今年 29歲的 9GAG創辦人陳展程 Ray，他形容當年去美國係冒險之旅，而且係 9GAG一個重大嘅轉捩點。
搜尋氣
幽默先好笑 9GAG創辦人：惡搞係立壞心腸
由 5個 80後港青創立的港產搞笑網站 9GAG成立 4年多，以分享搞笑圖片而出位，創辦人之一的 Ray（陳展程），由最初的「山寨」運作到今天成為全球 500大網站之一，全靠在美國矽谷「訓練」一年後獲投資者睇中集資$2,000萬，到現在回流香港建立總部，有自己 3,400呎辦公室，最近在 fb成立港版「 9GAG」，更高薪挖 I.T.人。
個個以為佢哋賺大錢，但他們自稱計落每人月入只約 5萬，難怪陳展程好謙咁話：「𠵱家唔算成功，只係多咗人識，我哋離成功呢兩個字好遠。」
9GAG回流香港
好多人話我哋搞唔掂先返嚟香港搞，其實我哋只係想擴大我哋版圖，始終喺香港長大，返嚟建立基地係理所當然，雖然喺美國搞網站嘅環境好好多，但喺我哋覺得如果要擴充，點解唔返香港？只要畀啲時間，我覺得喺香港都一樣可以成功。
家陣香港係有好多惡搞同二次創作，但講真我唔係好喜歡，因為啲惡搞基本係立壞心腸、要取笑同挖苦人，所謂二次創作都係類似，所以我好少睇，我哋網站嘅目的係分享幽默嘅圖片，不過我都唔會避開一啲有關政治嘅諷刺題目，好似美國一啲諷刺政治人物嘅漫畫我哋都有分享，不過就係幽默形式囉，唔會係人身攻擊。
我哋公司最後生嗰個員工得 20歲，我覺得佢哋好勤力喎！雖然公司好自由，不過都有返工時間限制，佢哋個個都好準時返工，做嘢好有上進心，唔係個個一開口就要錢。 90後年輕人易有懶散感覺，只係大家俾社會傳媒誤導啫！不過講真大家以為我哋好有錢， 9GAG係每月賺百幾萬，但係我哋不停投資同更新網站，淨係 server每個月都要成 20萬，計落我哋每個人人工只係 5萬左右，算係比起打份工好啦，不過買車買樓𠵱家都唔敢諗住，搞掂間公司先啦！
9GAG位於荃灣工廈的辦公室，有乒乓波枱又有滑板車，員工更可在公司內玩遊戲咭，員工讚老闆夠民主，貫徹美國 IT公司的自由風氣。
Ray同一班搞手獲投資者注資後，在美國租住的 apartment已經升呢至 2、 3千呎的雙層豪宅。
9GAG以分享幽默圖片聞名，即使在美國網站內的圖片，香港人睇完之後一樣有共鳴。
港版 9GAG暫時只在 fb設立專頁（下），用中文創作，港仔睇得更投入，而其中 9GAG經常會用這張叫「 Bitch Please」為圖片做點睛，意思類似「幫幫手，唔好笑死我！」 Ray話特別送畀《 FACE》讀者喎！
留言列表
{{ article.title }}
