CLOSE-UP

瘋 Game

2013年02月28日 ~~ 第1199期 香港《壹周刊》

幾千蚊買部 smartphone返 嚟,除 咗用 嚟玩 Facebook、睇戲睇新聞,最大用途,原來係用 嚟打機!如果你唔知乜 嘢係《 Candy Crush Saga》或《 Puzzle& Dragons》,根本好難聽得明朋友噏乜。聽見「好想砌爆炸糖」以為講緊鹹濕 嘢?朋友話「買石」送俾女友懶叻搭嘴話要識睇「 4C」?真係𤓓爆都唔知乜事。
究竟 啲人玩手機 game玩到有幾瘋狂?睇過專訪你就知。

俾錢買命




林二汶
30歲 歌手
三個月前已開始玩《 Candy Crush Saga》,而且更會俾錢買心過版,但原來阿媽玩得仲癲,「試過家庭飯局埋完單諗住走,媽咪突然大嗌未行得,話要等佢玩埋 嗰關先准走!返到屋企又捉住我,叫我送心,幾好笑!」 

最憎朱古力




Cynthia
19歲 模特兒
「個個 friend玩《 Candy Crush Saga》都玩到百幾關,我就俾唔停咁生出 嚟 嘅『朱古力』棘住 喺六十幾關,好討厭,而家見到朱古力都想食晒佢,嬲到爆。」 

碌卡抽怪




阿希
21歲 電器 Sales
「身邊個個朋友都玩緊《 Puzzle& Dragons》,為 咗快過朋友儲齊『怪物卡』,兩個月內碌卡碌 咗兩千幾蚊抽怪物卡,好似撞邪咁。」 

友多好辦事




DuDu
24歲 貿易公司文員
「《 Candy Crush Saga》玩法好創新同難玩,用完五個心都過唔到關,可以叫朋友送心繼續玩,快 啲 喺 Facebook add我做朋友,送 啲心俾我用啦!」 

手指要緊




張紫櫻(車車)
27歲 模特兒、 Roadshow節目主持人
早排整蘿蔔糕唔小心切傷手指,第一件事唔係擔心傷勢,「好在只係切親左手,唔係咪玩唔到《 Candy Crush Saga》?」其實之前玩 Facebook養寵物 game已經上癮,「隻 game每日定時會出限量道具,好快會俾人搶晒,我同班 friends都日日校鬧鐘八點起身,仲早起身過返工!」 

熱爆成因


有互動功能 嘅免費網上遊戲,唔係新嘢,點解變成手機 game之後可以咁易爆紅?原因不外乎智能手機用家多、易分享同埋易安裝。

原因一:手機用家多


玩電腦版 online game,唔可以隨時玩,而且部腦又未必符合硬件要求。相反 smartphone嘅遊戲要求唔高,鍾意幾時玩都得,手機用家又多,更易出位。

靜雞雞玩




Emerald
17歲 中六學生
「最鍾意玩《 Candy Crush》同《 Temple Run》,貪呢兩隻 game淨係用一隻手指左撥右撥就玩得,而且手機夠細部,上堂 嗰陣偷偷 哋放喺櫃桶玩,阿 sir都唔會發覺。」 

原因二:易分享


《 Candy Crush Saga》熱爆,可以話同開發商成功借助 Facebook社交威力有關,事關玩家可以 喺遊戲入面同 Facebook朋友比較進度,挑起雙方鬥心鬥過關。

瘋狂機迷




Ah Be
29歲 時裝 Sales
「成日同 friend鬥快過關,過到會上 Facebook晒命,為免落後太多或俾朋友追過,一有時間就玩。有次試過打到自動熄機,先發現原來冇晒電,自己都覺得癲。」 

原因三:易安裝


Apple App Store及 Google Play Store嘅出現,方便用家搵 game玩,下載同安裝又夠快,就算唔 啱玩都冇損失。

花心追 game




Elaine
23歲 大學生
「雖然都仲係玩緊《 Candy Crush Saga》,但都會 keep住搵新 game玩,最近 嘅新寵係《 Temple Run 2》,好刺激!」 

必玩遊戲




而家出街,最多人玩 嘅 iOS、 Android免費 games有以下三款,唔想脫節,冇安裝都要知大概點玩。 

Candy Crush Saga


每日活躍用戶:約 970萬
基本玩法同一般 puzzle遊戲一樣,但加入更多消除方法同刁鑽版圖,加上用糖果取代寶石,女仔更受落。可以連接 Facebook睇到朋友玩到邊關,又 keep住開發新版圖留客,引發競爭心理愈玩愈沉迷。





Temple Run 2


每日活躍用戶:未有數字*
玩法超簡單,主要係篤住個芒控制主角避開背後怪物同跳越障礙物,單手就玩到,兼可以連上 Facebook同朋友鬥高分。
*上集每日活躍用戶約 700萬





Puzzle& Dragons


每日活躍用戶:約 500萬
靠儲寶石打怪獸 嘅角色扮演遊戲,只須提升怪獸等級,毋須解謎,而且怪獸造型可愛,坐車都見唔少女仔玩。





facebook




只要在 Facebook以「 NEXT 3.0」為關鍵詞搜尋,或以手機的「 QR code」 app掃描,就可以睇到更多新聞同產品情報。 

命運殊同


《 Candy Crush Saga》爆紅之前,其實有好多手機 game同樣試過叱咤一時,不過最終命運就完全唔同。

繼續賺錢 Angry Birds


○九年 喺 iOS推出,頭一年總下載量超過三千萬次,淨收入已超過四億港元。雖然而家 喺街好少見人玩,不過今年一月全球仲有 2.63億活躍玩家,而且將角色商品化,點止賺 game錢?


紅到 喺芬蘭開 咗 Angry Birds Land主題公園,勁多 fans朝拜。


上年年尾同 Star Wars crossover嘅新版《 Angry Birds Star Wars》,下載量過千萬。

過分簡單 Coin Dozer/ Fruit Ninja


《 Coin Dozer》 㩒幾 㩒就有金幣跌落 嚟,玩法係好簡單,但亦好快玩厭。

推錢 game《 Coin Dozer》同切水果 game《 Fruit Ninja》都 hit過一排,一○年推出後連續幾個禮拜霸佔全球免費 game榜首。不過,玩法簡單兼冇社交元素,又係來得快去得快。 

急升急跌 Draw Something


老實講,玩《 Draw Something》好少人咁有心機畫靚畫俾你估。

推出僅六個禮拜就有三千五百萬次下載,吸引到社交遊戲公司 Zynga用兩億美元收購。不過,玩法一成不變,字庫又唔夠多,正宗有頭威無尾陣,活躍玩家暴跌至五百萬左右,拖累 Zynga股價下跌八成,損失慘重。 

換靚芒打機


打機想追求更高畫面質素享受,就要留意以下三部 1080p全高清屏幕四核心手機。

抄 Note LG Optimus G Pro




單睇外表同 Samsung GALAXY Note II幾乎一樣,同樣配置 5.5吋大屏幕,但解像度升級 1080p,更細緻。新機雖然已在韓國開售,但香港最快都要四月先有機會見街。
售價:約$7,000 

輕巧易攜 HTC One




4.7吋屏幕嘅 HTC One,同樣擁有 1080p解像度,加上全鋁合金機身,手感一流。預計三月推出。
售價:約$6,000 

全天候 Sony Xperia Z




5吋全高清屏幕,配以一米防水深、防塵機殼,就算沖涼嘅時候都可以繼續打機。
售價:$5,698 

Game廠搵大錢


免費手機 game大行其道,比起傳統收費 game,吸金能力更強勁,以兩隻人氣 games《 Candy Crush Saga》同埋《 Puzzle& Dragons》為例,單靠售賣 game內道具,每日營業額分別達 320萬美元(約 2,490萬港元)*及 170萬美元(約 1,320萬港元)#,認真和味。
難怪香港都有唔少遊戲商同 IT人開發手機 games,誓要分番塊肥肉。
*美國獨立調查機構 AppData顯示, King.com開發 嘅《 Candy Crush Saga》全球每日活躍玩家高達 970萬人,
開發商並冇透露賺 咗幾多錢,但以玩法相近 嘅《 FarmVille 2》玩家平均消費 0.33美元估算,每日至少賺 320萬美金(約 2,490萬港元)。
#遊戲商 GungHo公布一月份業績,單係《 Puzzle& Dragons》已賺近 5,300萬美元,平均每日有 170萬美元。

靠 click賺人工


廣告公司原本建議加入內購道具增加收入,但 Eddie唔想遊戲失衡,寧願賺少啲。

如果免費 game冇內購元素,想賺錢唯有靠廣告,好似個體戶 Eddie兩年前推出 嘅免費 game《雀王會館》,收入完全靠玩家 click廣告,「每五個 click就有大約八毫至五蚊廣告費,唔好睇小呢幾蚊,因為平均每日都有近千人 click,計計埋埋每個月都搵到萬幾蚊,賺多份人工。」 

抄橋吸水


參考《 Puzzle& Dragons》成功之處,再投放大量資源喺角色同背景設計, Terry認為是用心之作。

Terry Tsang
靠 Facebook無聊心理測驗遊戲 嘅廣告費,賺到第一桶金,之後轉型手機 game市場,推出《神魔之塔》,至今已有近百萬下載。 

參考日作


玩家只須消滅寶石,就可以殺死妖獸兼增加能力值。

《神魔之塔》絕對係高登仔近期至愛,攻略留言兩個禮拜內已過兩萬,但講基本玩法, Terry都承認受《 Puzzle& Dragons》「啟發」,同樣靠消除寶石攻擊敵人,「不過,好多細微位連《 Puzzle& Dragons》都冇,好似實時日夜景同 3D場景,流暢度都花唔少心機。」 Terry曾經推出手機 game《左右腦實驗室》,玩法太簡單, Terry話四至六個禮拜就開始 fade out,今次《神魔之塔》玩法複雜又可以儲 嘢,現時活躍玩家都有十幾萬,吸金能力應該會持久 啲。 

打低 Candy Crush


上星期一度打低《 Candy Crush Saga》,成為香港區 Google Play最高營收遊戲。

用七個月開發,上月底擺上 Google Play同 App Store,主要收入靠用家 喺遊戲內買魔法石(每粒賣$5.2至$8),一星期就打低《 Candy Crush Saga》,成為香港區 Google Play最高營收遊戲,咁咪賺到笑? Terry起初只肯講排頭位 嘅 game每日起碼有六萬港幣收入,問多幾問,先承認有 3至 4%活躍玩家會「買石」,多數消費約一百港元,「不過全公司成三十人做開發,每個月都使近四十萬,加埋推廣費用,而家都未回到本,所以早幾日出埋英文版, 嚟緊仲有韓文同德文,希望賺多 啲。」 

焗住轉 軚


Anthony堅持不時 update新內容、道具及飛船,吸引玩家購買。

Anthony Law
上年靠 iOS遊戲《 Galactic Phantasy》奪得香港資料及通訊科技最佳數碼娛樂(娛樂軟件)獎,可惜叫好唔叫座,賺錢能力遠差過其他免費遊戲,所以續集決定改變策略,務求賺大錢。 

平賣高收


好多玩家買道具唔係自用,好似黎先生今年情人節就 喺《 Candy Crush Saga》裡面用 咗幾十蚊買道具送俾女朋友,對方同樣開心。

Anthony同員工用 咗近十個月製作 嘅 RPG game《 Galactic Phantasy》,論遊戲質素自信唔會差過其他大廠,「香港人出 嘅 game賣成五十幾蚊,一年內都有過十萬人下載,又攞埋獎,成績都算唔錯 㗎喇。」埋單雖然賺過百萬,但七除八扣後其實都冇乜點賺。
「賺得比預期少,見唔少免費 game靠賣遊戲道具都可以賺大錢,所以續集就有樣學樣,將遊戲減到八蚊,但就加入買道具元素,搏今次賺多 啲。」
續集推出短短兩個月, Anthony話手頭上仲未有實質銷售數字,但如意算盤似乎打得響,「同期下載量比上集多 咗,而且好多玩家肯俾多幾十至百幾蚊買新關數、新飛船,有信心可以賺得更多。」 

反糖同盟


網上流傳一批偷拍相,小巴司機竟然趁塞車用手機玩《 Candy Crush Saga》,有網友話「容乜易玩玩吓變 Car Crush」,諗落都覺牙煙。

搭巴士地鐵,放眼望去十居其九係「低頭族」,搏老命玩手機 games,除 咗會影響學業、工作,頸梗膊痛同埋出現失眠、幻視、幻聽等症狀,查實仲有好多意想不到 嘅影響。 

朋友反面
東華三院心瑜軒治療多重成癮輔導中心主任陳美璐指出,「如果打機打到影響工作同埋學業,甚至搞到坐唔安食唔樂,就直情係上癮,要即刻睇精神科醫生,否則有機會抑鬱。」加上成日打機唔理朋友,或者係咁催朋友送心,好易惹人反感甚至反面,為乜?

易打柴
玩 game好食電,隨時每日要叉兩三次電,查實每 嚿電只可以叉幾百次,玩得 game多,電池壽命都短 啲,好快要換新機。 

text:科技組
photo:攝影組
graphic:劉志誠

arrow
arrow
    全站熱搜

    tvb4life 發表在 痞客邦 留言(0) 人氣()