於《 Faye Reborn》放映會中，與王菲合作多年嘅 MV導演區雪兒，就會將多年來自己認為王菲最有個人風格的一面剪輯成一個「 Music Docu」，讓菲迷欣賞。
真面目
復刻版 舊片當新貨 王菲斬件免費睇
90年代天后王菲自 05年同李亞鵬結婚後，一直處於半退休狀態，雖然 10年「復出」開巡唱，但賺夠本又唞過，要見王菲惟有在微博。
香港菲迷難見偶像真身，但最近曾與王菲合作多個 MV的御用導演兼好友區雪兒（ Susie Au），將推出由自己親手幫王菲炮製的 MV，斬件輯錄成短片《 Faye Reborn》，還安排於下月頭在藝術中心免費放映，雖然舊片當新貨上市，但久餓王菲的港迷一定唔會嫌棄囉。
王菲自 05年跟李亞鵬結婚後，唱歌只是副業，正職係相夫教女，自她婚後只曾亮相春晚或嫣然基金活動、巡唱後亦收埋，錄廣東歌更係唔使諗。
MV大雜燴
想欣賞王菲的廣東歌，惟有翻摷以前的舊歌慢慢嗒，而曾與王菲合作多首名曲如〈 Summer of Love〉、〈償還〉等 MV的名導演區雪兒，亦趁港迷久餓王菲靚歌時機，於下月 9日在香港藝術中心 agnes b.電影院，舉行一場名為《 Faye Reborn》的短片放映及分享會。
唔好以為有「 Reborn」呢個字就係新影片，據知區雪兒只將她以前幫王菲執導的舊歌 MV輯錄成一套短片，以舊片斬件變新包裝播放，不過好彩的是成個放映會費用全免，香港菲迷可以當係一個集體回憶聚會。記者曾致電區雪兒，但她正在外地公幹，無暇回覆。
曾於紐約修讀電影嘅區雪兒（右），除幫王菲外，更曾與張學友、黃耀明等巨星炮製 MV。而區亦曾執導電影， 06年由周迅主演嘅《明明》亦由她執導。近年王菲嘅《霸王追風》洗頭水廣告外，亦有拍 HSBC及麥當勞等廣告。而電影方面，近作有《東成西就 2011》，瓣瓣掂。
近年王菲經常遊山玩水，上週新年期間就同老公李亞鵬一齊去夏威夷旅行，情人節仲一齊喺海邊漫步，好浪漫。
陳家瑛唔知咩事
本週一（ 18日），本刊致電王菲經理人陳家瑛查詢有關放映會一事，陳家瑛一聽到「放映會」三個字，先一頭霧水，之後將電話交由助手 Angela代答：「其實我哋啱啱落機冇耐，未清楚係咩事，等我哋 double check之後先答你啦！」放晒聲氣搞《 Faye Reborn》放映會，但連王菲經理人都唔知發生咩事，真係好離奇喎！
《 Faye Reborn》短片中，除輯錄王菲多個 MV外，當中亦剪輯王菲於 94年首個紅館騷嘅後台幕後片段，對菲迷嚟講非常珍貴。
95
〈假期〉
〈 Di Dar〉
99
〈只愛陌生人〉
區雪兒執導王菲 MV
93
〈 Summer of Love〉
98
〈半途而廢〉
〈償還〉
絕迹 9年
王菲自 04年同木村一齊拍王家衞執導嘅電影《 2046》後，一直冇映像作品面世。
留言列表
{{ article.title }}
