影帝級黃秋生苦練詠春，又減肥 20磅，都係為 咗扮得似老年葉問，其實都算有睇頭。至於佢打唔打得，真係要睇戲先知。
FBI
秋生版《葉問》疑幻疑真
由 08玩到 13年，由甄子丹拍到杜宇航，連梁朝偉拍足 N年嘅《一代宗師》都出 咗籠，唔好以為電影界已經玩夠葉問，下個月 28日仲有秋生孭飛嘅《葉問．終極一戰》老年版葉問開畫！
葉問妻子（即係甄子丹版本熊黛林做 嗰個呢）今次由袁詠儀飾演，明明葉準話阿媽從來冇落過香港，呢套戲就話佢 哋 喺香港一家團聚。究竟邊樣先真？
《葉問》頭兩集， sell宇宙最強甄子丹；《前傳》就 sell正牌葉問徒孫杜宇航；《一代宗師》唔使講 sell慢工出細貨同粒粒巨星啦，咁《葉問．終極一戰》又 sell咩呢？官方資料話，還原在香港度過中晚年生活 嘅最真實葉問喎，當中仲提到葉妻張永成從佛山來港團聚，可惜香港生活太艱難，佢忍唔住返上佛山，從此同葉問永別。 FBI明明記得葉問長子葉準親口同 FBI講過，媽媽冇份落嚟香港，佢 嚟香港後再冇見過阿媽喎。
都係 嗰句，聽故唔好駁故，秋生減肥做老年葉問，老實講點都有睇頭 嘅，睇葉問，最緊要都係好打 啫！
阿嬌大力
話要轉型做打女，阿嬌講足幾年終於有打戲上畫，今次會扮葉問女弟子陳四妹，同冼國林徒弟周定宇（左）做夫婦。阿嬌話開拍前先跟冼國林學詠春，仲被師傅讚：「出拳好大力！」
小春反面
就 嚟做老豆 嘅陳小春都係演葉問弟子，不過就因為當差身份有衝突，同班師弟師妹反晒面。
場景揼本
全站熱搜
留言列表
{{ article.title }}
