除了在台上叫賣， Apps Home更安排股東扮美國隊長大跳〈江南 Style〉，檔口似嘉年華多過年宵檔！
Main Camp
創意年宵突圍 大學生發 30萬蛇年財
好多大專生都趁新春在維園搞年宵攤檔﹐學人做老闆，不過大部分同學柴娃娃預蝕本。來自理大數碼媒體設計系的陳詠佳（阿佳）及樹仁工商管理系的勞子峰（ Wilson）就靠創意發圍，成功在維園花市賺錢發新年財。
今年已是二人第 4次搞年宵，除了將傳統竹搭成的檔口改為開放大舞台，更有美國隊長兼海綿寶寶定時上台跳舞兼派禮物，結果開檔 3日，已賣了三分一貨，年廿九都不用減價清貨尾，保守估計至少執 30萬（五十個股東按股份平分），過個肥蛇年！
創意年宵突圍大學生發 30萬蛇年財般學生搞年宵，都希望控制成本，以慳為主，但阿佳及 Wilson卻堅持以比普通檔口貴兩萬的價值，以 4萬 5租下轉角旺位，此外他們更花近 5,000元搭了一個舞台式檔口，又設計了高過一度門的巨型 SIII及 iPhone手機紙板模型做招牌，阿佳滿意的說：「為了吸引市民注目，我用 Photoshop設計咗以兩部手機，再印成大招牌，由設計到製成近 1個月，要吸引年輕客停低，呢啲唔慳得！」檔口由有頂竹棚變開放式當然夠搶眼，但新年前不時下雨， Wilson亦諗好計，用帆布冚住靚靚招牌繼續做生意，記者亦發現其實他們所賣產品跟往年大部分一樣，原來這亦是他們的策略之一， Wilson解釋：「四年搞年宵經驗令我哋知道，氣氛重要過一切，產品都係其次，所以我哋個台除了用作 sell貨，還會有唔同表演，好似會請同學組成嘅 band同 Beatbox手演出，其實喺你個檔口玩得開心，大部分客都會幫襯你！」現場更有成員變身海綿寶寶及美國隊長上台跳〈江南 Style〉，台下年輕客即駐足跟跳，氣氛熱鬧似足賀年 party。
小股東扮海綿寶寶
除了阿佳， Wilson等幾個主要股東， Apps Home其餘都以招股制籌集資金，負責扮海綿寶寶的小股東 Fish說：「 Apps Home每股$500，我入咗幾股！總共有 50個股東投資！」憑同學資金，他們成功集資 10萬元開檔。
以手機 apps logo做咕𠱸賺錢，其實明顯侵權，但 Wilson就博海關唔執法，他說：「最初都有啲驚，不過上年我哋都有賣，海關都唔捉，其實年宵係開心嘢，時間咁短，應該冇事啩！」
搞 high打歌
阿佳除出動私伙 panel及同學客串做 DJ播歌，阿佳亦會因環境轉歌路，阿佳補充：「朝早老人家多，我哋就播〈迎春花〉，夜晚要 high梗係播〈江南 Style〉同〈重口味〉啦！」
隊長跳馬舞
搞手阿佳不時化身主持上台大叫，「各位靚仔靚女， 15分鐘後我哋會有神秘表演，話唔定你哋手上會無啦啦攞到咕𠱸，唔好行開啦！」隨後，美國隊長和海綿寶寶就上台拋咕𠱸，即吸引到近百名市民圍搶！
加價照搶
理大自家頸枕多客冧
維園現場雖然不乏學生哥創業，但要數到自家設計又精美的，就必數由理大設計系學生搞的 108阿桃屋的頸枕，攤檔以桃哈多為靈感製成頸枕做主打，開售第二日已售出約四分之一，大股東 Hiliary有信心地說：「我哋啲貨夠實際，過完年都仲用得，又有新年 feel，梗係多人幫襯啦！」
理大時裝系剛畢業的賴文欣（右一）與朋友 Fiona（上）用 2萬投檔，再搵其他股東集資，她說：「雖然年尾啲天氣好熱，我哋賣嗰啲全部都毛茸茸，不過好在年廿九轉冷，所以相信都有錢賺！」
課室趕工
108阿桃屋的大部分產品都是自己設計，連理大時裝系的課室更化身成為該鋪的秘密工場。
皇仁仔走堂開檔
名校皇仁書院闊別維園年宵 20年，今年再重返維園開檔，以近 2萬元投得鋪位，學校更出通告招股搵股東，每股$50，最多認購 4股，而學校亦出 2萬支持攤檔營運。籌委會主席，現讀中五的李浩賢呻辛苦：「由競投、入貨都有做生意的校友帶領，而學校每日准許 4個學生走 3堂睇檔，不過真係好辛苦，入貨嗰排仲撞正考試，所以我下年都唔玩喇，學業要緊，留番畀啲師弟啦！」
一班皇仁仔連校服都不換就立刻到攤檔叫賣，中五的李浩賢說：「我哋用輪更制，有 3-4人要通頂守夜點吓貨，第二朝又要趕返學。」
中五學生李浩賢
聲都沙埋，我下年唔搞喇！
留言列表
{{ article.title }}
