7/2
鍾嘉欣隻身離港返溫哥華娘家過年,之後會合在美國探親的男友伍允龍。

探熱針

鍾嘉欣偷運男友返加

2013年02月14日 ~~ 第1197期 香港《壹周刊》

三十三歲 Chok峯確認與十九歲千語 BB的戀情,而一度令他流晒口水,在《溏心風暴》系列多次合演情侶的純情小花鍾嘉欣,即使俾盡力都追唔到手,始終不敵武打奀星伍允龍。地下情玩足五年,發展穩定。
由死口唔認,鍾嘉欣近年已改口風,承認雙方見過家長,打風打唔甩。今個農曆年,她返加拿大探親,男友亦會由美國取道往加國會女友,探望未來外父外母兼共度兩星期假期。
寧俾人知,莫俾人見。自言三十歲前要嫁的鍾嘉欣刻意與男友唔同日子出發,繼續偷運戀情。

溫哥華會合


過去一劇接一劇的鍾嘉欣,上月尾拍完新劇《巨輪》後,開口埋口要放假,又聲稱半年前已向公司請假兩個月,更辭演新劇《食為奴》,準備先返加拿大溫哥華探親到月尾,再到其他地方散心。近日她心情大好,日日等出發!
「因為佢約咗要返美國過年 嘅男友(伍允龍)之後喺溫哥華 join番一齊,嘉欣已經好耐無放假,今次可以同男友玩兩個幾禮拜佢好開心,話仲有啲親人要俾男友見埋。嘉欣唔想太高調,所以又專登分開唔同日子出發,免得俾記者跟到。」二人的友人說。


二人多年前拍電影《花花型警》擦出愛火,難得女方沒嫌棄男友事業比不上她。


當日下午二時,嘉欣由司機及助手,拖着一大一細喼到機場,玩大半個月行李特別多。


電話傳情
Check in完,她與助手食「早餐」,其間猛玩電話,密密同男友傳情。

驚青出發


年廿七(二月七日)下午,鍾嘉欣由助手及司機陪同到赤鱲角機場,在經濟櫃位辦登機手續時,記者上前拍照,她立即拉低帽不願上鏡,就算問她是否回加國探父母過年,她亦驚驚青青,唔肯答。據了解,伍允龍是在女友出發後第二日飛美,過完年便再轉往加拿大,會合度假。
一個是無 綫力捧姐仔,一個是投閒置散的奀星,身份懸殊。拍拖五年,開始時鍾嘉欣雖然唔認拍拖,卻經常被拍到二人行街、男方到香閨短聚照片,即使偶然傳分手,但雙方卻有默契地互派定心丸,可見發展穩定。
對早前有傳向佐前女友黃婉佩( Race)介入戀情,令二人鬧分手,鍾嘉欣仍十分堅定地說:「好好笑!有時話我 哋一齊,有時話分手!我哋關係好好,同以前一樣咁好!」


3/2大解放
以低 V窄身裙出席活動,惜肉如金的嘉欣難得露罅自拍(右),但同客戶小朋友合照又驚露底走光。



三十歲前嫁


堅拒唔吼有錢林峯,近年鍾嘉欣更不下一次,公開與男友親密關係。「我同伍允龍經常聯絡,父母見過我所有朋友,佢(伍允龍)都鍾意帶我父母周圍去;佢外表好似好勁,其實好細心。(是否好老公人選?)我覺得佢係好男仔,符合我部分條件。我係怪人,但佢有耐性。」
讚到男友上天,承認被父母催婚的她,已密謀三十歲前出嫁,對於伍允龍是否結婚對象?鍾嘉欣的答案是甜笑。
今次偷運男友返加,廿八歲的鍾嘉欣悉心安排甜蜜之旅,伍允龍大可趁機向女友家長提親,三十歲前出嫁大計,係時候開始。


Race(中)失戀,伍允龍陪 Race姊妹 shopping散心,被指鍾嘉欣呷醋要分手,實情對男友信心十足。「我同 Race同佢三個都係好朋友, Race失戀陪吓佢,好正常啫。」


早在多年前,二人被偷拍到在將軍澳坑口撐枱腳食晚飯,被揭戀情。

專一女神


出道以來,鍾嘉欣一直保得住清純形象,甚少緋聞,即使有唔少小生向她追求示好,最後亦慘食檸檬。

李傲寰( Felix)




11年,鍾嘉欣與做律師的 Felix,被發現到赤柱拍拖撐枱腳,二人一發現記者即極速離開,更多次衝燈撇甩記者,後來 Felix被踢爆已有正印女友,而純情嘉欣卻懵然不知。 

林峯




與林峯拍攝《溏心風暴》時,有指 Chok峯為搵機會親近,拍接吻戲時刻意 NG,又經常做柴可夫接載對方返屋企,林峯更在女方面前肆意換褲,出盡花款希望將對方追到手。 

梁榮忠




06年,與梁榮忠合作劇集《非常外母戇姑爺》,有指男方借教鍾嘉欣讀劇本挨身挨勢,又經常纏住對方,連去電視城 canteen開飯都照跟。 

撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(2) 人氣()