高海寧步步驚心 掩胸防突襲

向來身材豐滿的高海寧,昨日戴上50萬黃金頸飾現身馬場,見她落台時走入人群不時以手護胸防突襲,又要小心「照顧」名貴金飾,走路時非常生硬,似足機械人,甚為狼狽!



戴上五十萬首飾的高海寧行騷時唔敢大動作,非常生硬。

昨日大年初三新春賽馬日,汪明荃、黎耀祥及高海寧齊到馬場表演。高海寧穿紅色貼身中國式裙子,頸上佩戴50萬巨型黃金金飾行騷,甚為誇張。只見台上的她走路時一步一驚心,其頭及頸部亦不敢亂動。完騷後,她下台時途經馬迷堆中,她即醒目地以手護胸,以防被胸襲。

祈求開桃花

問是否很緊張?高海寧說:「都幾緊張呀!因為係全足金,唔可以用手掂,郁都要小心啲,好名貴,夠買一層樓嘅首期。(見你用手掩住胸,驚被胸襲?)唔驚,今日年初三,大家係熱情啫。」之後她自爆買了桃花,卻竟然還未開花:「買桃花想催旺吓,因為我屬虎,話屬虎今年多是非,不過過咗年都未開,依家要日日加暖水,祈求佢快啲開。」

汪阿姐透露自己屬豬,今年要多外遊,故新春期間亦會出埠工作。她又指老公羅家英不在港,故情人節會自己過。問阿姐可要預備六位數字利是錢?她說:「唔使,意頭啫!唔係派錢,我又唔係政府。」


大批馬迷上前爭睹高海寧風采,為免有意外,她即以手掩胸。

黎耀祥帶埋老婆到馬場睇表演。

一身金色打扮的汪明荃非常搶鏡。
祥仔撐祖藍

祥仔則稱因要拍劇,所以今年留港度歲。問有何新年願望?他笑說:「身體健康同開心啦!(再攞視帝?)冇乜期望,因為都已經攞過三次,不過有都唔拘,麥玲玲都話我會再攞。」提到有指王祖藍出招爭視帝,祥仔大方稱讚對方演得十分出色,太太亦有睇《老表,你好嘢》。

文:名人組

 高海寧戴廿八両金招財 123,127 



【今日我至金】高海寧噚日喺沙田馬場戴上廿八両重金飾行騷,仲勁過八両金,但就搞到佢行騷時勁辛苦囉!

汪明荃、黎耀祥、高海寧及蘇施黃等昨日亮相沙田新春賀歲馬,高海寧一身紅衫露香肩和美腿,更戴住近50萬、重廿八両的金頸飾,希望帶旺馬迷贏錢,勁過八両金好多!

新春賀歲馬昨日在沙田馬場舉行,高海寧(高Ling)性感行金飾騷幫馬迷招財,高Ling一身紅色長裙露肩又露腿,最誇張是戴住重達廿八両的巨型金頸飾行騷,她即時硬晒軚,不敢擰頭又不敢轉膊,小心翼翼,她說:「好緊張呀!係足金,唔可以用手掂住行騷,所以要小心擰個頭同條頸,唔知值幾多錢,但肯定可以畀首期。」身上戴上估計值50萬的重甸甸金頸飾,高Ling之後移師另一邊影相,馬迷近距離狂影,雖然有保鑣跟住,她也緊張用手㩒住,更笑說:「唔係驚,馬迷熱情拜年啫。」

高Ling又大爆今年好dry,連家中的桃花都不開:「過咗年都未開,我已經日日加暖水,催谷佢快啲開,𠵱家情人節都冇人約,真係唔想自己咁dry。」她更扁嘴表示生肖屬虎,今年桃花弱,是非多。
採訪:林嘉慈
攝影:陳志嵐

高Ling行騷「硬」食黃金甲

性感女神高海寧(高Ling)昨日身穿Tube Dress及佩戴黃金頸飾行騷,期間步步為營,為防被人胸襲,以手護胸之餘又要保護價值「成層樓嘅首期」的名貴金飾,走騷時極不自然,頭頸僵硬不敢亂動!

昨日大年初三新春賽馬日,除了有麥玲玲即場講「開運貼士」外,還有無綫藝人高Ling擔任模特兒,佩戴名貴金飾行騷。穿上紅色Tube Dress的高Ling頸戴50萬巨型金飾行騷,雖然行騷經驗豐富,但今次仍被重量級金飾考起,老貓燒鬚!台上行騷時,高Ling步步為營,頭及頸都不敢亂郁,成個人「硬晒軚」。完騷後走下台時,由於太多馬迷圍觀,她避免有人有機可乖,醒目地以手護胸,以防被胸襲。問到是否很緊張?她說:「都幾緊張呀!因為係全足金,唔可以用手掂,郁都要小心啲,真係好名貴,夠買一層樓嘅首期。」至於以手掩胸是否怕被胸襲?高Ling說:「唔驚!今日年初三,大家係熱情啫!」其後,她又自爆今年買桃花,本來想催旺人緣,點知到現時還未開花:「依家要日日加暖水,祈求佢快啲開!」

黃婉曼避談婚訊傳聞

同場出席活動還有藝人黃婉曼,有指將做蛇年新娘?她聞言即說:「我唔結婚都派利是o架啦!都冇乜分別!(結咗婚派雙封嘛?)啲人都唔鍾意『傷風』!」她又指結婚不應由自己說出口,這樣便顯得不矜貴,但又透露近日正研究酒席問題。

另外,譚詠麟(阿倫)的愛駒「財神駕到」昨日有份出賽,一身金色中國服現身的他笑言愛駒剛升上第三班,今次志在參與:「年初三攞個意頭啫!我都同騎師講冇壓力嘅,志在參與!」他又指新年願望是世界和平,希望香港可以求得上上籤。

名人組

高海戴上巨型頸飾行騷,睇落變咗長頸族少女!

高海寧落台時被重重包圍,急急以手掩胸防鹹豬手。

譚詠麟初三入場攞意頭,希望大家「財神駕到」!

黃婉曼入場派利是,但被問到結婚派雙封即扯開話題。

arrow
arrow
    全站熱搜

    tvb4life 發表在 痞客邦 留言(0) 人氣()