現時 Alan生活費全靠自己,未畢業已向政府借了 8萬元讀書,偶爾會幫朋友做搬運送貨:「搬搬抬抬做唔到一世,𠵱家唔讀多啲書,將來一定搵唔到食,所以𠵱家搬貨都係兼職,唔會影響到讀書。」

Main Camp

《星期日檔案》古惑仔 脫黑救邊青

2013年02月20日 ~~ 第300期 Face

早前無綫《星期日檔案》探討青年貧窮問題,訪問了 12歲加入黑社會、販毒索 K壞事做盡的溫瑋麟 Alan(現 27歲),改過自新並讀明愛專上學院的經歷。
打滾江湖十年, Alan有難時所謂兄弟卻雞飛狗走, 6年前終決定洗底, 24歲時更重返校園由毅進讀起,做超齡生。
由最初老師講英文一句都聽唔明到攞獎學金的優異生,全身紋身的 Alan自豪說:「因為我錯過,更加珍惜所有嘢,所以要加一千倍努力追番浪費嘅時間。」

農曆年前夕,本刊約 Alan在調景嶺的明愛專上學院做訪問,巧遇同學開生日會, Alan主動跟同學一起搬枱打點,氣氛好融洽,怎也猜不到他曾是正宗古惑仔。




Alan不介意將他的過去跟外人分享,早前更接受無綫新聞節目《星期日檔案》訪問,講述他重返校園的經歷, Alan在節目中坦白說唔想一世做運輸,所以鼓起勇氣讀書,希望能組織家庭及能供養父母。 

上堂坐頭排




Alan雖然比其他同學遲起步,但老師和同學都大讚他勤力:「 Alan上堂都會坐前面或者坐近喇叭,仲會用錄音筆錄埋老師講嘅嘢,返屋企再溫習。」 

有難冇人幫


初中讀彩虹邨 Band 3中學,以為加入黑社會可自保,到中五連會考都缺席, Alan最後成為全職古惑仔,「撈咗偏打交、偷嘢、索 K、走粉都做過,俾龜𢭃(警察查身份證)當食生菜。試過撈得起,一晚就賺幾萬,當時晚晚請班兄弟落 disco,餐餐大魚大肉豪使幾千濕濕碎!」場面十足電影《古惑仔》,陳浩南同山雞的義氣亦只在電影中出現,「最霉試過賭波欠幾萬咭數,連飯都冇錢食,可惜有難嗰陣,人哋唔一定幫你!而且十年嚟見盡啲兄弟傷嘅傷、坐監嘅坐監,咩都心淡晒!」 Alan看破行古惑冇好結果,所以決定抽身,「當時屋企人成日被以前啲黑社會兄弟騷擾,但我冇心軟,叫屋企人在大門裝閉路電視同報警,自己亦改埋電話,仲由何文田搬到大埔,匿埋兩年先冇再搵我!」

入得黑社會, Alan手臂和背脊都滿是紋身。 Alan直言:「起初同學見到都有啲驚,不過熟咗都唔介意我嘅過去,背脊個梵文係解平安。但𠵱家我覺得有份好工,同屋企人、朋友開開心心先係真正平安。」





攞獎學金升學


做了十年古惑仔,雖成功割席,但重回正途卻滿是崎嶇。「嗰時做過運輸、速遞,日曬雨淋行足三、四個鐘,𠵱家後生都話,老咗仲點搬?所以先決心讀番書,希望改變人生。」結果 Alan由毅進課程讀起。「成 8年冇讀過書,上堂老師講英文,我一句都聽唔明,惟有買啲小學雞英文文法書狂煲。有時要做千幾字嘅英文功課,我仲大鑊,要出動 Google Translate慢慢譯,用十幾個鐘先寫完。啲同學十幾歲講打機、講溝女當然冇所謂,因為佢哋有青春有本錢,但我當時 24歲先讀番書,冇時間再嘥。」
Alan的努力令他得到獎學金繼續升讀大專。現就讀社會科學高級文憑 Yr.1的他,最希望做社工,「其他人覺得打人一定係衰,但我就會明打人一定有原因,我希望用親身經歷同啲邊青傾偈,用我嘅個案輔導佢哋。」贏了成績,亦贏了朋友家人,「以前對住阿爸阿媽都會用粗口鬧佢哋。佢哋都冇眼睇我,𠵱家我讀番書,諗嘢成熟晒,先識體諒佢哋。」 27歲仔浪子回頭,一定是父母今年最好的新年禮物。

父感安慰




Alan笑指自己火爆性格遺傳自爸爸,以前二人經常火星撞地球,但近年關係轉好, Alan爸爸說:「𠵱家個仔肯讀書,返番正途,我都老懷安慰。」 

搬竇避世




當日為與黑社會割席, Alan不但改了電話號碼,甚至問哥哥借了大埔區的村屋暫住,決心洗心革面。 

釋囚出路=社工?


《蘋果日報》圖片

好多改過自新的釋囚都報讀社工相關的科目,希望以自己過來人身份輔導後輩,現就讀理大社工系 Yr.3的 34歲鄭明輝,因販毒及吸毒被判入喜靈洲戒毒所,更出入監房 5、 6次,以為前途盡毀,但他洗心革面,戒毒後他一邊在康復院當同輩輔導員,輔導跟他有同樣經歷的院友,同時亦上進讀夜校, 10年 9月更成功考入理大社工學士課程,並 5次取得獎學金,將於下年畢業的鄭說:「我希望畢業後可以做社工,協助同自己一樣誤墮毒海的青年。」 

Main Camp:


Main Campus簡稱,意即主校園,各大專潮人潮事當然離不開 Main Campus。 

撰文:譚家昌
攝影:何榮亮

arrow
arrow
    全站熱搜

    tvb4life 發表在 痞客邦 留言(0) 人氣()