嘉諾撒聖心書院
Kaman（江嘉敏）
身高 5呎 5的 Kaman打算一畢業就報考演藝學院，「雖然媽咪想我做護士，不過我太鍾意做戲喇，入唔到演藝先認命考護理做護士啦！」
校花校草
名校女神唔易做 Kaman江嘉敏
好多女生恨做 model，貪有靚衫着、又可以賺快錢，來自名校嘉諾撒聖心書院的 Kaman（江嘉敏）， 18歲女已經狂拍私影及接拍微電影，成功吸納大群男粉絲，為她在 fb開 fan page煲 Kaman做女神。
靚女又做 model，理應成為校內焦點人物，可惜 model身份在校內不吃香，反而經常被同學仔揶揄貪錢貪慕虛榮， Kaman忍不住大吐苦水：「當時壓力超大，諗過自殺！」
Kaman母校嘉諾撒聖心書院專出政界名人，同校師姐有陳方安生、梁愛詩、陳淑莊等，但出身普通家庭，爸爸是的士司機、媽媽為家庭主婦的 Kaman，雖然於校內成績只屬一般，卻總算認清目標努力向電影界發展， 16歲開始已經做私影 model，卻因 model身份被同學排斥致壓力爆煲，「同學個個都以為我貪慕虛榮去做 model，恨發明星夢，其實我只係想演出唔同角色，好似上年拍了鮮浪潮得獎電影《野犬與貓咪》，我飾演被爸爸性侵、又同弟弟亂倫嘅邊青，呢啲一定唔會喺我生活發生！」 Kaman努力演好角色，卻換來同學冷諷，「你做 model？整吓容先啦，你做 model搵得雞碎咁多，我哋零用錢都多過你啦！」
在同學重重打擊下加上屋企人不支持 Kaman做 model，結果收收埋埋，更一度諗過自殺，「當時覺得好多人都唔鍾意自己，真係諗過死咗算，不過慶幸身邊有幾個知心好友安慰我，知道我唔係嗰種貪慕虛榮嘅人，我為咗唔會令佢哋失望同傷心，都係打消咗自殺呢個念頭！」
Kaman一心投考演藝的戲劇學院，她坦言：「我唔係要大紅大紫做視后，我只係想過吓戲癮，同學叫我整容？傻啦！呢個世界總會有其貌不揚嘅人，可能有人覺得我唔靚，但至少我五官端正！」
Kaman去年參加過中學校花校草選舉，雖然沒有勝出，但仍無損佢入行決心。
Kaman暫時單靠 facebook找工作，沒有簽任何經理人公司，經朋友介紹下，她成為 759阿信屋的廣告女主角，「我好珍惜每個機會，就算平日要返學我都會接 job，平均一星期兩、三個影相，仲會去埋 casting，功課做完嘢先做㗎喇！」
Kaman自薦參與微電影《野犬與貓咪》的試鏡，片中更與得不到父愛兼有戀母情意結的弟弟發生不倫關係，而該片榮獲「 2012鮮浪潮——國際短片展」的最佳創意獎，算係成功第一步。
最想入演藝
目標清 𥇦的 Kaman志不在傳統大學，其他同學都狂補習溫書，她卻為考演藝拼搏，以為女神 DSE會打定輸數，她卻說，「為咗儲多啲演出經驗考演藝，我冇錢 job都肯接，仲有我影相前半日一定唔食嘢！頂多飲一兩啖水。唔好講到我無心向學，我都好畀心機溫書，成日開夜車，我希望 DSE都可攞 5科 5級同一科 4級成績，始終演藝都好難考㗎，唔讀書一定唔收！」
校花校草：
只要是學界的靚仔靚女，《 FACE》就會介紹給大家認識。 
留言列表
{{ article.title }}
