草地野餐
盛品儒帶備鮮花、香檳、蛋糕等，在戶外野餐看海，令女伴留下難忘回憶。
浪漫情人節
盛品儒 Chok爆郊野
情人節又到，城中的單身男女，最期待一個點樣 嘅情人節？
貴為城中筍盤的亞洲電視執行董事盛品儒，他覺得情人節最緊要講求心思，同埋天氣要夠凍，點解？唔使講都明，可以跟情人攬到實卿卿我我囉！
細心搭夠
盛品儒心目中的浪漫情人節，其實好簡單，就是要有心思，留意女仔的喜好，安排一個令對方有驚喜的情人節。
這天他請來應屆亞姐亞軍齊真晨，作為他的模擬女伴，示範一個令女方 冧爆的情人節。他認為情人節要浪漫，唔一定以錢掛帥，「平時工作見客或者朋友聚會，都會去一些高級餐廳，而且香港地好多女仔都識飲識食，但係情人節就唔一定要食得貴，送份好貴 嘅禮物，咁就無乜特別，我覺得男仔要花吓心思，有創意，最緊要令對方有個美好回憶。」
他今次教路，在郊野為女友準備驚喜情人節，帶備香檳、蛋糕、鮮花和禮物，與愛侶一齊親親大自然。來到郊外，氣溫特別凍，盛生講笑話：「凍咪好，愈凍愈好！」事關他回想自己曾在上海度過一個難忘情人節，他說：「都幾年前了，那年同前度女朋友在上海外灘慶祝邊睇夜景，嗰晚好凍，大家會好自然攬住，感覺好溫馨。」
浪漫談心
在郊外享受二人世界，盛生笑言天氣凍更好，令浪漫氣氛更加溫馨甜蜜。
神秘禮物
至於送禮物，平與貴都唔重要，他更着重送禮方式，如將禮物掛在樹上，讓女方更有驚喜。
他細心幫女伴、亞姐齊真晨戴上頸鏈。
鮮花攻勢
盛品儒覺得送花是情人節指定動作，女仔有花收便有面子。
製造驚喜
有心思有環境之餘，盛生給一眾男士 冧女友的寶貴貼士：鮮花一定唔少得，他說：「以前我打銀行工時，情人節當日，成個 office好似花墟，個個 OL枱面都有花，有些女仔收幾束花，如果冇花收，個女仔好冇面，作為男朋友一定要送花。」
他就曾送過九十九枝玫瑰花給女友，「我當時扮唔記得情人節，表現好冷淡，女友當然嬲嬲哋，然後給對方一個驚喜，送花俾佢，咁先至有情趣。」
三十六歲的他，現在仍是單身，他笑言因為自己怕醜，「前兩年父母都介紹過 Uncle嘅女我識，自己比較怕醜，無膽約人。」身為獨子的他亦感到壓力？「我自己打算四十歲前可以成家立室，但要等我追到女仔先。」問他是否趕生仔？他帶點彆扭地說：「真係有壓力。」
新婚情人
去年龍年特別多人結婚，一班新婚男女，婚後首個情人節，都揀喺屋企玩煮飯仔喎。
陳浩寧 甜心相簿
諸葛紫岐 麵包花
羅苡之 記錯日子
留言列表
{{ article.title }}
