老表，你好嘢！ 真好嘢登 紐約時報



■高海寧噚日短裙出席商場活動，佢自認恨嫁。


王祖藍創作同主演嘅無綫劇《老表，你好嘢！》上周播映埋大結局，但老表熱潮一直未停過，最估唔到《老表》旋風仲吹埋去美國，連當地好出名嘅《紐約時報》本周日都有報道，佢哋有提到《老表》劇情帶出中港矛盾，祖藍噚日喺微博留言：「嘩！《老表》上《紐約時報》，原來這劇不只令內地和香港留意，國際新聞也有關注，辛苦台前幕後各工作人員，大家的努力，值得的！」



■王祖藍炮製嘅無綫劇《老表，你好嘢！》本周日登上《紐約時報》，認真威水。 高海寧恨嫁

祖藍呢個福將馬上成電影導演搶手貨，大家爭住搵佢開戲，據知拍慣愛情片嘅葉念琛都搵咗《老表》嘅祖藍、郭晉安同細細粒陳嘉佳開部新戲《Delete愛人》，祖藍擔正男主角。細細粒噚日同高海寧喺鑽石山荷里活廣場出席活動，未婚冇細路嘅佢哋竟示範做潮媽，高海寧開奶，細細粒換片，細細粒話月尾全職做無綫藝人。露背高海寧都恨嫁，佢話：「有師傅話我2018同2019年有機會結婚，我結完會即刻生。」
撰文：馮仁昭

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄