馬德鐘廿分鐘賺13萬

滿約無綫後嘅馬德鐘,同樣轉移北上發展,拍劇外,上周仲去咗廣州間酒吧登台。

當晚東姑難得去捧場,最低消費都成五百元人仔一張枱,嗰晚等到凌晨一點先係show time,見個台得嗰八呎乘兩呎,豆腐磚咁大,但勝在同觀眾拉近距離。佢打頭陣先唱劉華嘅〈中國人〉,啲女酒客一見佢不知幾咁瘋狂,不斷狂嗌,又要握手,又要攬攬。不過佢就點到即止,以派相回禮,全晚僅用廿分鐘唱三首歌,東姑八到佢收成十三萬酬勞,唱完即走。搵錢快來快去,真係好令人羨慕。

有酒客送花,佢即踎低身去接。

酒吧門口貼咗佢張靚仔相做生招牌。

開show前,酒吧搵咗啲着住性感內衣嘅洋女大跳艷舞,搞會場。

整個場坐滿八成客,酒客包圍成個舞台。

馬德鐘歌喉一般,但勝在識搞氣氛,反應都算唔錯。

arrow
arrow
    全站熱搜

    tvb4life 發表在 痞客邦 留言(0) 人氣()