14/2情侶裝睇樓
Kary和余文樂一身牛仔情侶裝，在情人節高調到赤柱拍拖拜年兼睇樓，據聞兩人已飛往外地繼續 happy，待返港才回應戀情。
真面目
公開關係 君如家拜年晒恩愛 吳雨霏撇 6年男友戀余文樂
踏入蛇年，娛圈首對情侶曝光，竟然是 26歲的吳雨霏和 31歲的余文樂，兩人被拍得在情人節於赤柱幽會。據知「雨樂戀」僅開始 4個月，而紅娘就是兩人的好友周柏豪。
本月 14日情人節，余文樂首次帶 Kary到好友家「見人」兼拜年，見過谷德昭、吳君如等老死，余文樂再帶女友到赤柱睇樓。近年密密賺的余文樂，睇中赤柱近海的「 Stanley Beach Terrace」 3層別墅。除了一家人住外， Kary話咁快就可以「入屋」喇！
赤柱拍拖斷正
去年 12月， Kary為演唱會開記者會時，突然發表單身宣言，其實當時她與余文樂已拍拖，為免被指貪新忘舊，兩人都瞞住經理人發展，只有他們身邊幾位朋友知道，包括一手撮合的周柏豪。
Kary氹掂樂媽
余文樂身邊朋友透露︰「本來 Kary同樂仔都唔熟，但柏豪約親出 嚟都叫埋佢哋，之後三人行變二人行，上年 10月，樂仔主動幫 Kary拍〈人非草木〉 MV，兩人 喺台灣日對夜對， Kary又 啱 啱同 Brian（網球王子洪立熙）散 咗，話晒都拍 咗拖 6年，好彩有樂仔 喺身邊安慰。」
兩人一向對感情事都很小心，今次在情人節大大方方出街，又着牛仔情侶裝，發展非常迅速。
每年年初五，余文樂都會相約吳君如、杜汶澤和谷德昭等老友團拜，今年適逢情人節，余文樂亦到位於赤柱的君如家，與一眾拜年老友公開樂嫂身份。「其實樂仔都單身 咗一段時間，佢係孝順仔，成日俾阿媽催幾時結婚，近年都開始定性，又見自己同 Kary嘅事業都唔錯，就算公開都唔會有大影響，樂媽仲好鍾意 Kary㗎。」
谷德昭亦在微博上載一堆金牛，朝早就開賭局，而且仲玩得唔細添！
上週四（情人節），余文樂一早便帶 Kary向谷德昭和吳君如拜年，仲抱住谷祖琳 7個月大的女兒劉心影相。雖然 Kary刻意冇上載照片到微博或 Instagram，但余文樂就把拜年照片上載到 Instagram，相信佢都估唔到下午就斷正。網上圖片
專登行前
睇完樓，余文樂刻意行快兩步喺 Kary前面，而且赤柱外國遊客居多，令兩人放下戒心。
差啲繑手
全程 Kary都跟實余文樂，其實都擺明唔怕俾人見到。而呢個角度睇，二人仲差啲繑手添！
當日余文樂帶 Kary到赤柱的「 Stanley Beach Terrace」睇樓，一幢三層的別墅，市值約 5,000萬，接埋阿媽和阿妹入 嚟都夠住。
豪宅冧女友
拍拖 6年，不時鬧分手、又復合， Kary和網球王子 Brian因為余文樂的出現，正式拜拜。《壹週刊》圖片
上週五（ 15日），兩人拜過年之後，下午 4時多，余文樂駕着其價值 80萬的 Range Rover接載 Kary，原來近兩年搵埋唔少的余文樂睇中赤柱近海的「 Stanley Beach Terrace」 3層別墅，叫女友幫吓眼睇樓，順便睇定主人套房。
自從成為郭富城、沈嘉偉等有米圈中人飯腳後，余文樂靚車買完一部又一部，努力 upgrade做上等人，而且余文樂近年拍唔少戲， 12年至今已拍了 8套戲，去年收入高達千萬，記得當年樂仔同黃伊汶拍拖，經常被指靠女友，如今帶 Kary睇豪宅，總算爭番一口氣啦！
而週一（ 18日），本刊收到可靠消息指樂仔同 Kary已孖住到外地度歲。記者曾致電二人，但至截稿前仍未回覆。
新歡入後台舊愛坐前台
自去年幫 Kary到台灣拍 MV後， Kary不時在好友身邊大讚男友有天分，今年 1月 Kary在紅館開個唱，前度 Brian（網球王子洪立熙）都有捧場，不過樂仔就以男友身份入後台，當時大家都未發現「雨樂戀」，兩人合照時亦唔太自然。
新歡余文樂
Kary今年 1月開騷，已經和余文樂行埋，為免戀情曝光，男友入後台探班仲要扮生外。
舊愛網球王子
洪立熙
雖然前度 Brian睇足全場，但睇佢木無表情，就知咩事啦！
Instagram晒花
情人節當日 Kary在 Instagram上載一束玫瑰花，但就唔肯講邊個送。
到台灣拍攝 MV，拍就只係拍 咗 2日，但 Kary同余文樂就留 咗 5日，公司以為 Kary因和 Brian分手要散心，實則係同余文樂拍拖。
3千萬樓揸手
余文樂趁冇對手加上影圈缺上位新人，慢慢攀至一線男星。雖然《志明與春嬌》在港僅收七百萬，但口碑好，樂仔片酬即時升至二百萬，續集《春嬌與志明》國內更收近一億，令樂仔片酬再上一層樓，叫價至三百萬。
去年 8月，余文樂被拍得到赤柱佳美道的歌敦臺睇樓，當時余文樂對一個千八呎連天台、三房兩廳無敵海景單位非常有興趣。《壹週刊》圖片
翠逸雅園
早在 05年，余文樂以公司名義，用$630萬買入元朗翠逸雅園與家人同住， 10年將元朗單位售出執$200多萬。
嘉苑
樂仔再於同年先後以公司名義豪擲$620買入錦 綉花園洋房給家人，並以$1,626買入肇輝臺嘉苑一個千四呎單位自住，合共市價接近 3千萬。
錦 綉花園
留言列表
{{ article.title }}
