岑麗香吸猛男埋身
岑麗香及張兆輝等昨日出席新劇拜神儀式，早前被指力追香香的張致恒和溫家偉，前者自爆已有意中人，意圖與緋聞劃清界線，而後者則不避嫌大讚香香靚女，更表示想約對方「撐枱腳」！
藝人張兆輝、徐子珊、岑麗香及張致恒（Steven）等昨日出席劇集《神槍狙擊2013》拜神儀式。拍攝此劇時，一眾猛男紛紛向香香大獻殷勤，她說：「因為飛虎隊入面得我係女仔，同埋我終於明白咩叫Guy Talk（男生之間的對話）！（佢哋講鹹濕嘢？）有啲嘢我會選擇行開唔聽，有時我覺得鬼妹仔唔明中文係好幸福！」
Steven自爆有意中人
被指力追香香的Steven和溫家偉對緋聞各有不同反應，Steven被問及此事時立即劃清界線：「我已經有意中人，目標好明確，係唔會變心改追第二個！（目標係緋聞女友鍾舒漫？）唔講。（圈外定圈內人？）唔講，仲未追到。」 而溫家偉則不避嫌，大讚香香靚女兼性格好：「係男人都鍾意啦！（追香香？）唔會特別主動去追，要發生嘅事就會發生。」但他其後又表示未曾試過跟香香單獨食飯，更叫記者幫他安排飯局。置身事外的張兆輝笑說：「等啲後生追啦。（你戲中都有周海媚同徐子珊！）兩個夠喇，唔係會分身不暇！」
影視組
手執警槍的香香擺出Cool爆表情，型！
女神香香被一眾猛男包圍，安全感十足！
張兆輝在戲中與徐子珊及周海媚兩位美女有感情線，艷福無邊！
香香誘人緣鹹濕仔圍攻
徐子珊、岑麗香、張兆輝、張致恒等昨日出席新劇拜神儀式，在劇中經常被仔圍的香香表現風騷，又大爆男演員經常傾鹹濕偈。而被指力追香香的張致恒就劃清界線自爆已有意中人，另一名「追香族」溫家偉就不避嫌大讚香香，又着記者幫他拉攏跟香香單獨撐枱腳。
藝人張兆輝、周海媚、謝天華、徐子珊、岑麗香、張致恒（Steven）、溫家偉等昨日出席劇集《神槍狙擊2013》拜神儀式，對於有指香香在拍攝此劇時被一眾猛男大獻殷勤，連身為女主角的徐子珊亦表示預了給香香搶鏡，她說：「同佢點搶呀，唔使諗啦，如果我係男仔我都會追香香。」而香香則笑說：「因為飛虎隊得我係女仔，佢哋真係好好，會教我中文同體能上嘅嘢。（邊個最好？）翟威廉，因為我哋係同一個經理人，而且我終於明白咩叫Guy Talk（男仔間的對話）。（佢哋講鹹濕嘢？）哈哈，有啲嘢我會選擇唔聽，行開，有時我覺得鬼妹仔唔明中文好幸福。」
Steven爆有意中人
早前有指Steven是追求香香最落力的一位，對此Steven說：「好好笑，其實唔只我一個教佢戲，劇組個個都有幫佢拼音同背對白。」在劇中要力追香香的他有否戲假情真，他即自爆：「點會？我已經有意中人，目標好明確，係唔會變心改追第二個。（目標係緋聞女友鍾舒漫？）唔講。（圈外定圈內人？）唔講，仲未追到。」
同屬靚女的徐子珊自問唔夠岑麗香爭仔。
張兆輝笑言太多女埋身招架不住。
香香大受劇中眾男歡迎。
張兆輝唔同後生爭
同是「追香一族」的溫家偉就不避嫌大讚香香靚女兼性格好，問他會否對香香展開追求攻勢時，他即笑淫淫說：「我唔會特別主動去追，要發生嘅事就會發生。」又表示未試過跟香香單獨食飯，着記者幫他拉攏。而張兆輝對於劇中好多男仔追香香，他即置身事外笑說：「等啲後生追啦。（你戲中都有周海媚同徐子珊！）兩個夠喇，唔係啲戲會分身不暇。」
文：影視組
留言列表
{{ article.title }}
