對白）
誰與爭胸
上週四（二月二十八日）晚，由陳慧琳擔任代言人的鑽飾品牌在深圳華僑城舉行春茗，六點未夠，不少內地員工已到場，搵定位等睇明星。
接近七點，苟芸慧、朱璇、張嘉兒以及陳嘉桓陸續到場；四女較技，清一色低胸。陳嘉桓雖然有備而來，但肉地有限，就算露事業線，也搶唔贏有導彈逼爆的張嘉兒及朱璇，但低處未算低，比起近日開晒口會操弗著泳衣晒 34C行騷、是夜以超低胸粉紅色晚裝倒奶出場的苟芸慧，三女一律敗陣。
飲完酒又有人不斷黐埋身，冇樂易玲護住的苟芸慧亦醒目加披肩自我防 衞。
當晚同席高層及高官連環敬酒，識做苟芸慧來者不拒。
向來搏到盡的張嘉兒，當晚大紅低胸逼爆身材到場，更突然被抽水男貼身影合照。
雖然被苟芸慧搶晒鏡，不過曾經被高登仔視為女神的朱璇，全晚有不少男士埋身敬酒，她亦杯杯清十分豪氣。
來者不拒
當晚同屬無綫親生女的苟芸慧、朱璇及張嘉兒被安排坐同一席，分別坐在「金至尊」高層及中聯辦高官身邊，露出深坑的苟芸慧最受歡迎，獲同枱一班男士猛敬酒，身為品牌大使身份的苟姑娘亦十分識做，來者不拒，笑住同眾餓男有傾有飲。
九點左右，開席後姍姍來遲的陳慧琳到場，天后被一班坐近門口位的內地員工圍住影大合照，但一陣騷動並未有干擾到坐在主家席的高官及品牌高層，上台敬完酒，眾男又重新圍住苟芸慧，繼續飲。
眼見愈來愈多人圍埋身邊，苟芸慧為免閃失，披肩加身，做定防 衞。
當晚出席春茗的陳嘉桓、苟芸慧、張嘉兒以及朱璇，清一色低胸裝示人，不過唔及苟芸慧的倒奶裝搶鏡。
一班酒腳臨時甩底，全晚飲得唔多的曾志偉清醒離場，更有金至尊老闆黃英豪親自送上車。
清醒走人
「過去嗰兩年，樂（易玲）小姐會自己帶住啲女仔嚟，今年佢唔得閒冇嚟到，先至俾咁多人埋到身。張嘉兒同朱璇去慣 ball，知道點應付，苟芸慧近排都開始去多咗 party，佢同伍詠薇拍完《金枝貳》之後熟絡咗，伍姑娘開 P一定會預埋佢。」知情者說。
據了解，當晚苗僑偉、黃日華、以及梁烈唯等本來亦答應出席春茗，但因眾人之前在澳門開工，遇上天氣差直升機停飛，一班人才臨時甩底，欠一班酒腳陪劈，當晚有份做嘉賓的曾志偉，未有如過去兩年唱 K消夜直落，難得清醒，漏夜走人返香港。
重新啟動事業線
09年當選華姐冠軍的苟芸慧，事業線難得一見，但間竭性開放心口，已令宅男稱神，但自從同是華姐冠軍的岑麗香彈出，被挑機的苟姑娘為保飯碗，唯有妥協！領口愈開愈低，事業線全面解封，為搶回宅男女神寶座，全線反擊！
11年 3月保守
穩守宅男第一位的苟芸慧在毫無對手下，出席公開場合依然密實保守。
11年 5月露少少
被踢爆跟港男羅天宇拍拖，有仔萬事足的苟芸慧狀態大勇，但都只肯露少少。
12年 3月開放
跟羅天宇分手，一直將自己包實的苟芸慧唔再做玉女，在頒獎禮上開放事業線。
12年 10月長騷
香香彈出，苟芸慧終於明白性感殺傷力，開始大解放，長騷深坑事業線。
留言列表
{{ article.title }}
