上月 31日，吳國敬相約范振鋒及圈外拍檔，在尖沙嘴食 lunch開會傾談 4月開騷事宜，同行還有吳國敬女友 Tina。
娛聞樂
與 Big 4破冰谷人氣 吳國敬開騷拍劇博翻身
Big 4農曆年開騷場場爆，財源滾滾來。曾經與四子稱兄道弟的吳國敬，當年因為與兄弟鬧意見，三年來損失好多搵錢機會。
不過，早前吳國敬與 Big 4重新修補關係。成功破冰後，阿敬農曆年間再次為 Big 4任演唱會嘉賓，四月他與 Joey Tang的個唱，亦得到四子力撐。
重拾兄弟班後，吳國敬動作多多，搞演唱會之餘更得曾志偉搭路，返無 綫拍劇，盡地一煲「鯉魚翻身」。
09年，許志安，梁漢文、蘇永康及張衞健組成「 Big 4」，在香港、廣州、美國巡迴演唱，贏盡口碑及票房。而兄弟吳國敬卻爆冷冇份，外間盛傳他與四子不和。
「阿敬一向有脾氣，最初 Big 4埋班都有預埋佢。不過佢要求多多，鬼咁藝術家脾氣，搞到個個都怕咗佢。而佢又硬頸覺得班兄弟唔尊重佢，卒之咪傾唔埋『欄』囉。」知情者說。
去年尾， Big 4、吳國敬去泰國旅行，見到吳國敬開心到嘟晒嘴，就知佢哋破冰成功啦。
吳國敬自 10年幫 Big 4做表演嘉賓後，就絕迹 Big 4嘅騷，近日至破冰重現。
阿敬一向直腸直肚，依家至圓滑咗。（真實對白）
同阿敬十幾年朋友，我 哋 Big 4一定撐到底！（真實對白）
年尾泰國破冰
指手畫腳
開會時，吳國敬滔滔不絕講未來大計，興奮到手口並用，相反身旁的女友 Tina則只顧玩電話。
吳國敬這兩年閉門寫歌，只間中做酒吧騷及歌唱比賽評判。眼見兄弟狂搵錢，阿敬痛定思痛。去年尾，他投資六位數字自組公司，為復出鋪路。「阿敬老友范振鋒都鼓勵佢出番 嚟。去年尾 Big 4四兄弟去泰國玩，佢哋知阿敬脾氣，唔想冇 咗個兄弟。件事都過 咗去咁耐，咪出聲叫埋阿敬一齊去囉。阿敬口硬心軟，咁班兄弟又俾足面佢，卒之 friend番。」
泰國 trip後，重獲兄弟撐的阿敬，重新出發再戰幕前。他先與范振鋒及一位圈外人開公司，籌備 4月的演唱會。 Big 4知道後，便邀請阿敬做香港站及倫敦站演唱會嘉賓，主動幫兄弟造勢。「阿敬梗係答應啦！佢同 Joey Tang四月開騷，可以順便谷人氣。而阿敬搵番 Big 4撐場，佢 哋都爽快應承。 Sammi就諗緊，安仔都幫阿敬勁落嘴頭。」 
陪睇地舖
開完會後，吳國敬同 Tina去 咗尖沙嘴利是商場附近睇舖，原來是 Tina有意擴充指甲美容生意，難得阿敬得閒，於是兩人孖住睇舖。
志偉搭路拍劇
吳國敬現在積極準備復出，除了每星期和明星足球隊踢波外，也會去做健身兼練氣。
重返樂壇外，吳國敬去年尾主動搵曾志偉搭路，返無 綫拍劇，志偉亦義不容辭幫手。
問到同 Big 4「破冰」，吳國敬話：「根本不和單嘢都係傳聞。（係咪你脾氣唔好，所以當年佢哋唔受你玩？）我係幕後人，又玩 rock，唔識跳舞又唔識講嘢，唔啱 feel至冇一齊。（係咪泰國個 trip搞番好關係？）我冇嬲過，佢 哋都會做我四月演唱會嘉賓，我又做佢 哋香港及倫敦站嘉賓。（據聞你返 TVB拍劇？）爸爸（指曾志偉）幫我同樂小姐傾，我同 TVB有共識，最快要四月後。（自組公司翻身？）收埋 咗自己兩年，都係時候出 嚟啦。」對吳國敬返無綫拍劇，樂易玲亦直認不諱：「係同阿敬傾過，依家等緊適合嘅劇。」
藝人自捧
近年不少藝人喜歡開公司，除了選擇工作自由度大外，也可免去抽佣，全部收入直接落袋。
謝霆鋒
03年開始幕後工作，投資七位數開「 Pro朝霆」製作公司。總部設於香港， 09年在上海開分公司。至今員工超過 140人，公司年賺接近億元，更計劃上市。 
張敬軒
11年投資八位數字在廣州開設錄音室，面積接近四萬呎，內有餐廳、排舞室等設施。他更曾親自上網搜購器材，錄音室被行內人稱為「頂級水準」，林子祥及譚詠麟對錄音室均讚不絕口。 
陳冠希
現為多媒體公司 Clot Media Division（ CMD）的老闆，旗下藝人包括自己及何超儀。另外他也是 CLOT的老闆，專搞時裝，與不少牌子玩 crossover。 
留言列表
{{ article.title }}
